2 Bakalenga 1:9 - MUKANDA WA MYIDI MUKULU

⁹ Mukalenga Akaziya kutuma mulombodi, ne bena mvita makumi atanu, bua kukuata muambi Eliya. Bena mvita abu, kubanda ku lusongu lua mukuna uvua muambi Eliya musombe. Mulombodi wa bena mvita kuambila Eliya ne: — Muambi wa Mvidi Mukulu, tuluka! Ke mudi mukalenga Akaziya mutume diyi!

Mukanda wa Nzambi Dihungila Dikulukulu ne Dihungila Dihia-dihia 2003

⁹ Hashishe mukelenge wakamutumina kapitene ka masalayi ne bantu bandi makumi atanu. Kakaya kudiye, kakamusangana mushikame ha mutu ha mukuna. Kakamuambila ne, Wewe, muntu wa Nzambi, mukelenge udi wamba ne, Uhueke biebe.

2 Bakalenga 1:9 ပူးပေါင်းရင်းမြစ်များ

1 Bakalenga 17:18

Mamuende wa muana kukonka muambi Eliya ne: — Muambi wa Mvidi Mukulu, udi mungenzele nenku bua tshinyi? Udi mufike muaba ewu bua wewe kuvuluija Maweja-Nangila buenzayi bundi muenze, bua Maweja-Nangila kushipa muananyi anyi?

1 Bakalenga 18:10

Bu mudi Maweja-Nangila Mvidi Mukulu webe ne muoyi, ndi nkujadikila ne: mfumuanyi Akabe mmutume bantu mu bisamba bionsu ne mu makalenga onsu bua kukukebabu. Pavua bamfumu ba matunga bamba ne: “Muambi Eliya kena kuetu to,” bavua ne bua kuditshipa bua kujadika ne: kabena bakumona to.

1 Bakalenga 18:4

Pavua mukalenga mukaji Yezabele mushipeshe bambi ba Maweja-Nangila, Obadya uvua mupandishe bambi lukama, mubasokoke mu mbuebue: emu makumi atanu, emu makumi atanu. Mu mbuebue amu, Obadya uvua ubabadila biakudia ne mayi a kunua.

1 Bakalenga 18:42

Akabe kuya, kudia, kunua. Muambi Eliya kuya ku lusongu lua mukuna wa Karmele. Kuinamayemu panshi bikole, mutue mpala pankatshi pa binu biende.

1 Bakalenga 19:2

Ke Yezabele kutuma muntu bua kumanyisha muambi Eliya ne: “Malaba pa diba ditudi edi, meme tshiyi mukushipe, bu muudi mushipe bambi ba Baale, mvidie innyoke ne dinyoka dikole!”

1 Bakalenga 22:8

Akabe, mukalenga wa bena Izrayele, kuandamuna ne: — Muambi mukuabu umue udi munemu. Dina diende Mika, muana wa Imla. Kadi tshiena mumunange to. Bualu misangu yonsu udi ummanyisha amu malu mabi. Katshia, kena muanji kungambilaku bualu buimpe to. Mukalenga Yosafate kukema ne: — Kuangatshi muambi bibi nanku to!

2 Bakalenga 2:25

Pashishe, Elisha kuya ku mukuna wa Karmele. Umuka ku mukuna wa Karmele, kupinganaye mu tshimenga tshia Samariya.

2 Bakalenga 4:25

Mukaji kuya, ulonda njila wa ku mukuna wa Karmele bua kumonangana ne muambi Elisha. Muambi Elisha umona mukaji utshidi pa bule, kuambila muena mudimu wende Ngeyazi ne: — Tangila, ke mukaji utu ungakidila ku Shuneme wawa.

Yirmeya 35:4

Kubabuejaye mu nzubu wa Mvidi Mukulu, mu tshibambalu tshia balongi ba Anane, muntu wa tshijila, muana wa Igdaliya. Tshibambalu etshi tshivua pabuipi ne tshia bamfumu ba nzubu. Tshivua kabidi kulu ku mutu kua tshibambalu tshia Masheya, muana wa Shalume, mutuangaji uvua ne mudimu wa kulama tshibuelelu tshia nzubu wa Mvidi Mukulu.

Amosa 7:12

Ke Amashiya kuambila Amosa ne: — Mumonyi wa malu, umuangale muaba ewu, upingane kuenu mu bukalenga bua Yuda. Ulongeshe bana benu! Nebakudishe ne disanka!

Matayi 14:3

Bualu Erode ke utua mutume diyi kale, bua bakuate Yowanane, bamusuike mionji, bamuele mu nzubu wa lukanu. Uvua muenze nanku anu bualu bua Erodiyade, mukaji wa Filipe wabu.

Matayi 26:68

bamba ne: — Wewe Kristu, utshinke, utuambile: udi mukutute nnganyi?

Matayi 27:29

Pashishe kujingabu tshikata tshia mionji ya meba, kumuasa ku mutu. Kumupeshabu dilenga mu tshianza tshiende tshia balume. Bavua batua binu kumpala kuende, bamuseka ne: — Muoyi, mukalenga wa bena Yuda!

Marke 15:29

Bantu bavua bapitshila muaba awu bavua banyukisha mitu, bamupenda, bamuamba ne: — Akia! Wewe uvua musue kupula nzubu wa Mvidi Mukulu ne kuasa mukuabu mu matuku asatu,

Marke 15:32

Meshiya mukalenga wa bena Izrayele atuluke ku mutshi mutshiamakane mpindiewu! Patuamona nanku, netumuitabe! Bantu bavuabu bapopela ku mutshi mutshiamakane pamue ne Yezu bavua bamupenda kabidi.

Luke 9:54

Balongi bende Yakobe ne Yowanane bamona nanku, kuambabu ne: — Mfumu, udi musue tutume diyi mu diulu, kapia kapueke, kababutule anyi?

Ebrewu 11:36

Bavua baseka bakuabu, babakuma mikaba, bavua basuika bakuabu ne nkanu, babela mu nzubu wa lukanu.

1 Samuele 19:21

Anu Shawule umvua lumu alu, kutuma bantu bakuabu bua kukuata Davide. Kadi bantu abu bafike, kutuadijabu amu kuja maja, bela mbila. Nanku, Shawule kutuma tshisumbu tshia bantu tshisatu. Bantu abu, kuenza amu mushindu umue.