2 Bakalenga 10:11 - MUKANDA WA MYIDI MUKULU

¹¹ Ke Yehu kushipa bantu bakuabu bonsu ba mu nzubu wa Akabe bavua bashale ne muoyi mu Yizreyele. Kushipaye kabidi bantu bonsu bavua bamanyike bikole ba ku luseke lua mukalenga Akabe, bena nzubu wende ne batuangaji bende. Yehu kena mushiye muntu nansha umue ne muoyi to.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nunku Yehu wakashiha bonso bakashala mu nsubu wa Ahaba mu Yizelele, ne bantu bandi banene bonso, ne balunda bandi bonso ne bakuidi bandi bonso tô ne hakamushiyeye hatuhu.

2 Bakalenga 10:11 ပူးပေါင်းရင်းမြစ်များ

1 Bakalenga 14:10

Nanku, nennyoke bena nzubu webe. Nembutule bena diku diebe bonsu: bana ne bantu bakulumpe. Nembutule bena nzubu bebe bonsu, anu bu mudibu bimansha bintu ku dyala ne lukombu.

1 Bakalenga 15:29

Anu ubuela mu bukalenga, kushipeshaye bena nzubu wa Yerobowame bonsu. Kawa mushiye muntu wa ku ndelanganyi ya Yerobowame nansha umue ne muoyi. Kubabutulaye bonsu bu muvua muambi Akiya, uvua ku Silo, muambile bantu mu dina dia Maweja-Nangila.

1 Bakalenga 16:11

Amu ubuela mu bukalenga bua bena Izrayele, kushipaye bena nzubu wa Basha bonsu. Kena mushiye nansha muntu umue ne muoyi to. Uvua mushipe bana ne bantu bakulumpe bonsu ba mu nzubu wa Basha, ne bantu bonsu bavua batue ku tshia Basha.

1 Bakalenga 18:19

Kadi, mpindiewu, utume bantu, basangishe bena Izrayele bonsu, bafike muaba undi ewu ku mukuna wa Karmele. Ubikidishe bambi ba mvidie Baale nkama inayi ne makumi atanu, ne bambi ba mvidie mukaji Ashera nkama inayi, badi mukalenga mukaji Yezabele udisha.

1 Bakalenga 18:40

Muambi Eliya kubambila ne: — Kuatayi bambi ba Baale. Muntu nansha umue wa kudibu kanyemi to. Kukuatabu bambi ba Baale bonsu. Muambi Eliya kupueka nabu ku muelelu wa musulu wa Kishone, kubakosaye mitu.

1 Bakalenga 21:22

Nembutule bena nzubu webe, bu mumvua mubutule bena nzubu wa Yerobowame, muana wa Nebate, ne bena nzubu wa Basha, muana wa Akiya. Bualu wewe Akabe udi mumfikishe munda bikole. Kabidi udi mufikishe bena Izrayele ku dienza bibi.”

1 Bakalenga 21:29

— Udi mumone mudi Akabe mudipuekeshe kumpala kuanyi. Bu mudiye mudipuekeshe nanku, tshiena nkengesha bena diku diende patshidiye mu bukalenga to. Nembakengeshe anu pabuela muanende mu bukalenga.

1 Bakalenga 22:6

Nanku, Akabe, mukalenga wa bena Izrayele, kubikidisha bambi bende bonsu bu nkama inayi, ubakonka ne: — Ndi mua kuya kuluangana, bua meme kukuata tshimenga tshia Ramote tshidi mu ditunga dia Ngilaade, anyi tshiena mua kuya? Bambi kuandamuna ne: — Udi mua kuya. Maweja-Nangila neafile tshimenga atshi mu bianza biebe.

2 Bakalenga 10:12

Pashishe, Yehu kuya mu Samariya. Ufika ku Bete-Ekede wa balami ba mikoku,

2 Bakalenga 23:20

Nanku, batuangaji bonsu bavua balambula milambu pa bilambuilu bia kutendelela mvidie, Yoshiya kubashipela pa bilambuilu abi. Kuoshaye mifuba ya bantu pa bilambuilu abi. Pashishe, Yoshiya kupingana mu Yerushalayime.

2 Bakalenga 9:7

Wewe neushipe ndelanganyi ya Akabe, mfumuebe wa kale. Ndi ngenza nanku bua kusombuela bua bena mudimu banyi bonsu, bambi ne bantu bakuabu, bavua Yezabele mushipeshe.

2 Bakalenga 9:9

Angenzele bena nzubu wa Akabe anu bu mumvua muenzele bena nzubu wa Yerobowame, muana wa Nebate, ne bena nzubu wa Basha, muana wa Akiya.

2 Kulondolola 22:7

Nenku, dikumbula dia Yorame edi, ke divua Maweja-Nangila mupetele mushindu wa kushipa Akaziya. Bualu amu Akaziya ufika, kuyaye ne Yorame bua kumonangana ne Yeku, muana wa Nimshi. Nanku, Maweja-Nangila uvua muanyishe bua bajidile Yeku mu bukalenga, bua amone mua kushipa bena diku dia Akabe.

2 Kulondolola 22:8

Nanku, Yeku kushipa bena diku dia Akabe, bu muvua Mvidi Mukulu muambe. Uvua musangane bamfumu ba bena Yuda ne bana babu ne Akaziya, bonsu bavua benzela mukalenga mudimu. Kubashipaye.

Yobe 18:19

Muana nansha umue kakusangula diku diende. Muntu nansha umue wa mu muaba wabu, kakushala ne muoyi.

Misambu 109:13

Ndelanganyi yende ifue, dina diende dijimine mu tshikondu tshidi tshilonda!

Misambu 125:5

Kadi bantu badi balonda njila mikonyangale, kabidi ne badi benzela bakuabu bibi, Maweja-Nangila ubabutule! Izrayele asombe talalaa!

Nsumuinu 13:20

Udi wenda ne bena meji, udi upeta meji. Kadi udi wenda ne bidingidingi neashale kabidi tshidingidingi.

Osheya 1:4

Maweja-Nangila kuambila Osheya ne: “Muana awu, umuinyike ne: Yizreyele. Matuku makese aa, nennyoke ndelanganyi ya Yeku, bualu nkambua wabu Yeku, uvua mushipe bantu mu tshimenga tshia Yizreyele. Nenshipe bukalenga bua Izrayele.

Yoshua 10:30

Maweja-Nangila kufila kabidi tshimenga atshi ne mukalenga watshi mu bianza biabu. Kushipabu bantu bonsu, kakuyi wa kushala ne muoyi. Bavua benzela mukalenga wa mu tshimenga atshi, muvuabu benzela mukalenga wa mu tshimenga tshia Yeriko.

Yoshua 11:8

Maweja-Nangila kufila baluishi aba mu bianza bia bena Izrayele. Bobu kubalondakaja too ne mu thimenga tshinene tshia Sidone tshidi ku mutu, ne ku Misrefote-Mayime, ne mu tshibandabanda tshia Mispa luseke ludi diba dipatukila. Bena Izrayele kubutula baluishi bonsu. Kabawa bashiye muntu nansha umue ne muoyi.

Yoshua 15:56

Yizreyele, Yokdeyame, Zanowa,

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.

Didimanyisha 20:10

Diba adi, nebele diabolu uvua mubadinge mu mayi manene avua atema kapia ka mvuanda. mukavuabu bamane kuela nyama ne muambi wa dishima. Nebabakengeshe muaba awu munya ne butuku kashidi.