1 Samuele 9:21 - MUKANDA WA MYIDI MUKULU

²¹ Shawule kuandamna ne: — Kuambi nanku, bualu meme ndi muena Binyamine. Ndi muntu wa mu kasamba kakese ka bena Izrayele. Kabidi mu tshisamba tshia Binyamine emu, diku dianyi ke didi ne bantu bapite bukese. Kadi mmunyi muudi mua kungambila bualu bua nanku?

Mukanda wa Nzambi Dihungila Dikulukulu ne Dihungila Dihia-dihia 2003

²¹ Shaula wakamukudimuna dî ne, Meme tshiena Muena Benyamina, tshisamba tshidi tshihita bisamba bionso bia Bena Isalele bukese, anyi? Diku dianyi kadiena dihita meku onso a tshisamba tshia Benyamina bubale, anyi? Udi ungambila meme malu au munyi?

1 Samuele 9:21 ပူးပေါင်းရင်းမြစ်များ

Misambu 68:27

Nuenu bonsu, ndelanganyi ya Yakobe, sangilayi mu bibilu, nutumbishe Maweja-Nangila, nuele Mvidi Mukulu tuasakidila.

Misambu 68:28

Bena tshisamba tshia Binyamine wa mukala bafilele kumpala, pashishe bamfumu ba bena Yuda ne bilamba biabu bilengeja bimpe, bamfumu ba Zebulone ne ba Naftali ku ndekelu.

Osheya 13:1

Pavua bena Efrayime bakula, bantu bonsu bavua batshina. Bobu ke bavua bamfumu, mu bukalenga bua bena Izrayele. Kadi, bavua benza bibi, batendelela mvidie Baale. Ke tshivua tshibafikisha ku lufu.

Luke 14:11

Bualu muntu yonsu udi uditambisha, nebamufuishe bundu. Muntu yonsu udi udipuekesha, neapete lumu.

Efeze 3:8

Meme ndi mushadile ku bantu bonsu badi bitaba Mvidi Mukulu. Kadi Mvidi Mukulu uvua muntutshishe diakalenga edi: bua mmanyishe bantu ba bisamba bikuabu Lumu lua Disanka lua bubanji bupite butudi tupeta kudi Kristu.

1 Samuele 10:27

Kadi kuvua kabidi bantu bena buenzayi, bavua bamba ne: “Muntu ewu udi mua kutusungidila mushindu kaayi?” Nanku bantu abu bavua bapepeja Shawule. Kabawa balambula milambu. Kadi Shawule kulengulula bionsu abi.

1 Samuele 14:51

Bualu Kishe tatuende wa Shawule, ne Nere tatuende wa Abnere, bavua bana ba balume ba Abiyele.

1 Samuele 15:17

Samuwele kumuambila ne: — Ku kale uvua mudimone muntu tshianana. Mpindiewu udi mukalenga wa bisamba bionsu bia bena Izrayele. Maweja-Nangila nkayende ke uvua mukujidile bua wikale mukalenga wa bena Izrayele.

1 Samuele 18:18

Davide kuandamuna ne: — Mukalenga, meme ndi muntu tshianana. Bena diku dia tatu, ne bena nzubu wetu, badi anu bantu tshianana. Kadi, meme nengikale muku wa mukalenga mushindu kaayi?

1 Samuele 18:23

Balombodi ba mu bukalenga bua Shawule kuambila Davide bionsu abi. Kubakonkaye ne: — Bua meme muntu mupele, tshiyi ne tshindi natshi, kushala muku wa mukalenga, nuenu nudi bamone ne: mbualu bukese anyi?

1 Samuele 9:22

Kadi Samuwele kuya ne Shawule ne muena mudimu wa Shawule mu nzubu wa tshidiilu. Kubasombeshaye muaba wa bantu ba lumu. Mu nzubu, muvua anu bantu bu makumi asatu bavuabu babikila.