2 Bakalenga 1:2 - MUKANDA WA MYIDI MUKULU

² Dituku dikuabu, mukalenga Akaziya uvua mu tshibambalu tshia nzubu wende wa bukalenga wa tshilalakulu, uvua mu tshimenga tshia Samariya, kukulukaye pa dididishi, kudishinda, kutapikaye bikole. Bualu bua njiwu ayi, mukalenga Akaziya kutuma bantu mu tshimenga tshia Ekrone, bua kukonkamu mvidie Baale Zebube ne: nengumvue bimpe anyi?

Mukanda wa Nzambi Dihungila Dikulukulu ne Dihungila Dihia-dihia 2003

² Ahazaya wakakuluka mu tusoso tua mabaya a madidishi a ku nsubu wandi wa kulu wa mu Samalea, wakasama; wakabikila ba-messager bandi, wakabambila ne, Yai bienu kudi Bâla-zebuba, nzambi wa mu Ekelona, numuebeshe ne, Meme nensangale ku disama edi, anyi?

2 Bakalenga 1:2 ပူးပေါင်းရင်းမြစ်များ

1 Bakalenga 11:33

Nengenze nanku, bualu bena Izrayele mbambenge. Badi batendelela Astarte, mvidie mukaji wa bena Sidone, Kemoshe mvidie wa bena Mowabe, ne Milkome, mvidie wa bena Amone. Kabena balonda njila umvua mubaleje to. Kabena bangenzela bimpe. Kabena batumikila meyi anyi ne mikenji yanyi bimvua mubambile. Kabena babikumbaja bu muvuabu babikumbaja kudi Davide, tatuende wa Shelomu.

1 Bakalenga 14:3

Umutuadile mampa dikumi, mikata, ne buitshi mu mulondu. Uye nabi kudiye. Yeye neakuambile patoke tshienzekela muanetu wa balume udi usama ewu.

1 Bakalenga 22:34

Muena mvita mukuabu wa bena Siriya kuela muketa mu mpukapuka. Muketa awu, kuasa Akabe, mukalenga wa bena Izrayele. Kubuelawu mu mubidi wende, ku kazaku kende ka mvita. Mukalenga Akabe kuambila muntu uvua wendesha ditempu diende dia mvita ne: — Pingana panyima! Umuka nanyi munkatshi mua bena mvita, bualu tshiena mumvue bimpe to.

1 Bakalenga 22:40

Mukalenga Akabe mumane kufua, muanende Akaziya kumupingana mu bukalenga.

2 Bakalenga 1:16

Eliya kuambila mukalenga Akaziya ne: — Maweja-Nangila udi wamba ne: “Bu muudi mutume bantu kudi mvidie Baale Zebube, udi mu tshimenga tshia Ekrone bua kumukonka malu, mmumue ne: ku mesu ebe, mu ditunga dia bena Izrayele kamuena Mvidi Mukulu udibu mua kukonka malu. Nanku, kuena ujuka mu bulalu muudi mulale emu to, neufue!”

2 Bakalenga 1:3

Kadi, mutumibue wa Maweja-Nangila kuya kuambila muambi Eliya, muena Tishebe, ne: — Juka uye kusambakena ne bantu badi mukalenga Akaziya wa mu Samariya mutume, ubakonke ne: “Mu ditunga dia bena Izrayele kamuena Mvidi Mukulu anyi? Nudi nuya kukonka anu mvidie Baale Zebube, udi mu Ekrone bua tshinyi?”

2 Bakalenga 1:6

Kuandamunabu ne: — Tudi basambakene ne muntu mukuabu, mutupingaje bua tuetu kukuambila ne: “Maweja-Nangila udi wamba ne: Mu ditunga dia Izrayele, kamuena Mvidi Mukulu anyi? Udi utuma bantu bua kukonka anu mvidie Baale Zebube udi mu Ekrone bua tshinyi? Bu muudi muenze nanku, kuena ujuka mu bulalu buudi mulale ebu to! Neufue!”

2 Bakalenga 17:16

Bavua balengulula meyi onsu a Maweja-Nangila Mvidi Mukulu wabu. Bavua badienzela mpingu ibidi ya tuana tua ngombe tua tshiamu tshiengulula, badienzela kabidi makunji a kutendelela. Bavua batendelela bintu bionsu bidi mu tshibuashibuashi, benzela mvidie Baale mudimu.

