2 Bakalenga 11:12 - MUKANDA WA MYIDI MUKULU

¹² Ke, mutuangaji Yoyada kupatula Yowashe, kumuasa tshifulu tshia bukalenga, kumupesha mukanda wa ndondu! Pashishe, kuelabu Yowashe mafuta pa mutu bua kumujidila. Diakamue, bantu bonsu kumukumina bikashi, bela mbila, bamba ne: “Mukalenga Yowashe, akuate ku mundundu!”

Mukanda wa Nzambi Dihungila Dikulukulu ne Dihungila Dihia-dihia 2003

¹² Hashishe bakaluhuka ne muana wa mukelenge, bakateka tshifulu tshia butumbi ha mutu handi; bakamuha mukanda wa dihungila, bakamujadika mukelenge, bakamuela manyi ha mutu handi; bakamututshila nkashi, bamba ne, Mukelenge ikale ne muoyo!

2 Bakalenga 11:12 ပူးပေါင်းရင်းမြစ်များ

2 Samuele 1:10

Nanku meme kusemena pabuipi, kumushipa. Bualu mvua mumone ne: baluishi mbamane kumutshimuna, kakushala ne muoyi to. Pashishe meme kuangata tshifulu tshiende tshia bukalenga tshivua ku mutu, ne lukanu luvua ku diboku. Ndi mukutuadilebi muaba ewu.

2 Samuele 12:30

Davide kuangata tshifulu tshia bukalenga tshivua ku mutu kua Milkome, mvidie wa bena Amore. Tshifulu atshi ntshia tshiamu tshia mpawungi, tshivua ne bujitu bua kilo makumi asatu ne pa mutu. Dibue ditoke dia mushinga mukole divua ku tshifulu aku. Kutekabu tshifulu atshi pa mutu wa Davide. Mu tshimenga atshi, bavua bapawula kabidi bintu bipite bungi.

2 Samuele 16:16

Ushayi, muena Arki, mufidi wa ngenyi wa mukalenga Davide, ufika pabuipi ne Absalome, kuambaye ne: — Mukalenga, kuata ku mundundu! Mukalenga, kuata ku mundundu!

2 Samuele 2:4

Ke bena Yuda kufika mu Ebrone bua kujidila Davide bua ikala mukalenga wa bena Yuda. Bantu bamane kuambila Davide ne: Bena mu tshimenga tshia Yabeshe mu Ngilaade mbajike Shawule,

2 Samuele 2:7

Mpindiewu, nuikale ne dikima, nudileje bantu ba bukitu. Mfumuenu Shawule mmumane kufua. Meme Davide ke udi bena Yuda bajidile bua nshale mukalenga wenu.”

2 Samuele 5:3

Nanku bakulu bonsu ba bena Izrayele kufika, kuya kudi mukalenga Davide mu Ebrone. Davide kutua nabu ndondu kumpala kua Maweja-Nangila. Kujidilabu Davide bua ikale mukalenga wa bena Izrayele.

1 Bakalenga 1:25

Bualu lelu, Adoniya mmupueke ku “Dibue-dia-busenu,” mmulongolole tshibilu tshinene. Mu tshibilu atshi, mmulambule ngombe ya bungi, nyama mikuabu ya manyi, ne mikoku. Uvua mubikilemu bana bebe ba balume. Uvua mubikile kabidi bamfumu balombodi ba bena mvita, ne mutuangaji Abiyatare. Bantu bonsu aba, badi badia, banuane Adoniya diba ditudi edi, bamba ne: “Mukalenga Adoniya akuate ku mundundu!”

1 Bakalenga 1:34

Muaba awu, mutuangaji Sadoke, ne muambi Natane, nebamuele mafuta pa mutu bua kumujidila, bua ashale mukalenga wa bena Izrayele. Pashishe, nuele mpungi, nuele mbila, nuamba ne: “Mukalenga Shelomu akuate ku mundundu.”

1 Bakalenga 1:39

Mutuangaji Sadoke uvua muangate lusengu, luvua mu ntenta wa Maweja-Nangila, luikala ne mafuta a tshijila tente. Kuelaye mafuta awu pa mutu pa Shelomu, bua kumujidila mu bukalenga. Pashishe, kuelabu mpungi. Bantu bonsu bavua muaba awu kuela mbila ne: “Mukalenga Shelomu akuate ku mundundu!”

1 Bakalenga 2:44

Udi muvuluke malu mabi onsu auvua muenzele tatu wanyi Davide anyi? Udi anu mumanye bionsu abi. Nanku, Maweja-Nangila neakusombuele nkayende bua buenzayi buebe.

