2 Bakalenga 1:8 - MUKANDA WA MYIDI MUKULU

⁸ Kuandamunabu ne: — Uvua muvuale tshilamba tshia miosa ya nyama wa kamelu, musuike mukaba mu tshimonu! Mukalenga Akaziya kuela diyi ne: — Muntu awu mmuambi Eliya, muena Tishebe!

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bakamuambila ne, Wakadi ne tshikowelu tshia miosa ne mukaba wa tshiseba ku tshifuka tshiandi. Yeye wakamba ne, Yeye udi Eliya, Muena Tishebe.

2 Bakalenga 1:8 ပူးပေါင်းရင်းမြစ်များ

1 Bakalenga 18:46

Muambi kusuika mukaba wende mu tshimonu bua kuya. Maweja-Nangila kumupa bukole bua bungi. Kunyemaye lubilu kumpala kua ditempu dia Akabe too ne pafikibu mu Yizreyele.

2 Bakalenga 1:7

Mukalenga Akaziya kubakonka ne: — Muntu unuvua basambakena nende, uvua unuambila bionsu ebi, uvua mushindu kaayi?

Yeshaya 20:2

Bidimu bisatu kumpala kua dikuata dia tshimenga atshi, Maweja-Nangila kuambila Yeshaya, muana wa Amose, ne: “Vula bilamba bia madilu biudi nabi pambidi, ne bisabata biudi nabi ku makasa ebe.” Yeshaya kuenza nanku. Ukavua wendakana, kayi tshilamba nansha bisabata. Nanku, mu tshikondu tshivuabu bakuate tshimenga tshia Asdode, Maweja-Nangila kuambila muambi Yeshaya bivuaye ne bua kumanyisha bantu ne:

Zekâya 13:4

Dituku adi, bambi nebumvue bundu, batshina kuamba malu mu dina dia Mvidi Mukulu, nansha kulonda malu adi Mvidi Mukulu ubaleja. Kabakudinga kabidi bantu, bavuala tshinkutu tshia bambi tshienza ne buoya.

Matayi 11:8

Nanku tshinuvua bakebe kumona ntshinyi? Muntu muvuale bilamba bimpe anyi? Kadi badi bavuala bilamba bimpe badi basomba mu nzubu ya bakalenga ba matunga.

Matayi 3:4

Yowanane uvua uvuala bilamba bia miosa ya nyama wa kamelu, usuika mukaba wa tshiseba mu tshimonu. Uvua udia mpasu ne buitshi bua muitu.

Marke 1:6

Yowanane uvua muvuale tshilamba tshia miosa ya kamelu, ne mukaba wa tshiseba mu tshimonu. Uvua udia mpasu ne buitshi bua muitu.

Luke 1:17

Neadianjile kumpala kua Mvidi Mukulu. Neikale ne lungenyi, kabidi ne bukole, bivua muambi Eliya nabi. Neatuangaje batatu ne bana. Neapingaje bantomboji mu njila wa bantu bakane. Nealongoluele Maweja-Nangila bantu badi bamuindila.

Didimanyisha 11:3

Meme nentume bajadiki banyi babidi, bavuale bilamba bikayapale. Matuku tshinunu nkama ibidi ne makumi asambombu aa, nebamanyishe bantu bidi Mvidi Mukulu mubambile.