Yobe 31:3

Nudi nuamba ne: “Muena tshibawu udi upeta dikenga, benji ba malu mabi badi babutuka.”

Musambu wa Solomo 2:9

Munanga wanyi udi unyema lubilu, bu nyama wa kabuluku, nansha bu ngulungu muana. Ukadi mufike, muimane kunyima kua tshimana tshia nzubu wetu. Udi upalamina ku madidishi, ukenzakana mu masosu a tukanu.

Yeshaya 19:3

Bena Ejipitu nebapange tshia kuenza. Nennyangakaje bidibu balongolole. Nenku nebakonke mvidie yabu ya dishima, nebaye kudi babukishi ba mbuku, ne kudi bena lubuku lua muzangu.”

Yeshaya 2:6

Wewe Maweja-Nangila, ukadi ulengulula tshisamba tshiebe, tshisamba tshia ndelanganyi ya Yakobe. Bualu bena mbuku ba kudi diba dipatukila, mbavulangane mu tshisamba tshia Yakobe. Batempi ba malu a mitotu badimu, bungi bu mu ditunga dia bena Peleshete. Bantu bebe mbunwuangane ne bantu ba bisamba bikuabu, balonda bibidilu biabu.

Yeshaya 37:12

Bakalenga bavua mu bukalenga kumpala kuanyi, bavua babutule bimenga ebi: Ngozane, Arane, Reshefe ne Telashare, tshimenga tshikulu tshia bena Edene. Mvidie ya matunga aa kayena mipandishe bimenga ebi to.

Yeshaya 37:19

Bavua boshe, banyangakaje mvidie ya matunga aa, bualu kayivua mvidie ya bushiwa to. Ivua amu mpingu ya mitshi, nansha ya mabue masonga kudi bantu.

Matayi 10:25

Mbimpe mulongi ikale bu mulongeshi wende, muena mudimu bu mfumuende. Pikalabu binyika mfumu wa diku ne: Belzebule nanku bena diku mene nebabinyike mena mapite bubi.

Marke 3:22

Balongeshi ba mikenji bavua batumine ku Yerushalayime, bavua bamba ne: — Yezu udi ne Belzebule, diabolu munda muende! Bakuabu bavua bamba ne: — Mfumu wa mikishi mibi ke udi umupesha bukole bua kuipata nabu mikishi mibi eyi!

Luke 11:15

Kadi bantu bakuabu bavua bamba ne: — Belzebule mfumu wa mikishi mibi, ke udi upesha muntu awu bukole bua kuipata mikishi mibi eyi!

Bienzedi 20:9

Nsongalume mukuabu, dina diende Etike, uvua musombe ku muelelu wa dididishi. Bu muvua Polu ulongesha mukungulu mule, kubungilaye ne tulu, kulala bikole. Bua bukole bua tulu, nsongalume awu kutetuka, kupona panshi ku tshisasa tshisatu tshia nzubu wa tshilala kulu. Bantu kuya bua kumujula. Kadi ukavua mufue.

Yoshua 15:11

Uvua utungunuka, uya ku luseke lua kumutu lua tshimenga tshia Ebrone, ubenda mutangile ku Shikarone, utungunuka, upitshila ku mukuna wa Baala, uya ku Yabne, pashishe utua makasa ku Mayi manene a pankatshi pa matunga, wimana.

Balombodi 11:24

Kuena ne buebe buloba buvua mvidie webe Kemoshe mukupe anyi? Nanku tuetu kabidi, tudi ne buetu buloba, buvua Maweja-Nangila muanyishe bua tuetu kubukuata.

Balombodi 5:28

Mamuende wa Sisra kutangidila pa dididishi, kudilaye, mutangidile pa tukanu: “Tshidi tshimanyika ditempu diende dia mvita ntshinyi? Mudiye ujingakana, kayi ufika lukasa, mmunyi?”

1 Samuele 5:10

Nanku kuyabu ne mushete mu tshimenga tshia Ekrone. Kadi mushete ufika mu tshimenga tshia Ekrone, bena mu tshimenga baumone, kuelabu bibingu bikole, bamba ne: — Mbafike ne mushete wa Mvidi Mukulu wa bena Izrayele muetu munemu bua kutubutula bonsu!