1 Yone 1:8 - MUKANDA WA MYIDI MUKULU

⁸ Tuetu bambe ne: katuena ne bubi, tudi tudishima. Bulelela kabuena munda muetu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bituamba ne, Katuena ne mibi, tudi tudidinga, ne bushua kabuena munda muetu.

1 Yone 1:8 ပူးပေါင်းရင်းမြစ်များ

Rome 3:23

Bonsu mbenze malu mabi. Bonsu mbabule butumbi bua Mvidi Mukulu.

Yakobe 3:2

Tudi tuenza bonsu bibi mishindu mishilangane. Kadi padi muntu kayi wakula muaku mubi musangu nansha umue, awu mmuntu wa nsongu. mMumanye kabidi mua kukanda mubidi wende mujima.

Muambi 7:20

Mulengele kabula kalema, udi ne kende kamulamata.

Yeshaya 53:6

Tuvua bapambuke eku ne eku, miaba yonsu, bu mikoku idibu batangalaja, muntu yonsu ulonda wende njila, muntu wende njila. Dinyoka divuabu mua kutunyoka tuetu, bua bilema bietu bonsu, ke divuabu bamunyoke nadi.

1 Yone 2:4

Padi muntu wamba ne: “Ndi mumanye Mvidi Mukulu,” kayi utumikila mikenji yende, udi muena dishima. Bulelela kabuena munda muende to.

1 Yone 1:10

Tuetu bambe ne: katuena benze bibi, tudi tuvuija Mvidi Mukulu muena dishima. Muaku wende kawena munda muetu.

Nsumuinu 20:9

Muntu kena mua kuamba ne: “Tshiena ne tshilema nansha tshimue. Kondu ka munda muanyi kakena kangasa tshilumbu.”

Yobe 15:14

Muntu udi udiamba ne tshiena ne mikiya anyi? Udi mua kuamba ne tshiena ne bualu nnganyi?

Ngalate 6:3

Padi muntu uditemba ne: ndi kampanda, yeye kayi nanku, udi udishima nkayende.

Yeshaya 64:6

Kakuena muntu nansha umue udi ukeba kukulomba diambuluisha, ujinga kudilengeja, ukuitaba. Bualu wewe mene kuena musue kutumona kabidi. Ukadi mumane kutubenga bua bilema bietu.

Misambu 143:2

Ndi muena mudimu webe, kungashi tshilumbu, bualu kakuena muntu muakane ku mesu ebe.

Yakobe 1:26

Padi muntu wela meji ne: ndi nnemeka Mvidi Mukulu, kayi ulama ludimi luende, udi udishima. Dinemeka diende dia Mvidi Mukulu kadiena ne mushinga nansha mukese.

1 Timote 6:5

dielangana mpata ne munanunanu ne bantu badi ne lungenyi lunyanguke, kabatshiyi bamanye bulelela. Bualu badi bela meji ne: kuenzela Mvidi Mukulu mudimu mmuaba wa kupeta biuma.

Yobe 25:4

Muntu udi mua kubinga kumpala kua Mvidi Mukulu anyi? Muntu wa pa buloba udi mua kuikala muakane kumpala kua Mvidi Mukulu anyi?

1 Bakalenga 8:46

“Kakuena muntu nansha umue udi kayi mua kuenza bibi. Padi bena Izrayele bakutombokela, misangu mikuabu udi mua kubafikila munda, kubafila mu bianza bia baluishi babu, bua baye nabu mu bupika mu ditunga dia pabuipi, nansha dia kule.

1 Korente 3:18

Muntu kaditshimbishi. Pikala muntu wa kunudi uditangila bu muena meji wa panuapa, adienze mupale, bua apete meji a bushuwa.

Yobe 14:4

Kudi muntu udi mua kupatula tshintu tshidi ne mikiya ku tshintu tshidi katshiyi ne mikiya anyi? Nansha kakese!

2 Kulondolola 6:36

“Padi bena Izrayele bakutombokela, — bualu kakuena muntu nansha umue udi kayi mua kuenza bibi, — misangu mikuabu udi mua kubafikila munda, kubafila mu bianza bia baluishi babu bua baluishi babu abu baye nabu mu bupika mu ditunga diabu, nansha diodi dikale mutantshi mule.

2 Yone 1:2

Bualu bulelela budi munda muetu. Nebushale kabidi netu kashidi.

1 Yone 1:6

Tuetu bambe ne: tudi mu bobumue ne Mvidi Mukulu, patutshidi tuenda mu miidima, bitudi tuamba ne bitudi tuenza mbia dishima.

Yakobe 1:22

Kanudidingi: kanuena mua kuteleja muaku wa Mvidi Mukulu patupu, kanuyi nuenza mene bidiwu unulomba.

2 Timote 3:13

Kadi bantu babi ne bena dishima nebatungunuke amu kutungunuka ne dienza bibi. Nebashimangane. Bantu bakuabu nebabashime.

Yobe 9:2

Bushuwa, ndi mumanye bionsu biudi wamba. Muntu udi mua kupisha Mvidi Mukulu anyi? Kabiena mua kuenzeka to.

3 Yone 1:3

Mvua ne disanka divule, pavua bana hetu bafike, banjadikile ne: Ngayuse udi witaba bulelela, ulonda kabidi njila wa bulelela matuku onsu.

2 Petro 2:13

Nebabakengeshe, muvuabu bakengeshe bakuabu. Badi badisankisha, benza malu mabi munda munya. Panudi nabu ku mesa badi banufuisha bundu, banubueja mu mbipishilu, basanka bua kunudinga.

Yirmeya 2:35

nudi amu nuamba ne: katuena ne tshilumbu to. Maweja-Nangila ke udi mupile, bualu udi utufikila munda kapayi bualu. Kadi bu munudi nuamba ne: katuena benze bualu bubi, ndi musue kunulumbuluisha.

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

Rome 3:10

Mukanda wa tshijila udi ujadika ne: “Kakuena muntu udi wenza tshidi Mvidi Mukulu musue,

1 Yone 4:20

Muntu udi wamba ne: “Ndi munange Mvidi Mukulu,” kadi ukina muanabu, mmuena dishima. Bualu kena mua kunanga Mvidi Mukulu udiye kayi umona, padiye ukina muanabu udiye umona.

Lewitiki 13:12

Kadi padi mutuangaji umona ne: muntu ewu udi ne mpusu mubidi mujima, ku mutu too ne ku makasa,

2 Bakalenga 20:15

Yeshaya kumukonka kabidi ne: — Mu nzubu webe wa bukalenga bavua bamone tshinyi? Izkiya kuandamuna ne: — Bavua bamone bintu bionsu bidimu. Tshiena mubasokoke tshintu nansha tshimue, tshia ku bintu bionsu bindi muteke.