2 Bakalenga 10:29 - MUKANDA WA MYIDI MUKULU

²⁹ Kadi Yehu uvua anu wenza buenzayi buvua Yerobowame, muana wa Nebate muenze, mufikishe bena Izrayele ku ditendelela dia bana ba ngombe ba tshiamu tshia mpawungi, bavua ku Betele ne ku Dane.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Kadi Yehu kakabenga malu mabi onso a Yalobama, muana wa Nebata, akenzesheye Bena Isalele; wakashala ne tuana tua ngombe tua or tuakadi mu Betele ne mu Dana.

2 Bakalenga 10:29 ပူးပေါင်းရင်းမြစ်များ

Genese 20:9

Abimeleke kubikidisha Abrahame, umukonka ne: — Tshiwatuenzedi nenku ntshinyi? Mbualu bubi kaayi bundi mukuenzele bua wewe kutubueja ne bena ditunga dianyi mu tshilumbu bunene nunku! Udi mutuenzele bualu budi muntu kayi mua kuenzela mukuabu to.

1 Bakalenga 14:16

Maweja-Nangila nealekele bena Izrayele, bualu Yerobowame mmuenze bibi, kabidi mmufikishe bena Izrayele ku dienza bibi.

2 Bakalenga 10:28

Ke muvua Yehu mukandike ditendelela dia mvidie Baale mu bukalenga bua Izrayele nanku.

2 Bakalenga 10:31

Kadi, Yehu kavua mukumbaje mikenji ya Maweja-Nangila Mvidi Mukulu wa bena Izrayele, ne muoyi mujima to. Uvua anu wenza buenzayi buvua Yerobowame muenze, mufikishe bena Izrayele ku dienza bibi.

2 Bakalenga 13:11

Kadi, Yowashe, muana wa Yowakaze, uvua wenza malu adi Maweja-Nangila ubenga. Uvua anu wenza buenzayi buonsu bu Yerobowame, muana wa Nebate. Yerobowame uvua mufikishe bena Izrayele ku dienza bibi.

2 Bakalenga 13:2

Kadi, Yowakaze uvua muenze malu adi Maweja-Nangila ubenga. Uvua muenze anu buenzayi bu Yerobowame, muana wa Nebate, uvua mufikishe bena Izrayele ku dienza bibi.

2 Bakalenga 14:24

Kadi, Yerobowame uvua muenze malu adi Maweja-Nangila ubenga. Uvua wenza buenzayi bu Yerobowame, muana wa Nebate, uvua mufikishe bena Izrayele ku dienza bibi.

2 Bakalenga 15:18

Matuku onsu avua Menaheme ne muoyi, uvua wenza malu avua Maweja-Nangila mubenge. Uvua anu wenza buenzayi bu Yerobowame, muana wa Nebate, uvua mufikishe bena Izrayele ku dienza bibi.

2 Bakalenga 15:24

Pekahiya uvua muenze malu adi Maweja-Nangila mubenge. Uvua anu wenza buenzayi bu Yerobowame, muana wa Nebate, uvua mufikishe bena Izrayele ku dienza bibi.

2 Bakalenga 15:28

Peka uvua muenze malu adi Maweja-Nangila mubenge. Uvua anu wenza buenzayi bu Yerobowame, muana wa Nebate, uvua mufikishe bena Izrayele ku dienza bibi.

2 Bakalenga 15:9

Zekarya uvua muenze malu adi Maweja-Nangila ubenga, anu bu muvua bankambua bende benza. Uvua amu wenza buenzayi bu Yerobowame, muana wa Nebate, uvua mufikishe bena Izrayele ku dienza bibi.

2 Bakalenga 17:22

Biangatshile tshikondu atshi, bena Izrayele bavua anu benza buenzayi, bu muvua Yerobowame muenze.

Ekesode 32:21

Pashishe, Moshe kukonka Arone ne: — Bena Izrayele mbakuenzela bualu bubi kaayi, paudi mubenzele tshilema bunene nenku?

Ekesode 32:4

Pashishe, Arone kuangata tukanu atu, kutuengululaye muiku, kututuaye mu tshinu, kuenzaye lupingu lua kana ka ngombe, ka tshiamu tshia mpawungi. Bena Izrayele kuamba ne: — Ke mvidie wetu uvua mutupatule mu Ejipitu ewu!

Yezekiyele 23:8

Uvua mutungunuke ne tshiendenda, mutuaye wenza mu Ejipitu. Kuine aku patshituaye nsongakaji, balume bakavua benda nende tshiendenda, bamubonda ku mabele ende a bushika nkunde, bamusaka ku malu mabi.

Osheya 10:5

Bena Samariya badi batendelela mvidie wa kana ka ngombe ka mpawungi kadi ku Betele-Awene. Batendeledi ba mvidie awu, ne bantu badi badiamba ne: tudi batuangaji, badi benza madilu manene kumpala kuende. Bantu abu badi batumbisha mvidie awu, kadi butumbi buende bumane kujimina.

Osheya 13:2

Mpindiewu, monayi bena Efrayime abu, batshidi anu batungunuka ne buenzayi. mBadienzele mvidie, ne lupingu lua tshiamu tshitoke tshia mushinga mukole. Nansha mudimu ewu muenza kudi basongi ba mpingu, badi anu bamba ne: “Lambulayi mvidie ewu milambu!” Padi bantu bupukilangana ne mpingu ya tuana tua ngombe, nudi mua kumvua bualu ebu anyi?

1 Samuele 2:24

Bana banyi, lekelayi kuenza nanku! Tshijanu tshienu tshindi mumvue mukana mua bantu ba Maweja-Nangila tshidi tshibi tshitambe.