2 Bakalenga 10:4 - MUKANDA WA MYIDI MUKULU

⁴ Bantu bonsu abu kukuatshika bowa bikole. Kukonkanganabu ne: “Tuetu tudi mua kuluangana ne Yehu mushindu kaayi? Bakalenga babidi kabena bakimina kuluangana nende to.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi bobo bakatamba kutshina; bakambilangana ne, Bakelenge babidi kabakamanya mua kuimana ku mpala kuandi, nunku tuetu netuimane munyi?

2 Bakalenga 10:4 ပူးပေါင်းရင်းမြစ်များ

2 Bakalenga 10:3

nusungule diakamue ku ndelanganyi ya mukalenga Akabe, muntu udi ukumbana bua kuikala mukalenga. Numubanjije, asombe mu nkuasa wa bukalenga. Kabidi nudilongolole bua kuluangana mvita, kusungidila diku dia bukalenga.”

2 Bakalenga 9:24

Yehu kuambula buta buende bua miketa, kuasa Yorame muketa pankatshi pa makaya, kubuelawu ne ku muoyi wa munda, kusompoka. Yorame kudishadila mu ditempu diende, kufua.

2 Bakalenga 9:27

Akaziya, mukalenga wa bena Yuda, umona bionsu abi, kunyemaye kuya luseke lua ku Bete-Gane. Kadi, Yehu kumulondakaja. Kutuminaye bantu bende diyi bua bashipe kabidi Akaziya. Nanku, kuasabu Akaziya patshivuaye wendesha ditempu diende mu njila wa ku musoku wa Ngure, pabuipi ne tshimenga tshia Ibleyame. Kadi, Akaziya kunyema, kuya kufuila mu tshimenga tshia Megido.

Yobe 41:8

Mabamba ende adi malamakane bimpe, nansha lupepele kaluena mua kupitshila pankatshi pawu.

Yeshaya 27:4

Tshiena nabu kabidi tshiji to. Kadi pandi nsanganamu meba ne mingonga, nembiluishe kashidi. Nembikose, mbioshe mu kapia.

Yirmeya 49:19

Maweja-Nangila udi wamba ne: “Nengikale bu nyama wa ntambue, udi upatuka mu metu adi ku muelelu wa Yardene, uya muaba muimpe wa kuikishila mu tshipela, muaba utshidi ne biakudia. Nennyemeshe bantu bonsu badi muaba awu musangu umue. Mu ditunga dia Edome nenteke mukalenga undi musungule. Bualu, udi mutufuane meme nnganyi? Udi mua kungasa tshilumbu nnganyi? Mulombodi udi mua kuntuila nkanana udiku anyi?”

Nahume 1:6

Padiye mufike munda, udi mua kukandamana nnganyi? Padiye ne tshiji, udi mua kushala ne muoyi udiku anyi? Tshiji tshiende tshidi tshilambuluka bu kapia, mbuebue mene idi ipandika kumpala kuende.

Luke 14:31

Nansha mukalenga wa ditunga udi musue kuluisha mukalenga nende myita, muikale amu ne bantu binunu dikumi, udi wanji kusomba bua kudikonka ne: ndi mua kuluisha muena lukuna wanyi udi ne bena mvita binunu makumi abidi anyi?