2 Bakalenga 10:16 - MUKANDA WA MYIDI MUKULU

¹⁶ Yehu kuambila Yonadabe ne: — Tuye nebe, umone mundi ngenzela Maweja-Nangila mudimu ne muoyi mujima. Nanku, Yehu kuya ne Yonadabe mu ditempu diende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Wakamuambila ne, Ulue nʼanyi, umone lukunukunu lundi nʼalu kudi Yehowa. Nunku bakamushikika mu dikalu diandi.

2 Bakalenga 10:16 ပူးပေါင်းရင်းမြစ်များ

1 Bakalenga 19:10

Eliya kuandamuna ne: — Maweja-Nangila Mvidi Mukulu wa bukole buonsu, ndi mukunange bikole. Nanku tshitshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi badi bakeba kunshipa ne meme!

1 Bakalenga 19:14

Kuandamunaye ne: — Maweja-Nangila Mvidi Mukulu wa bukole buonsu, ndi mukunange bikole. Kadi tshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi, badi bakeba kunshipa ne meme.

1 Bakalenga 19:17

Bantu bikale bapanduka mu mvita ya Azayele, Yehu neabashipe. Bantu bikale bapanduka mu mvita ya Yehu, Elisha neabashipe.

2 Bakalenga 10:17

Anu Yehu ufika mu Samariya, kushipa bena nzubu wa Akabe bonsu bavua bashale ne muoyi, kubutula nzubu ewu mujima, bu muvua Maweja-Nangila muambile muambi Eliya.

2 Bakalenga 10:31

Kadi, Yehu kavua mukumbaje mikenji ya Maweja-Nangila Mvidi Mukulu wa bena Izrayele, ne muoyi mujima to. Uvua anu wenza buenzayi buvua Yerobowame muenze, mufikishe bena Izrayele ku dienza bibi.

Nsumuinu 27:2

Bakuabu bakutumbishe. Kadi wewe kudianyishi nansha!

Yezekiyele 33:31

Nanku bantu ba mu tshisamba tshianyi badi basangila bua kukuteleja. Badi bakuteleja, kadi kabena benza biudi ubambila to. Badi benza anu bidibu basue, balonda majinga abu.

Dibadika 23:4

Maweja-Nangila kumuenekela Balaame muaba awu. Awu kuambila Maweja-Nangila ne: — Ndi muenzeje bilambuilu muanda mutekete. Ngalambulu ngombe mulume umue, ne mukoku wa tshimpanga umue, pa tshilambuilu tshionsu.

Matayi 6:2

— Nanku paudi wambuluisha bapele, kukebi bua bantu bakumone bimpe. Bena mpala ibidi badi benza nanku mu nzubu ya kutendelela ne mu misesu. Badi bakeba amu bua bantu babatumbishe. Ndi nnujadikila bulelela ne: mbamane kupeta difutu diabu.

Matayi 6:5

— Panudi nutendelela, kanuenji bu bena mpala ibidi to. Mbasue kutendelela, bimane mu nzubu ya kutendelela, ne mu masangu a njila, bua bantu bonsu babamone. Ndi nnujadikila bulelela ne: mbamane kupeta difutu diabu.

Rome 10:2

Bualu ndi mua kubajadikila ne: badi ne disuminyina dikole, bakeba kuenza tshidi Mvidi Mukulu musue. Kadi disuminyina diabu adi kadiena dishindamena pa dimanya dilelela nansha.