2 Bakalenga 10:32 - MUKANDA WA MYIDI MUKULU

³² Tshikondu atshi, Maweja-Nangila kutuadija kukepesha buloba bua bena Izrayele. Kuanyishaye bua Azayele, mukalenga wa bena Siriya, atshimune bena Izrayele mu ditunga diabu dijima.

Mukanda wa Nzambi Dihungila Dikulukulu ne Dihungila Dihia-dihia 2003

³² Mu matuku au Yehowa wakabanga kukehesha Bena Isalele. Hazaele wakabashiha mu nseke yonso ya Isalele:

2 Bakalenga 10:32 ပူးပေါင်းရင်းမြစ်များ

1 Bakalenga 19:17

Bantu bikale bapanduka mu mvita ya Azayele, Yehu neabashipe. Bantu bikale bapanduka mu mvita ya Yehu, Elisha neabashipe.

2 Bakalenga 12:17

Makuta avua bantu bakuabu bafila bua mulambu wa kukobolola, kabavua baela mu mushete to. Bavua baangata kudi batuangaji.

2 Bakalenga 13:22

Azayele, mukalenga wa bena Siriya, uvua mukengeshe bena Izrayele bikole, matuku onsu avua Yowakaze mu bukalenga.

2 Bakalenga 13:25

Diakamue, Yowashe kunyenga Benadade bimenga bionsu bia bena Izrayele, bivua Azayele munyenge tatuende Yowakaze. Yowashe kutshimuna Benadade misangu isatu milondangane. Kunyengaye bimenga biende abi bionsu.

2 Bakalenga 14:25

Yerobowame kukuata kabidi maloba onsu avua a bena Izrayele, biangatshile ku tshimenga tshia Lebo-Amate ku mutu mu ditunga, too ne ku Mayi manene a luepu, kuinshi mu ditunga, anu bu muvua muambi Yonase, muana wa Amitayi, wa mu musoku wa Ngate-Efere, muambe mu dina dia Maweja-Nangila Mvidi Mukulu wa bena Izrayele.

2 Bakalenga 8:12

Azayele kumukonka ne: — Muambi udi udila bua tshinyi? Muambi Elisha kuandamuna ne: — Ndi ndila bualu nkadi mumanye ne: neukengeshe bena Izrayele bikole. Newoshe bimenga biabu bidi bibaka ne bimana bikole. Neukose nsongalume yonsu muminu, uzaza bana bakese, upanda mafu a bakaji badi bimite.

Misambu 107:39

Kadi bakuabu badi benda bakepela, babakengesha kudi bupika, kudi dikenga ne lutatu.