2 Bakalenga 11:4 - MUKANDA WA MYIDI MUKULU

⁴ Mu tshidimu tshia muanda mutekete, mutuangaji Yoyada kubikidisha balombodi ba bena Kari, ne ba bena mvita bakuabu bavua balama mukalenga. Kuyaye nabu mu nzubu wa Mvidi Mukulu. Kutuaye nabu ndondu, kuditshipabu. Pashishe, kubalejaye muana wa balume wa mukalenga Akaziya.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mu tshidimu tshia muanda mutekete tshia Yoasha Yehoyada wakabikila tupitene tua bantu nkama bantu nkama ba Bena Kala ne ba balami, bakalua kudiye mu nsubu wa Yehowa; yeye wakahunga nʼabo tshihungidi, wakabatshihisha mu nsubu wa Yehowa, wakabalesha muana wa mukelenge.

2 Bakalenga 11:4 ပူးပေါင်းရင်းမြစ်များ

Genese 50:25

Yozefe kutshipisha bana babu, ubambila ne: “Pikala Mvidi Mukulu munumushe mu ditunga edi, numuangale ne mifuba yanyi.”

2 Samuele 20:23

Yowabe uvua mfumu wa bena mvita bonsu ba bena Izrayele. Benaya, muana wa Yoyada, uvua ulombola bena Kreti ne bena Peleti, bavua balame mukalenga Davide.

2 Samuele 8:18

Benaya, muana wa Yoyada, uvua mulombodi wa bena Kireti, ne bena Peleti, bena mvita bavua balame mukalenga Davide. Bana ba Davide bavua batuangaji kabidi.

1 Bakalenga 14:27

Pashishe, mukalenga Robowame kuenzeja ngabu mikuabu ya tshiamu tshikunze ya kupingaja pa kuabu bangata ayi. Ngabu ayi, Robowame kuyipesha bamfumu ba bena mvita, bavua balame biibi bia nzubu wa bukalenga.

1 Bakalenga 18:10

Bu mudi Maweja-Nangila Mvidi Mukulu webe ne muoyi, ndi nkujadikila ne: mfumuanyi Akabe mmutume bantu mu bisamba bionsu ne mu makalenga onsu bua kukukebabu. Pavua bamfumu ba matunga bamba ne: “Muambi Eliya kena kuetu to,” bavua ne bua kuditshipa bua kujadika ne: kabena bakumona to.

2 Bakalenga 11:17

Mutuangaji Yoyada, kufikisha mukalenga Yowashe pamue ne bena Izrayele bonsu ku ditua ndondu ne Maweja-Nangila. Bua ndondu awu, bena Izrayele kuitaba bua kuikala bantu ba Maweja-Nangila. Mutuangaji kufikisha kabidi mukalenga Yowashe ku ditua ndondu ne bantu bende bena Izrayele.

2 Bakalenga 11:19

Yoyada kusangisha kabidi balombodi ba bena mvita, bena Kari, ne bena mvita bakuabu bavua balame mukalenga Yowashe, kabidi ne bantu bonsu. Kumukabu ne mukalenga Yowashe mu nzubu wa Mvidi Mukulu, kuya nende mu nzubu wa bukalenga. Kupitshilabu ku tshiibi tshia bena mvita bavua balame mukalenga. Pavua Yowashe mumane kusomba mu nkuasa wa bukalenga,

2 Bakalenga 11:3

Muana awu ne ndeji wende, bavua basombe basokome mu nzubu wa Mvidi Mukulu bidimu bisambombu. Bidimu abi, Ataliya uvua mukalenga wa ditunga.

2 Bakalenga 11:9

Balombodi ba benamvita, kuenza bionsu bivua mutuangaji Yoyada mubambile. Kusangishabu bena mvita bonsu ne batuangaji bavua benza mudimu dituku dia Dikisha, ne bavua bajikije mudimu wabu dituku adi. Bonsu kufika kudi mutuangaji Yoyada.

2 Bakalenga 12:7

Kadi, mu tshidimu tshia makumi abidi ne tshisatu tshivua Yowashe mu bukalenga, batuangaji kabavua banji kulongolola tshintu nansha tshimue mu nzubu wa Mvidi Mukulu to.

2 Bakalenga 23:3

Pashishe, mukalenga kuimana pabuipi ne dikunji dia ku nzubu wa Mvidi Mukulu, kutuaye ndondu ne Maweja-Nangila tshiakabidi. Muntu yonsu kuitaba bua kulamata Maweja-Nangila, ne kukumbaja ne muoyi mujima, meyi ende, mikenji yende, ne mikandu yende, ne kuitaba kabidi, bua kukumbaja bionsu bivua mu mukanda wa ndondu. Bantu bonsu kuitaba mua kuenza nanku.

1 Kulondolola 9:13

Pamue ne batuangaji bakuabu, bamfumu ba meku aa bavua 1.760; bavua bonsu bilobu bivua bienza mudimu mu nzubu wa Mvidi Mukulu.

2 Kulondolola 15:12

Kuditshipabu kumpala kua bantu bonsu, bua kukumbaja ne muoyi wabu onsu, ne bukole buabu buonsu, tshidi Maweja-Nangila Mvidi Mukulu wa bankambua babu ujinga.

2 Kulondolola 29:10

Kadi meme ndi musue kutua ndondu ne Maweja-Nangila Mvidi Mukulu wa Izrayele, bua kutuyishaye tshiji tshiende tshikole tshivuaye mutukuatshile.

Nehemya 10:29

Nanku, bantu bonsu kudisangisha nabu ku malaya abu awu. Bantu abu bavua: batuangaji, bena Levi, balami ba biibi, bimbi ba misambu, bena midimu mishilangane ba mu nzubu wa Mvidi Mukulu, kabidi ne tuetu, bakaji betu, bana betu ba balume ne ba bakaji bakavua bakole, bakavua bumvua bivua bienzeka ebi. Tuetu bonsu katuvua babuelakane ne bantu ba bisamba bikuabu bavua bashala mu ditunga, kadi tuvua batumikile mikenji ya Mvidi Mukulu.

Nehemya 5:12

Bantu bobu kuamba ne: — Tudi bitabe muudi muambe. Neapingaje bintu bituvua bangate. Katuakulomba kabidi tshia kasombele nansha. Nanku, meme kubikidisha batuangaji, kuambila bantu bavua basombeshangana bintu, bua baditshipe ne: netukumbaje bituvua balaye.

Bienzedi 5:24

Mulombodi wa balami ba nzubu wa Mvidi Mukulu, ne bamfumu ba batuangaji bumvua nanku, kulubakanabu, kabayi mua kumvua muvua bapostolu bajimine.

Bienzedi 5:26

Mulombodi wa balami ba nzubu wa Mvidi Mukulu kuya ne bantu bende bua kukuata bapostolu. Kadi kabavua babakengesha to, bualu bavua batshina ne: bantu badi mua kutuasa mabue.

Yoshua 24:25

Dituku adi, Yoshuwa kutua ndondu ne bena Izrayele ku Shekeme. Kubajadikilaye meyi ne mikenji bia nsombelu muimpe.

1 Samuele 18:3

Kadi bu muvua Yonatane munanga Davide bikole, kutuabu ndondu wa bulunda kashidi.

1 Samuele 23:18

Yonatane ne Davide kutua ndondu wa bulunda mu dina dia Maweja-Nangila. Ke Yonatane kupingana kuende, Davide kushalaye ku Orsha.