2 Bakalenga 11:17 - MUKANDA WA MYIDI MUKULU

¹⁷ Mutuangaji Yoyada, kufikisha mukalenga Yowashe pamue ne bena Izrayele bonsu ku ditua ndondu ne Maweja-Nangila. Bua ndondu awu, bena Izrayele kuitaba bua kuikala bantu ba Maweja-Nangila. Mutuangaji kufikisha kabidi mukalenga Yowashe ku ditua ndondu ne bantu bende bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yehoyada wakahunga tshihungidi hankatshi ha Yehowa ne mukelenge ne bantu ne, Tuetu netuikale bantu ba Yehowa; wakahunga tshihungidi tshikuabo hankatshi ha mukelenge ne bantu.

2 Bakalenga 11:17 ပူးပေါင်းရင်းမြစ်များ

2 Samuele 5:3

Nanku bakulu bonsu ba bena Izrayele kufika, kuya kudi mukalenga Davide mu Ebrone. Davide kutua nabu ndondu kumpala kua Maweja-Nangila. Kujidilabu Davide bua ikale mukalenga wa bena Izrayele.

2 Bakalenga 11:4

Mu tshidimu tshia muanda mutekete, mutuangaji Yoyada kubikidisha balombodi ba bena Kari, ne ba bena mvita bakuabu bavua balama mukalenga. Kuyaye nabu mu nzubu wa Mvidi Mukulu. Kutuaye nabu ndondu, kuditshipabu. Pashishe, kubalejaye muana wa balume wa mukalenga Akaziya.

2 Bakalenga 23:3

Pashishe, mukalenga kuimana pabuipi ne dikunji dia ku nzubu wa Mvidi Mukulu, kutuaye ndondu ne Maweja-Nangila tshiakabidi. Muntu yonsu kuitaba bua kulamata Maweja-Nangila, ne kukumbaja ne muoyi mujima, meyi ende, mikenji yende, ne mikandu yende, ne kuitaba kabidi, bua kukumbaja bionsu bivua mu mukanda wa ndondu. Bantu bonsu kuitaba mua kuenza nanku.

1 Kulondolola 11:3

Bakulu bonsu ba bena Izrayele kuya kudi mukalenga Davide mu tshimenga tshia Ebrone. Davide kutua nabu ndondu kumpala kua Maweja-Nangila. Bobu kumujidila bua ashale mukalenga wa bena Izrayele, bua kukumbaja diyi dia Maweja-Nangila divua Samuwele muambe.

2 Kulondolola 23:16

Mutuangaji Yoyada kutua ndondu, pamue ne mukalenga Yowashe, kabidi ne bena Izrayele bonsu, bua bonsu bikale tshiakabidi bantu ba Maweja-Nangila.

2 Kulondolola 29:10

Kadi meme ndi musue kutua ndondu ne Maweja-Nangila Mvidi Mukulu wa Izrayele, bua kutuyishaye tshiji tshiende tshikole tshivuaye mutukuatshile.

2 Kulondolola 34:31

Uvua muimane pa muaba uvuabu bamulongoluele. Kutuaye tshiakabidi ndondu ne Maweja-Nangila. Muntu yonsu uvua ne bua kuitaba ne: ndi musue kuitaba Maweja-Nangila, kukumbaja ne muoyi wanyi mujima, ne bukole buanyi buonsu, meyi ende, mikenji yende ne mikandu yende. Ndi musue kukumbaja kabidi bionsu bidibu bafunde mu mukanda wa ndondu.

Ezela 10:3

Bualu netuditshipe kudi Mvidi Mukulu ne: netubenge bakaji benyi bonsu, ne bana badibu balele. Netulonde meyi anudi nufila, wewe Ezra ne bonsu badi bakumbaja biakane mikenji ya Mvidi Mukulu wetu. Netukumbaje bidiye musue.

Yirmeya 34:8

Maweja-Nangila kuambila kabidi Yirmeya malu makuabu. Bualu mukalenga Sedekiya uvua mumvuangane ne bena mu Yerushalayime bua bapikule bapika babu.

2 Korente 8:5

Bayua benze bipite ne patuvua batekemene. Bayua badianze kudifila kudi Mfumu. Pashishe bayua badifile kabidi kutudi, bua bamone mua kuitaba bidi Mvidi Mukulu musue.

Yoshua 24:25

Dituku adi, Yoshuwa kutua ndondu ne bena Izrayele ku Shekeme. Kubajadikilaye meyi ne mikenji bia nsombelu muimpe.

1 Samuele 10:25

Ke Samuwele kubadila bantu bidi bantu ne bua kuenzela mukalenga, ne bidi mukalenga ne bua kuenzela bantu. Kufundaye bionsu abi mu mukanda, kuutekaye mu nzubu wa Mvidi Mukulu. Pashishe kutangalajaye bena Izrayele, kupinganabu kuabu.