2 Bakalenga 10:27 - MUKANDA WA MYIDI MUKULU

²⁷ Kuzazabu dibue divuabu bimanyike bua kutendelela mvidie Baale. Pashishe, kupulabu nzubu wa Baale awu, kuenzamu nkumba ya bantu bonsu. Nkumba ayi, itshidipu too ne mpindiewu.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Bakatonkolola makunshi a mabue a Bâla hanshi, bakashimbula nsubu wa Bâla, bakamuvuisha bu diala tô ne ku dituku edi.

2 Bakalenga 10:27 ပူးပေါင်းရင်းမြစ်များ

1 Bakalenga 16:32

Kuibakilaye mvidie Baale nzubu wa ditendelela mu tshimenga tshia Samariya amu. Kuasaye tshilambuilu mu nzubu amu bua kulambuilamu Baale milambu.

2 Bakalenga 10:28

Ke muvua Yehu mukandike ditendelela dia mvidie Baale mu bukalenga bua Izrayele nanku.

2 Bakalenga 11:18

Diba adi, bantu bonsu kuya mu nzubu wa Baale. Kupulabu nzubu awu, kunyangakaja bilambuilu ne mpingu ivuamu. Kushipabu Matane, mutuangaji wa Baale, kumpala kua bilambuilu. Pashishe, mutuangaji Yoyada kuteka bantu bua kulama bimpe nzubu wa Maweja-Nangila.

2 Bakalenga 18:4

Izkiya ke uvua mukandike miaba ya kutendelela mvidie, mupule bibumba bia mabue, mupule kabidi ne makunji a kutendelela. Uvua nuukosolole nyoka wa tshiamu tshikunze, uvua Moshe muenze. Bualu too ne ku tshikondu atshi, bena Izrayele batshi wa anu balambula milambu ya manananshi ku nyoka awu, uvuabu babikila ne: Nehuktane.

2 Bakalenga 3:2

Uvua muenze malu mabi avua Maweja-Nangila mubenge. Uvua mufikishe bena Izrayele ku dienza bibi, anu bu muvua Yerobowame, muana wa Nebate, muenze. Uvua anu wenza malu mabi onsu avua Yerobowame muenze. Kadi, Yorame kavua wenza bibi bipite, bu mumve tatuende ne mamuende benza to. Bualu uvua munyangakaje dikunji dia kutendelela mvidie Baale di wa tatuende Akabe muashile mvidie awu.

Ezela 6:11

Padi muntu ubenga mundi muambe emu, ndi ngamba ne: nutule dikunji dia ku nzubu kuende, numoweleku. Nzubu wende ashale tshisasa.

Ekesode 34:13

Nanku, nupule bilambuilu biabu, nupule makunji abu adibu batendelela.

Danyele 2:5

Mukalenga kubambila ne: — Ndi mumane kupangadika ne: panudi nupanga kungambila tshindi mulote, kanuyi mua kutshinjinguluila, nebanukose bitupa bitupa. Nzubu yenu neyikudimuke dikolu.

Danyele 3:29

Nenku ndi ntuma diyi ne: “Muntu ne wa mu tshisamba kaayi, wa ditunga kaayi, nansha wa muakulu kaayi, udi udiwula Mvidi Mukulu wa Shadrake, Meshake ne Abede-Nego, nebamukose bitupa bitupa, nebupule nzubu wende, neashale dikolu. Bualu kakuena mvidie mukuabu udi mua kusungidila bantu bu mudi ewu muenze.”

Lewitiki 26:30

Pandi nnufikila munda, nennyangakaje miaba inudi nulambuila mvidie yenu milambu. Nengupule bilambuilu bienu bia manananshi. Nententakaje bitalu bienu pa mpingu yenu imvua mutshibule.

Dielulula 7:25

Nuoshe mpingu ya mvidie yabu yonsu. Kanualakanyi biamu bia mpawungi ne biamu bitoke bia mushinga mukole bidibu balamike ku mpingu aku to. Kamuangatshi to. Bualu Maweja-Nangila udi ukina bintu ebi. Bidi mua kunukebela diakabi.

Dielulula 7:5

Nanku nunyangakaje bilambuilu biabu, nupule tshibumba tshia mabue tshidibu benze, nupule makunji a kutendelela mvidie adibu base, nuoshe kabidi ne mpingu yabu.