2 Bakalenga 10:10 - MUKANDA WA MYIDI MUKULU

¹⁰ Nujadike ne: meyi onsu avua Maweja-Nangila muambe bua bena nzubu wa Akabe, adi anu akumbana! Maweja-Nangila ke udi mukumbaje bionsu bivua muambi Eliya muambe mu dina diende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nunku numanye bienu ne, Nansha dî dimue dia mei onso akambila Yehowa bualu bua nsubu wa Ahaba nedihone hanshi hatuhu; bualu bua Yehowa wakenza malu onso akambeye mukana mua muntu wandi Eliya.

2 Bakalenga 10:10 ပူးပေါင်းရင်းမြစ်များ

1 Bakalenga 21:19

Uye, umuambile ne: Maweja-Nangila udi wamba ne: “Udi mushipe muntu. Mpindiewu udi mufike bua kuangata bintu biende!” Maweja-Nangila udi wamba kabidi ne: “Muaba udi mbua milake mashi a Nabote, neyilakilepu ne mashi ebe kabidi.”

1 Bakalenga 21:29

— Udi mumone mudi Akabe mudipuekeshe kumpala kuanyi. Bu mudiye mudipuekeshe nanku, tshiena nkengesha bena diku diende patshidiye mu bukalenga to. Nembakengeshe anu pabuela muanende mu bukalenga.

2 Bakalenga 10:17

Anu Yehu ufika mu Samariya, kushipa bena nzubu wa Akabe bonsu bavua bashale ne muoyi, kubutula nzubu ewu mujima, bu muvua Maweja-Nangila muambile muambi Eliya.

2 Bakalenga 15:12

Bionsu ebi bivua bienzeka bua kukumbaja diyi dia Maweja-Nangila divuaye muambile Yehu ne: “Bana bebe too ne ku ndelanganyi ya musangu muinayi nebakupingane mu bukalenga.”

2 Bakalenga 9:36

Kupinganabu bua kumanyisha Yehu. Yehu kukema, wamba ne: — Eyowa, ke diyi dia Maweja-Nangila divua muambi Eliya, muena Tishebe, muambe ne: “Mbua neidie tshitalu tshia Yezabele mu budimi bua Yizreyele.

Estere 6:10

Mukalenga kuambila Amane ne: — Uye lukasa, wangata bilamba ne nyama wa kabalu. Wenzele Mordekayi, muena Yuda, udi musombe ku tshiibi tshia nzubu wa bukalenga muwambi amu. Kulekedi bualu nansha bumue bua mu malu auvua muambe awu to!

Zekâya 1:6

Kadi meyi anyi ne mikenji yanyi bimvua mumanyishe bambi, bena mudimu banyi, bivua bituishe bankambua benu kunyima kua matuku. Bobu kukudimuna nsombelu wabu, kuitaba ne: Maweja-Nangila mmutunyoke, muvuaye muambe. Mmutunyoke kabidi pa bualu, bua malu etu mabi.

Marke 13:31

Diulu ne buloba nebijimine, kadi miaku yanyi kayakujimina tshiendelele.

1 Samuele 15:29

Maweja-Nangila udi butumbi bua bena Izrayele. Nanku, kena mua kushima, kena mudi muntu udi lelu wamba bualu mushindu, maloba wamba mukuabu.

1 Samuele 3:19

Samuwele kukola, Maweja-Nangila uvua amu nende. Bualu buonsu buvua Samuwele wamba mu dina dia Maweja-Nangila, Maweja-Nangila uvua amu ubukumbaja.