2 Bakalenga 1:3 - MUKANDA WA MYIDI MUKULU

³ Kadi, mutumibue wa Maweja-Nangila kuya kuambila muambi Eliya, muena Tishebe, ne: — Juka uye kusambakena ne bantu badi mukalenga Akaziya wa mu Samariya mutume, ubakonke ne: “Mu ditunga dia bena Izrayele kamuena Mvidi Mukulu anyi? Nudi nuya kukonka anu mvidie Baale Zebube, udi mu Ekrone bua tshinyi?”

Mukanda wa Nzambi Dihungila Dikulukulu ne Dihungila Dihia-dihia 2003

³ Kadi muanjelo wa Yehowa wakambila Eliya, Muena Tishebe, ne, Juka, uye kusangila ne ba-messager ba mukelenge wa Samalea, uheheshe ne, Nudi nuyila kuebesha Bâla-zebuba, nzambi wa Ekelona, bualu, bualu bua kakuena Nzambi mu Isalele, anyi?

2 Bakalenga 1:3 ပူးပေါင်းရင်းမြစ်များ

1 Bakalenga 11:33

Nengenze nanku, bualu bena Izrayele mbambenge. Badi batendelela Astarte, mvidie mukaji wa bena Sidone, Kemoshe mvidie wa bena Mowabe, ne Milkome, mvidie wa bena Amone. Kabena balonda njila umvua mubaleje to. Kabena bangenzela bimpe. Kabena batumikila meyi anyi ne mikenji yanyi bimvua mubambile. Kabena babikumbaja bu muvuabu babikumbaja kudi Davide, tatuende wa Shelomu.

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

1 Bakalenga 18:1

Matuku a bungi mamane kupita, munkatshi mua tshidimu tshisatu tshia munanga, Maweja-Nangila kuambila muambi Eliya ne: — Uye kudi mukalenga Akabe, umuambila ne: Meme Maweja-Nangila nendokeshe mvula pa buloba buvua bumisha kudi munanga.

1 Bakalenga 18:36

Dilolu, diba dia kulambula Maweja-Nangila dikumbane, muambi Eliya kusemena pabuipi ne tshilambuilu, kuamba ne: — Maweja-Nangila Mvidi Mukulu wa Abrahame, wa Izake ne wa Yakobe, lelu uleje bantu ne: udi Mvidi Mukulu wabena Izrayele, bajadike kabidi ne: meme ndi muntu webe, bionsu bindi ngenza ebi, ndi mbienza anu ku diyi diebe.

1 Bakalenga 19:5

Ke muambi Eliya kulala tulu panshi, muinshi mua mutshi wa ngenete awu. Kadi, mutumibue wa Mvidi Mukulu kufika, kumubisha, umuambila ne: — Juka, udie!

1 Bakalenga 19:7

Kadi, mutumibue wa Mvidi Mukulu kumubisha musangu muibidi, umuambila ne: — Juka, udie! Bualu uyaya luendu lule lutambe.

1 Bakalenga 21:17

Pashishe, Maweja-Nangila kuambila muambi Eliya wa ku Tishebe ne:

2 Bakalenga 1:2

Dituku dikuabu, mukalenga Akaziya uvua mu tshibambalu tshia nzubu wende wa bukalenga wa tshilalakulu, uvua mu tshimenga tshia Samariya, kukulukaye pa dididishi, kudishinda, kutapikaye bikole. Bualu bua njiwu ayi, mukalenga Akaziya kutuma bantu mu tshimenga tshia Ekrone, bua kukonkamu mvidie Baale Zebube ne: nengumvue bimpe anyi?

2 Bakalenga 1:6

Kuandamunabu ne: — Tudi basambakene ne muntu mukuabu, mutupingaje bua tuetu kukuambila ne: “Maweja-Nangila udi wamba ne: Mu ditunga dia Izrayele, kamuena Mvidi Mukulu anyi? Udi utuma bantu bua kukonka anu mvidie Baale Zebube udi mu Ekrone bua tshinyi? Bu muudi muenze nanku, kuena ujuka mu bulalu buudi mulale ebu to! Neufue!”

2 Bakalenga 1:8

Kuandamunabu ne: — Uvua muvuale tshilamba tshia miosa ya nyama wa kamelu, musuike mukaba mu tshimonu! Mukalenga Akaziya kuela diyi ne: — Muntu awu mmuambi Eliya, muena Tishebe!

2 Bakalenga 5:15

Diakamue, Namane ne bonsu bavuaye nabu kupingana ku nzubu kua muambi Elisha. Namane kuimana kumpala kua muambi, kumuambila ne: — Mpindiewu ndi mumanye ne: pa buloba bujima kakuena Mvidi Mukulu mukuabu to, anu wa bena Izrayele. Nanku ndi nkusengelela: wangate mulambu undi nkupesha ewu.

2 Bakalenga 5:8

Muambi Elisha umvua ne: mukalenga wa bena Izrayele mmudipande bilamba, kumutuminaye muntu bua kumukonka ne: — Udi upampakana, udipanda bilamba bua tshinyi? Muntu awu afike ku nzubu kuanyi, bua ujaddike ne: mu ditunga dia bena Izrayele mudi muambi bulelela.

Misambu 76:1

Musambu wa mu mukanda wa mulombodi wa bena misambu. Wa kuimba ne bisanji bia nshinga dikumi. Wa mu mukanda wa misambu ya Asafe.

Yeshaya 8:19

Bantu bakuabu badi bamba ne: “Nukonke bakishi malu, bualu badi batumanyisha malu adi kaayi manji kuenzeka. Nukonke bena mbuku, bakuambile malu ku ditshi. Bualu tshisamba tshionsu tshidi tshikonka mvidie yatshi, tshikonka bakishi buakulongolola malu a bantu badi panu.” Padibu bakuambila nanku,

Yona 2:8

Nansha pamvua nkeba kufua, mvua amu nkuvuluka, Maweja-Nangila wanyi. Mitendelelu yanyi mmifike kuudi, ku nzubu webe wa tshijila.

Marke 3:22

Balongeshi ba mikenji bavua batumine ku Yerushalayime, bavua bamba ne: — Yezu udi ne Belzebule, diabolu munda muende! Bakuabu bavua bamba ne: — Mfumu wa mikishi mibi ke udi umupesha bukole bua kuipata nabu mikishi mibi eyi!

Bienzedi 8:26

Mutumibue wa Mvidi Mukulu kuambila Filipe ne: — Pueka kuinshi mu ditunga, ulonde njila wa kale wa mu tshipela, wa kumuka ku Yerushalayime, kufika ne ku Ngaza.

1 Samuele 17:46

Lelu ewu, Maweja-Nangila neakufile mu bianza bianyi. Nenkushipe, nkukosa mutu. Lelu ewu, nendishe nyunyi ne nyama ya mu tshisuku bitalu bia bena Peleshete. Nanku bisamba bionsu nebijadike ne: bena Izrayele badi ne Mvidi Mukulu.