2 Bakalenga 11:5 - MUKANDA WA MYIDI MUKULU

⁵ Kubambilaye kabidi ne: — Monayi tshinudi ne bua kuenza: Padi bantu bakuabu ba kunudi batuadija mudimu wabu dituku dia Dikisha, tshisumbu tshia kumpala tshidi tshilama nzubu wa bukalenga,

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yeye wakabambila ne, Bunudi nʼabu mbua kuenza nunku: tshituha tshienu tshisatu tshialua dituku dia Lumingu netshikale balami ba nsubu wa mukelenge,

2 Bakalenga 11:5 ပူးပေါင်းရင်းမြစ်များ

1 Bakalenga 10:5

bua biakudia bivuabu bateka ku mesa, bua balombodi ba bukalenga bua Shelomu, bavua basombe ku mesa balondangane bimpe, bua bilamba bivuabu bavuale kudi bena mudimu bavua babanya biakudia ne bia kunua. Mukalenga mukaji umona milambu ivua Shelomu ulambula mu nzubu wa Maweja-Nangila, kukemaye bikole bua bintu bionsu abi, kupangaye ne mua kuakula.

2 Bakalenga 11:19

Yoyada kusangisha kabidi balombodi ba bena mvita, bena Kari, ne bena mvita bakuabu bavua balame mukalenga Yowashe, kabidi ne bantu bonsu. Kumukabu ne mukalenga Yowashe mu nzubu wa Mvidi Mukulu, kuya nende mu nzubu wa bukalenga. Kupitshilabu ku tshiibi tshia bena mvita bavua balame mukalenga. Pavua Yowashe mumane kusomba mu nkuasa wa bukalenga,

2 Bakalenga 11:6

tshisumbu tshibidi tshilama tshiibi tshia ku Sure, ne tshisumbu tshisatu tshilama tshiibi tshidi panyima pa nzubu wa bena mvita badi balame mukalenga. Nanku, bisumbu ebi bisatu, bilama nzubu wa bukalenga bilondangane.

2 Bakalenga 16:18

Nanku, bua kusankisha mukalenga wa bena Ashure, mukalenga Akaze kujika “Muaba uvuabu bapitshila dituku dia Dikisha,” uvuabu base mu nzubu wa Mvidi Mukulu, kujika kabidi “Mushiku wa mukalenga” uvua pambelu pa nzubu ewu.

1 Kulondolola 23:32

Nebalame bimpe ntenta wa kusambakena ne muaba wa tshijila. Bana babu bakuabu ba ku ndelanganyi ya Arone nebashale ne mudimu wa mu nzubu wa Maweja-Nangila.

1 Kulondolola 9:25

Balami bakuabu ba biibi bavua basomba ku misoku yabu. Kadi bavua bafika misangu ne misangu bua kuenza mudimu wabu wa kulama ku biibi lumingu bijima.

Yirmeya 26:10

Balombodi ba mu bukalenga bua bena Yuda bamane kumvua bivua bienzeka, kumukabu mu nzubu wa bukalenga, kubandabu ku nzubu wa Mvidi Mukulu. Kuyabu kusomba kumpala kua tshiibi tshipiatshipia tshia nzubu wa Mvidi Mukulu bua kuteleja tshilumbu.