2 Bakalenga 10:30 - MUKANDA WA MYIDI MUKULU

³⁰ Ke Maweja-Nangila kuambila Yehu ne: — Bushuwa, udi muenze bimpe. Udi mukumbaje bionsu bimvua mumane kuamba bua kunyoka bena nzubu wa Akabe. Nanku, bana bebe nebakupingane mu bukalenga bua bena Izrayele, too ne ku ndelanganyi ya musangu muinayi.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Yehowa wakambila Yehu ne, Bualu bua wewe wakuenza malu akadi mimpe ku mesu kuanyi, wakuenzela ba mu nsubu wa Ahaba malu anakasungula mu mutshima wanyi, nunku bana bebe ba balume nebashikame mu nkuasa wa bukelenge wa Isalele tô ne ku bikondo binai.

2 Bakalenga 10:30 ပူးပေါင်းရင်းမြစ်များ

1 Bakalenga 20:42

Muambi kuambila mukalenga Akabe ne: — Maweja-Nangila udi wamba ne: “Bu muudi munyemeshe muntu umvua mumane kufundila lufu, wewe neufue pa muaba wende. Kabidi bantu bebe bena Izrayele nebafue pa muaba wa bantu bende.”

1 Bakalenga 21:22

Nembutule bena nzubu webe, bu mumvua mubutule bena nzubu wa Yerobowame, muana wa Nebate, ne bena nzubu wa Basha, muana wa Akiya. Bualu wewe Akabe udi mumfikishe munda bikole. Kabidi udi mufikishe bena Izrayele ku dienza bibi.”

1 Bakalenga 21:29

— Udi mumone mudi Akabe mudipuekeshe kumpala kuanyi. Bu mudiye mudipuekeshe nanku, tshiena nkengesha bena diku diende patshidiye mu bukalenga to. Nembakengeshe anu pabuela muanende mu bukalenga.

2 Bakalenga 10:35

Yehu uvua mushale mu bukalenga mu tshimenga tshia Samariya bidimu makumi abidi ne muanda mukulu. Yeye mumane kufua, kumujiikabu mu Samariya. Muanende wa balume Yowakaze kumupingana mu bukalenga.

2 Bakalenga 13:1

Yowashe, muana wa Akaziya, mumane kulala mu bukalenga bua Yuda bidimu makumi abidi ne bisatu, Yowakaze, muana wa Yehu, kudia bukalenga mu Izrayele, mu Samariya. Kushalaye mu bukalenga bidimu dikumi ne muanda mutekete.

2 Bakalenga 13:10

Yowashe, muana wa Akaziya, mumane kulala mu bukalenga bua bena Yuda bidimu makumi asatu ne muanda mutekete, Yowashe, muana wa Yowakaze kudia bukalenga bua Izrayele, mu Samariya. Kushalayemu bidimu dikumi ne bisambombu.

2 Bakalenga 14:23

Amashiya, muana wa Yowashe, mumane kulala mu bukalenga bua bena Yuda bidimu dikumi ne bitanu, Yerobowame, muana wa Yowashe, kubuela mu bukalenga bua bena Izrayele mu Samariya. Kushalaye mu bukalenga bidimu makumi anayi ne tshimue.

2 Bakalenga 14:29

Yerobowame mumane kufua, kumujiikabu mu Samariya, mu nkita ya bakalenga ba bena Izrayele. Muanende wa balume Zekarya kumupingana mu bukalenga.

Osheya 1:4

Maweja-Nangila kuambila Osheya ne: “Muana awu, umuinyike ne: Yizreyele. Matuku makese aa, nennyoke ndelanganyi ya Yeku, bualu nkambua wabu Yeku, uvua mushipe bantu mu tshimenga tshia Yizreyele. Nenshipe bukalenga bua Izrayele.

Lewitiki 26:25

Nennutumine bena mvita bua baluishe ditunga dienu. Nennunyoke bua ndondu wanyi unudi nunyanga. Nansha nuenu baye kusokoma mu bimenga, nennutumine disama dia kishi. Baluishi benu nebanutshimbakaje.