2 Bakalenga 11:11

Bena mvita kabavua bimana mu tshitangu tshijima to, bavua bimana ne bia mvita mu bianza, ku ditumba dia kuinshi mu nzubu wa Mvidi Mukulu too ne ku ditumba dia ku mutu, luseke ludi diba dipatukila. Nanku bavua bimane kumpala kua nzubu wa Mvidi Mukulu ne ku tshilambuilu, bamane kudilongolola bua kulama mukalenga Yowashe, nseke yonsu.

2 Bakalenga 11:2

Kadi, pavuabu bashipa ndelanganyi ayi, nsongakaji mukuabu, muanabu ne Akaziya, dina diende Yosheba, muana wa Yorame mukalenga wa bena Yuda, kusokoka muana wa balume wa muanabu wa balume. Dina dia muana awu, Yowashe. Nsongakaji uvua musokoke muana awu ne ndeji wende mu tshibambalu tshia kulala tshivua ku nzubu wa Mvidi Mukulu. Ataliya kavua mumanye ne: muana wa balume awu, mmushale ne muoyi to.

2 Bakalenga 11:4

Mu tshidimu tshia muanda mutekete, mutuangaji Yoyada kubikidisha balombodi ba bena Kari, ne ba bena mvita bakuabu bavua balama mukalenga. Kuyaye nabu mu nzubu wa Mvidi Mukulu. Kutuaye nabu ndondu, kuditshipabu. Pashishe, kubalejaye muana wa balume wa mukalenga Akaziya.

2 Bakalenga 9:13

Diakamue, balombodi bonsu abu, kuangata bilamba biabu, kubiadija pa mutu pa tshibandilu bua Yehu kuimanapu, bena misambu kuela mpungi. Bantu bonsu kuela mbila, bamba ne: “Mukalenga Yehu, akuate ku mundundu.”

2 Bakalenga 9:3

Wangate kalondu ka mafuta, umuele mafuta pa mutu, umuambile ne: Maweja-Nangila udi wamba ne: “Ndi nkujidila bua wikale mukalenga wa bena Izrayele!” Pashishe, kujingakanyi to. Unzulule tshiibi, upatuke lubilu.

2 Kulondolola 23:11

Pashishe, mutuangaji Yoyada kupatula Yowashe, kumuasa tshifulu tshia bukalenga, kumupesha mukanda wa ndondu. Ke Yoyada ne bana bende ba balume, kuela Yowashe mafuta pa mutu bua kumujidila mu bukalenga. Nanku bantu bonsu kuela mbila, bamba ne: “Mukalenga Yowashe akuate ku mundundu!”

Estere 2:17

Mukalenga kunanga Estere kumpala kua bakaji bakuabu bonsu. Ku bansongakaji bonsu, amu Estere ke uvua mukalenga mupite kunanga. Kumuasaye tshifulu tshia bukalenga, kumubanda bu mukalenga mukaji pa mutu pa Vasti.

Estere 6:8

umuvuadike tshimue tshia ku bivualu biebe menemene, umupe nyama webe wa kabalu, umuase tshifulu tshia bukalenga ku mutu wende.

Misambu 132:18

Nemfuishe baluishi bende bundu, tshifulu tshia bukalenga netshikenke ku mutu kuende.”

Misambu 21:3

Udi mukumbaje tshivuaye ujinga. Kuena mumupale tshivuaye ukulomba.

Misambu 21:4

Udi mumuele lupemba, mumuase nsala wa lumu.

Misambu 47:1

Musambu wa mu mukanda wa mulombodi wa misambu. Wa mu mukanda wa misambu wa bena Kora.

Misambu 78:5

Uvua mulongeshe bantu bende, kuelelaye bena Izrayele mukenji, kuambilaye bankambua betu, bua balongeshe bana babu malu aa.

Misambu 89:39

Kadi wewe udi mubenge mukalenga uuvua mujidile, udi mumulekele, udi mumufikile munda.

Misambu 98:8

Misulu ya mayi ikume bikashi, ne mikuna yonsu yele pamue mbila ya disanka,

Ekesode 25:16

Mu mushete amu utekemu mabue, adi ne mikenji ingakupesha, idi ijadika ndondu.

Ekesode 31:18

Nanku, Maweja-Nangila mumane kujikija diyuki ne Moshe ku mukuna wa Sinayi, kupeshaye Moshe mabue abidi ne mikenji ivuaye mudifundile nkayende.

