2 Bakalenga 10:34 - MUKANDA WA MYIDI MUKULU

³⁴ Malu makuabu a Yehu, mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda awu, mbafundemu malu onsu avuaye muenze, baleja kabidi ne bukitu buvuaye nabu.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Bienzedi bia Yehu bikuabo biakenzeye ne bukole buandi buonso kabiena bifunda mu mukanda wa kulondolola kua malu a bakelenge ba Isalele, anyi?

2 Bakalenga 10:34 ပူးပေါင်းရင်းမြစ်များ

1 Bakalenga 11:41

Malu makuabu a Shelomu bavua baafunde mu mukanda udibu babikila ne: Malu adi Shelomu muenze. Mu mukanda awu, badi bakula bua malu onsu adi Shelomu muenze, balejamu kabidi meji onsu avuaye nawu.

1 Bakalenga 14:19

Malu makuabu a Yerobowame adi mafunda mu mukanda udibu babikila ne: Malu adi bakalenga ba bena Izrayele benza. Mu mukanda awu, mbafundemu mvita idi Yerobowame muluangane, ne mushindu uvuaye muenze mudimu wa bukalenga.

1 Bakalenga 14:29

Malu makuabu a Robowame mbaafunde mu mukanda udibu babikila ne: Malu adi bakalenga ba bena Yuda benza.

2 Bakalenga 1:18

Malu makuabu a Akaziya mbaafunde mu mukanda udibu babikila ne: Malu adi bakalenga ba bena Izrayele benza.

2 Bakalenga 10:33

Kunyengabu bena Izrayele buloba buonsu buvua luseke ludi diba dipatukila lua Yardene, ne buvua ku mutu kua tshimenga tshia Aroyere, ku muelelu wa musulu wa Amone. Ke ditunga dia Ngilaade ne dia Bashane, muaba uvuabu basombe kudi bena Rubene, bena Ngade ne bena Menashe.

2 Bakalenga 10:35

Yehu uvua mushale mu bukalenga mu tshimenga tshia Samariya bidimu makumi abidi ne muanda mukulu. Yeye mumane kufua, kumujiikabu mu Samariya. Muanende wa balume Yowakaze kumupingana mu bukalenga.

2 Bakalenga 12:19

Diakamue, Yowashe mukalenga wa bena Yuda, kusangisha bintu bia mushinga mukole bionsu bivuabu balambula Maweja-Nangila kudi bankambua bende, bakalenga ba bena Yuda: Yosafate, Yorame, Akaziya, kabidi ne bivuaye mulambule yeye. Kusangishaye ne tshiamu tshia mpawungi tshionsu tshivuabu bateka mu tshibambalu tshia ku nzubu wa Mvidi Mukulu, ne mu tshibambalu tshia kutekela bintu mu nzubu wa bukalenga. Kutuminaye mukalenga Azayele bintu abi, bua kumusankisha. Nanku, mukalenga Azayele mmulekele kuluisha Yerushalayime.

2 Bakalenga 13:8

Malu makuabu a Yowakaze, mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda amu, mbafundemu malu onsu avua Yowakaze muenze, baleja kabidi ne bukitu buvuaye nabu.