2 Bakalenga 10:31 - MUKANDA WA MYIDI MUKULU

³¹ Kadi, Yehu kavua mukumbaje mikenji ya Maweja-Nangila Mvidi Mukulu wa bena Izrayele, ne muoyi mujima to. Uvua anu wenza buenzayi buvua Yerobowame muenze, mufikishe bena Izrayele ku dienza bibi.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Kadi Yehu kakatamba kuenda mu nshila wa mikenji ya Yehowa, Nzambi wa Isalele, ne mutshima wandi wonso; yeye kakabenga malu mabi a Yalobama akenzesheye Bena Isalele.

2 Bakalenga 10:31 ပူးပေါင်းရင်းမြစ်များ

1 Bakalenga 14:16

Maweja-Nangila nealekele bena Izrayele, bualu Yerobowame mmuenze bibi, kabidi mmufikishe bena Izrayele ku dienza bibi.

1 Bakalenga 2:4

Maweja-Nangila neakumbaje bionsu bivuaye mumane kundaya, mungambile ne: “Pikala ndelanganyi yebe mingitabe, mienze mundi musue, nendamate mu bulelela, kabidi ne muoyi mujima, nansha wewe mumane kufua, misangu yonsu muntu wa ku ndelanganyi yebe neashale mukalenga wa bena Izrayele.”

2 Bakalenga 10:29

Kadi Yehu uvua anu wenza buenzayi buvua Yerobowame, muana wa Nebate muenze, mufikishe bena Izrayele ku ditendelela dia bana ba ngombe ba tshiamu tshia mpawungi, bavua ku Betele ne ku Dane.

2 Bakalenga 17:22

Biangatshile tshikondu atshi, bena Izrayele bavua anu benza buenzayi, bu muvua Yerobowame muenze.

2 Kulondolola 6:16

Nanku, Maweja-Nangila Mvidi Mukulu wa bena Izrayele, ukumbaje kabidi malaya makuabu, auvua mulaye tatu wanyi Davide, muntu webe. Uvua mumuambile ne: “Pikala ndelanganyi yebe mingitabe, mienze tshindi musue, bu muuvua wewe muenze, ndi nkujadikila ne: misangu yonsu, muntu wa ku ndelanganyi yebe neakupingane mu bukalenga, bua kushala mukalenga wa bena Izrayele.”

Nehemya 10:29

Nanku, bantu bonsu kudisangisha nabu ku malaya abu awu. Bantu abu bavua: batuangaji, bena Levi, balami ba biibi, bimbi ba misambu, bena midimu mishilangane ba mu nzubu wa Mvidi Mukulu, kabidi ne tuetu, bakaji betu, bana betu ba balume ne ba bakaji bakavua bakole, bakavua bumvua bivua bienzeka ebi. Tuetu bonsu katuvua babuelakane ne bantu ba bisamba bikuabu bavua bashala mu ditunga, kadi tuvua batumikile mikenji ya Mvidi Mukulu.

Misambu 119:9

Patshidi muntu muana, mmunyi mudiye mua kuikala ne nsombelu muimpe? — Amu padiye ulama tshiudi muambe wewe Maweja-Nangila.

Misambu 39:1

Musambu wa mu mukanda wa mulombodi wa bena misambu ne wa mu mukanda wa Yedutune. Wa mu mukanda wa misambu ya Davide.

Misambu 78:10

Kabavua banemeka ndondu uvuabu batue ne Mvidi Mukulu, bavua babenga mua kulonda mikenji yende.

Nsumuinu 4:23

Kenketa nangananga meji audi wela munda muebe, bualu wowu nealudike nsombelu webe wa panu.

Yezekiyele 36:27

Nenteke Mueyelu wanyi munda muenu. Nenku nennuambuluishe bua nuitabe meyi anyi, nulame mikenji imvua munupe, nuyikumbaja.

Danyele 9:10

Katuvua bakuteleje, pauvua ututumina diyi kudi bambi, bena mudimu bebe, ulomba bua tutumikile mikenji yebe.

Dielulula 4:15

Kadi, nutambe kuvuluka bualu ebu: Dituku divua Maweja-Nangila wakula nenu ku mukuna wa Sinayi, munkatshi mua kapia, kanuvua bamumone to.

Dielulula 4:23

Nudimuke, kanupu ndondu muoyi, uvua Maweja-Nangila Mvidi Mukulu wenu mutue nenu. Kanusongi mpingu. Kanuenji tshimfuanyi tshia tshintu nansha tshimue tshidiye munukandike.

Dielulula 5:33

Nuitabe bionsu bidi Maweja-Nangila wenu munuambile, bua nuikale bena diakalenga, nushale ne muoyi matuku a bungi mu ditunga didiye unupesha.

Ebrewu 12:15

Dimukayi bua muntu kabengi dinanga didi Mvidi Mukulu ununanga nadi. Muntu nansha umue kadienji bu mutshi wa bululu udi utoloka, ulewula bantu ba bungi ne lulengu luawu.

Ebrewu 2:1

Ke patudi ne bua kuangata ne mushinga malu malelela atudi bumvue, bua katujiminyi.