1 Tesalonike 2:3 - MUKANDA WA MYIDI MUKULU

³ Katuvua banuitabijije bua kunubueja mu ntupakanyi. Katuvua bakebe bivua bitulengelela tuetu. Katuvua badinge muntu nansha umue.

Mukanda wa Nzambi Dihungila Dikulukulu ne Dihungila Dihia-dihia 2003

³ Bua dinusengelela dietu kadiena dia mashimi anyi dia bukoya bua mutshima anyi dia lubombo;

1 Tesalonike 2:3 ပူးပေါင်းရင်းမြစ်များ

Dibadika 16:15

Moshe kufika munda bikole bua diandamuna diabu adi. Kuambilaye Maweja-Nangila ne: — Kuitabi milambu yabu to. Katshia meme tshiena mubenzele bibi. Tshiena mubanyenge tshintu, nansha mpunde mene.

Bienzedi 13:15

Bantu bamane kubala mukanda wa Mikenji ne wa Bambi, bamfumu ba nzubu wa kutendelela kubalomba ne: — Bana betu, panuikala ne imue miaku ya kukolesha nayi bantu ku muoyi, nudi mua kuakula mpindiewu.

Bienzedi 4:36

Ke muvua muena Levi mukuabu, mulelela mu tshidila tshia Shipre, dina diende Yozefe, uvua bapostolu binyike ne: Bamabase (mmomumue ne: musambianganyi),

2 Korente 11:13

Bantu abu mbapostolu ba dishima, badi badinga bantu, ba-disokoka badileja bu bapostolu ba Kristu.

2 Korente 2:17

Tuetu katuena bu bantu bakuabu ba bungi badi batangila muaku wa Mvidi Mukulu bu bintu bia kuenda nabi mushinga. Kadi tuetu tudi tunumanyisha muaku wa Mvidi Mukulu, katuyi tukeba kudisankisha muinshi muinshi. Mvidi Mukulu mmututume. Ke patudi tuvuluka mudiye uditangila, tukuata mudimu badisange ne Kristu.

2 Korente 4:2

Tukadi bamane kubenga malu a mu musokoku adi atufuisha bundu. Katuena tukuata mudimu ne budimu. Katuena tuandamuna muaku wa Mvidi Mukulu bua kuwenza wa dishima. Kadi tudi mmanyisha bantu patoke malu a Mvidi Mukulu amu pa wowu. Ke patudi basue kudileja kudi muntu yonsu udi witaba Mvidi Mukulu bilondeshile kondu ka munda muende.

2 Korente 4:5

Bualu patudi tulongesha, katuena tudimanyisha tuetu to. Tudi mmanyisha Yezu Kristu bu Mfumu. Tuetu tudi amu bantu badi banukuatshila mudimu ku disua diende.

2 Korente 6:8

Badi batuela kalumbandi, batujana. Badi batupenda, batupa lumu. Badi batutangila bu bena dishima, bitaba bitudi tuamba ne: mbilelela.

2 Korente 7:2

Tunzuluilayi mioyi yenu! Katuena benzele muntu nansha umue bibi. Katuena banyenge muntu bivuaye nabi. Katuena bakengeshe muntu.

1 Tesalonike 2:11

Nudi bamanye mutuvua benzele yonsu wa kunudi, amu mudi tatu wenzela bana bende.

1 Tesalonike 4:7

Mvidi Mukulu kena mutubikile bua tuikale bena tshiendenda, kadi amu bua tuikale bantu ba tshijila.

2 Tesalonike 2:11

Ke padi Mvidi Mukulu utshipaja mioyi yabu, bua bitabe malu a dishima.

2 Petro 1:16

Patuvua banumanyishe ne: Mfumu wetu Yezu Kristu neafike ne bukole buende, katuvua banulondele nsumuinu ifuma ku budimu bua bantu. Kadi tuvua badimuene butumbi buende ne etu abidi.

1 Samuele 12:3

Ke pandi muimana kumpala kuenu, muaba udi Maweja-Nangila ne mukalenga udiye musungule. Pangikala munuenzele bualu bubi, numfunde kudibu patoke too. Ndi muibe ngombe wa muntu anyi? Ndi muibe mpunde wa muntu anyi? Ndi mukengeshe muntu anyi? Ndi muenzele muntu bibi anyi? Ndi muangataku tshintu tshia mabuejila kudi muntu bua tshitangidi buenzayi budiye wenza anyi? Pangikala muangate tshintu tshia muntu, angambile, mmupingajilatshi.