2 Bakalenga 10:7 - MUKANDA WA MYIDI MUKULU

⁷ Balombodi bapeta mukanda uvua Yehu mubatumine, kutandishabu ndelanganyi ya mukalenga Akabe yonsu makumi muanda mutekete, kuyishipa. Kuelabu mitu yabu mu bibombu, kutumina Yehu mitu ayi mu Yizreyele.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Hakafika mukanda kudibo, bakakuata bana balume ba mukelenge makumi muanda mutekete, bakabashiha, bakateka mitu yabo mu bisaka, bakamutuminayi ku Yizelele.

2 Bakalenga 10:7 ပူးပေါင်းရင်းမြစ်များ

1 Bakalenga 21:19

Uye, umuambile ne: Maweja-Nangila udi wamba ne: “Udi mushipe muntu. Mpindiewu udi mufike bua kuangata bintu biende!” Maweja-Nangila udi wamba kabidi ne: “Muaba udi mbua milake mashi a Nabote, neyilakilepu ne mashi ebe kabidi.”

1 Bakalenga 21:21

Maweja-Nangila udi wamba ne: “Nenkutumine makenga makole. Nenkubutule wewe ne bantu bonsu ba mu diku diebe, bakulumpe ne bana batekete.

2 Bakalenga 10:6

Yehu kubafundila mukanda muibidi, ubambila ne: “Panudi ku luseke luanyi, basue kutumikila meyi anyi, nushipe ndelanganyi ya mukalenga Akabe yonsu. Nuyikose mitu. Malaba diba ditudi edi, nufike bua kumpesha mitu ayi mu tshimenga tshia Yizreyele.” Ndelanganyi ayi makumi muanda mutekete ya mu diku dia bukalenga, bavua bayikolesha kudi bantu bamanyike ba mu Samariya.

2 Bakalenga 10:8

Muntu mukuabu kuya kumanyisha Yehu bua mitu ivuabu bafike nayi ayi. Yehu kutuma diyi bua bayiteke mu bisumbu bibidi pabuipi ne tshiibi tshia ku tshimenga too ne ku dinda.

2 Bakalenga 10:9

Butshia, dinda, Yehu kupatuka mu tshimenga, kuimana muaba uvua bantu bonsu. Kubambilaye ne: — Nuenu kanuena ne bualu to! Meme ke uvua muelele mukalenga Yorame tshifufu. Meme ke udi mumushipe. Kadi, bantu bonsu aba, udi mubashipe nnganyi?

2 Bakalenga 11:1

Ataliya, mamuende wa mukalenga Akaziya, kupeta lumu lua lufu lua muanende. Nanku, kuelaye meji a kushipa ndelanganyi yonsu ya mu diku dia bukalenga.

2 Kulondolola 21:4

Yorame kupingana tatuende mu bukalenga, kushindika bukalenga buende. Kushipeshaye bana babu bonsu. Kushipeshaye kabidi ne balombodi bakuabu ba mu bukalenga.