2 Bakalenga 12:15 - MUKANDA WA MYIDI MUKULU

¹⁵ Bavua bafila makuta awu onsu kudi balombodi ba bibaki ba nzubu, anu bua bamone mua kulongolola miaba ivua minyanguke.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kabakalonda dibala dia argent kudi bafutshi ba bena mudimu eu, bualu bua bakadi mua kueyemenyibua.

2 Bakalenga 12:15 ပူးပေါင်းရင်းမြစ်များ

2 Bakalenga 12:14

Makuta avuabu bafila mu nzubu wa Mvidi Mukulu awu, kabavua baatula bua kuenzeja nawu malongu, bintu bia kusukula nabi miendu, nansha makopu a kumiamina nawu, mpungi, ne bintu bikuabu bia tshiamu tshia mpawungi, nansha bia tshiamu tshitoke tshia mushinga mukole to.

2 Bakalenga 22:7

Kadi, bantu badi bafuta bena mudimu, kabena mua kubalondesha bua makuta adibu benza nawu mudimu to. Bualu badi benza mudimu wabu bimpe.

2 Kulondolola 34:12

Bena mudimu kulongolola midimu yabu yonsu anu bimpe bu muvuabu babaleja kudi bena Levi aba: Yakate ne Obadya, ba mu diku dia Merari; kabidi ne Zekarya ne Meshulame, ba mu diku dia Kekate. Bena Levi bakuabu, bavua bamanye mua kuimba bisanji,

Nehemya 7:2

Ku mudimu wa kulongolola tshimenga tshia Yerushalayime, meme kuteka muanetu Anani, kabidi Ananiya, uvua mulombodi wa nzubu wa bena mvita. Ananiya uvua muntu muimpe, mulamatshi wa Mvidi Mukulu, mupite bantu bakuabu ba bungi.

Matayi 24:45

— Muena mudimu muimpe, wa meji, nnganyi? Ngewu udi mfumuende mupeshe mudimu wa kukuba bena mudimu bende, ne wa kubapesha biakudia diba dimpe.

Luke 16:1

Yezu kuambila balongi bende ne: — Muena biuma kampanda uvua ne mumulaminyi wa bintu. Bantu kuambila muena biuma ewu ne: mukulaminyi wa bintu udi utulakaja bintu biebe.

2 Korente 8:20

Tudi basue kuepela bijanu bidibu mua kutujana pa mushindu utudi tuenza mudimu ne bintu bivule ebi.

3 Yone 1:5

Mulunda wanyi, biudi wenzela bana hetu, too ne benyi kabidi, bidi bileja muudi muntu wa diyi dimue.