2 Bakalenga 11:2 - MUKANDA WA MYIDI MUKULU

² Kadi, pavuabu bashipa ndelanganyi ayi, nsongakaji mukuabu, muanabu ne Akaziya, dina diende Yosheba, muana wa Yorame mukalenga wa bena Yuda, kusokoka muana wa balume wa muanabu wa balume. Dina dia muana awu, Yowashe. Nsongakaji uvua musokoke muana awu ne ndeji wende mu tshibambalu tshia kulala tshivua ku nzubu wa Mvidi Mukulu. Ataliya kavua mumanye ne: muana wa balume awu, mmushale ne muoyi to.

Mukanda wa Nzambi Dihungila Dikulukulu ne Dihungila Dihia-dihia 2003

² Kadi Yehosheba, muana wa mukelenge Yolama, muanʼabo mukashi ne Ahazaya, wakangata Yoasha, muana wa balume wa Ahazaya, wakamuangata munkatshi mua bana ba mukelenge bakashihabo, wakamuteka ne mulami wandi mu nsubu wandi wa bulalu; bakamusokoka kudi Atalaya, yeye kakashihibua.

2 Bakalenga 11:2 ပူးပေါင်းရင်းမြစ်များ

1 Bakalenga 11:17

Tshikondu atshi, Adade utshivua anu nsongalume. Kunyemaye, kuya mu Ejipitu ne bena Edome bakuabu bavua bena mudimu ba tatuende.

1 Bakalenga 6:10

Kadi nzubu yonsu wa ku nzubu mitentakaja ivuabu balamika ku bimana bia nzubu wa Mvidi Mukulu, uvua ne metre abidi ne tshitupa mu butumbuke. Kutekabu mabaya manene a mutshi wa sedre pa tshimana tshia nzubu wa Mvidi Mukulu.

1 Bakalenga 6:8

Mu nzubu uvua kuinshi kua mikuabu bavua babuelela ku tshiibi tshivua ku luseke lua kuinshi lua nzubu wa Mvidi Mukulu, babanda pa tshibandila tshia tshijengu, bua kuya mu nzubu wa pankatshi, ne bua kuya mu nzubu wa pa mutu.

2 Bakalenga 11:3

Muana awu ne ndeji wende, bavua basombe basokome mu nzubu wa Mvidi Mukulu bidimu bisambombu. Bidimu abi, Ataliya uvua mukalenga wa ditunga.

2 Bakalenga 12:1

Yehu mumane kulala mu bukalenga bua bena Izrayele bidimu muanda mutekete. Yowashe mutshikale ne bidimu muanda mutekete, kudiaye bukalenga bua Yuda. Kushalaye mu bukalenga mu Yerushalayime bidimu makumi anayi. Mamuende wa Yowashe uvua wa mu tshimenga tshia Bersheba, dina diende Sibiya.

2 Bakalenga 8:16

Mu tshidimu tshitanu tshivua Yorame, muana wa Akabe mu bukalenga mu bena Izrayele, Yorame, muana wa Yosafate, kubuela mu bukalenga bua bena Yuda.

2 Bakalenga 8:19

Kadi Maweja-Nangila kavua musue kubutula bukalenga bua Yuda to. Bualu uvua mulaye muntu wende Davide ne: ndelanganyi yende neishale mu bukalenga mu Yerushalayime kashidi.

1 Kulondolola 3:11

Yorame, Akaziya, Yowashe,

2 Kulondolola 22:11

Kadi pavuabu bashipa ndelanganyi ayi, Yosheba, mukaji wa mu diku dia bukalenga, kunyema mu musokoku ne Yowashe, muana wa Akaziya. Yosheba kusokoka Yowashe ne ndeji wende mu tshibambalu tshia kulala tshivua mu nzubu wa Mvidi Mukulu, bua Atalya kamushipi to. — Yosheba, mukaji wa mutuangaji Yoyada, uvua muana wa Yorame, mukalenga wa bena Yuda. Nanku uvua yayende wa Akaziya. —

Ekesode 8:3

Kadi benji ba bilengulengu ba bena Ejipitu kuenza tshishima atshi, ne majimbu abu. Ndimba kubuela mu ditunga dijima dia Ejipitu ne ku mudimu wabu.

Nsumuinu 21:30

Meji, lungenyi nansha dimanya bidi tshianana, paudi uluisha Maweja-Nangila.

Yeshaya 37:35

Nendame Yerushalayime, nemmusungidile, bualu ndi Mvidi Mukulu, kabidi ndi munange muntu wanyi Davide.”

Yirmeya 33:17

Telejayi bualu bukuabu budi Maweja-Nangila utumanyisha: Muntu wa ku ndelanganyi ya mukalenga Davide neashale kashidi mu bukalenga bua Izrayele.

Yirmeya 33:21

Nanku dilaya dianyi dimvua mulaye muntu wanyi Davide kadiena mua kufua to. Muntu nansha umue kena mua kukandika, bua muntu wa ku ndelanganyi ya Davide kikadi mukalenga wa Yerushalayime to, nansha bua bantu ba ku ndelanganyi ya Levi kabikadi bantu badi bengenzela mudimu.

Yirmeya 33:26

Nanku, nudi mua kuitaba ne: ndi mubenge ndelanganyi ya Yakobe ne ya muntu wanyi Davide anyi? Nudi mua kuitaba ne: munkatshi muabu tshiakuangata kabidi bamfumu badi balombola tshisamba tshia Abrahame, tshia Izake ne tshia Yakobe anyi? “Kabiena nanku to! Kadi ndi mubanange bushuwa, nembapeshe kabidi diakalenga.”

Yirmeya 35:2

— Uye kudi tshiota tshia bena Rekabe. Wambile bantu aba bua babuele mu tshibambalu tshia ku nzubu wa Mvidi Mukulu. Muaba awu neubapeshe maluvu a mvinyo a kunuabu.

Yirmeya 36:26

Mukalenga kutuma diyi kudi Yerameyele mulombodi wa bena mvita, kudi Seraya, muana wa Azriyele, ne kudi Shelemiya, muana wa Abdeyele, bua bele muambi Yirmeya ne Baruke mufundi mu nzubu wa lukanu. Kadi Maweja-Nangila kusokoka Baruke ne Yirmeya.

Yezekiyele 40:45

Muntu kungambila ne: “Tshibambalu tshidi tshitangila luseke lua kuinshi, ke nzubu wa batuangaji badi benza midimu mishilangane mu nzubu wa Mvidi Mukulu.

Balombodi 9:5

Abimeleke kuya mu nzubu wa tatuende ku Ofra. Muaba awu kushipaye bana babu makumi muanda mutekete, bana ba Yerubaale. Kubashipelaye anu pa lubuebue lumue. Amu Yotame, muana mukala, ke uvua mupande, bualu uvua musokome.