Yeshaya 55:12

Nenupatuke mu Babilone, nusanke. Nebanupingaje kuenu mu bupole. Diba adi mikuna minene ne mikese, neyele mbila ya disanka. Mitshi yonsu ya mu mpata neituute bikashi kumpa la kuenu.

Yeshaya 8:16

Ndi nsokoka bivua Maweja-Nangila mungambile. Ndi ndama bimpe bionsu bindi ne bua kuamba. Ndi mbiambila amu balongi banyi.

Yeshaya 8:20

wandamuna ne: “Tuetu tudi bualu amu ne mikenji, kabidi ne malongesha a Maweja-Nangila.” Muntu udi kayi ulonda mukenji awu, kena utshisha bufuku to.

Muadi 4:20

Muntu utuvua batekemene, mukalenga uvua Maweja-Nangila mumane kujidila, nyeye utuvua tuamba ne: “Mu bukalenga buende netuikale ne muaba munkatshi mua bisamba bikuabu”, monayi, nyeye ewu bamukuate mu dijimba dia muluishi!

Danyele 3:9

Kuambilabu mukalenga Nebukadnesare ne: — Mukalenga, kuata ku mundundu!

Danyele 6:21

Pakafikaye pabuipi ne buina, kubikilaye Daniyele ne diyi dia dibungama, umukonka ne: — Daniyele, muntu wa Mvidi Mukulu udi ne muoyi, Mvidi Mukulu webe uudi utendelela ku dituku ku dituku, wakusungididi ku nzadi ya nyama ya ntambue anyi?

Matayi 21:9

Bavua benda kumpala kua Yezu, ne bavua bamulonda mu nyima, bonsu kuela mbila ne: “Lumu tuikale kudi Muana wa Davide! Udi uvua mu dina dia Maweja-Nangila, Mvidi Mukulu amuele lupemba! Lumu bikale kudi Mvidi Mukulu mu diulu!

Matayi 27:29

Pashishe kujingabu tshikata tshia mionji ya meba, kumuasa ku mutu. Kumupeshabu dilenga mu tshianza tshiende tshia balume. Bavua batua binu kumpala kuende, bamuseka ne: — Muoyi, mukalenga wa bena Yuda!

Bienzedi 4:27

Bushuwa, mu tshimenga emu, Erode ne Ponsiyo Pilate, bantu benyi ne bena Izrayele, mbumvuangane bua kubenga muntu webe wa tshijila Yezu uudi musungule.

2 Korente 1:21

Amu Mvidi Mukulu mene ke udi utushindika pamue nenu, bua tudisange ne Kristu. Ke mudiye utuenza bantu ba tshijila,

Ebrewu 1:9

Udi unanga bidi Mvidi Mukulu musue, ubenga bidiye ubenga. Ke pavua Mvidi Mukulu, Mvidi Mukulu webe mukujidile, mukuele manyi a tshijila a disanka pa mutu, mukusungule anu wewe, mubenge bena mulongu nebe.”

Ebrewu 2:9

Kadi tudi tumona ne: Yezu uvuabu bapuekeshe kakese kuinshi kua batumibue ba Mvidi Mukulu, bualu bua lufu luvuaye mufuile bantu, mmupete butumbi ne lumu. Nanku bualu bua dinanga didi Mvidi Mukulu utunanga nadi, Yezu mmufuile bantu bonsu.

Didimanyisha 19:12

Mesu ende avua engelela bu kapia. Uvua muase bifulu bivule bia bukalenga pa mutu. Bavua bafunde pambidi pende dina didiye yeye nkayende mumanye.

1 Samuele 10:1

Ke Samuwele kuambula kalangi ka mafuta kavuaye naku. Kuelaye Shawule mafuta awu pa mutu. Pashishe kumupukilaye, umuambila ne: — Maweja-Nangila nkayende ke udi mukujidila bua wikale mukalenga wa tshisamba tshiende.

1 Samuele 10:24

Samuwele kuambila bena Izrayele ne: — Tangilayi! Monayi muntu udi Maweja-Nangila musungule. Kakuenamuntu mukuabu udi mufuanangane nende, munkatshi mua bena Izrayele bonsu. Ke bantu bonsu kuela bibingu ne mbila, bambila Shawule ne: “Mukalenga ukuata ku mundundu”!

1 Samuele 16:13

Samuwele kuambula mafuta, kuela Davide pa mutu bua kumujidila, bana babu batangile. Mueyelu wa Maweja-Nangila kutulukila Davide, kushalawu nende biangatshile dituku adi too ne kashidi. Pashishe Samuwele kupingana ku Rama.