1 Samuele 9:16 - MUKANDA WA MYIDI MUKULU

¹⁶ “Malaba anu pa diba ditudi edi, nenkutumine muntu wa mu tshisamba tshia Binyamine. Wewe neumujidile bua ikale mukalenga wa bantu banyi bena Izrayele. Neabumushe ku bumfumu bua bena Peleshete. Bualu bantu banyi bena Izrayele, mbambikila bua meme kubambuluisha, kabidi ndi mumone dikenga diabu.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Makelela ha diba edi mene nenkutumine muntu mufume ku buloba bua Benyamina ne wewe neumuele manyi ha mutu handi bua kuikaleye mukelenge wa bantu banyi Bena Isalele; yeye neasungile bantu banyi mu bianza bia Bena Peleshete; bua nakatangila bantu banyi bualu bua muadi wabo wakufika kundi.

1 Samuele 9:16 ပူးပေါင်းရင်းမြစ်များ

2 Samuele 3:18

Mpindiewu, tshikondu tshiakumbanyi tshia kuenza bualu abu! Bualu Maweja-Nangila uvua mumane kuamba bua Davide ne: “Anu muntu wanyi Davide ke wasungidila bantu banyi bena Izrayele, mu bianza bia bena Peleshete ne mu bianza bia baluishi babu bakuabu bonsu.”

2 Bakalenga 20:5

bua apingane kudi Izkiya, mukalenga wa bantu ba Maweja-Nangila, amuambile ne: “Maweja-Nangila Mvidi Mukulu wa nkambua webe Davide udi wamba ne: Ndi mumvue ditendelela diebe, kabidi ndi mumone binsonji biebe. Nanku ndi musue kujikija disama diebe. Papita matuku asatu, mutuadije kuya kabidi mu nzubu wa Mvidi Mukulu.

Misambu 102:1

Muena dikenga udi utendelela Mvidi Mukulu, umudidila muadi.

Misambu 106:44

Maweja-Nangila kumvua miadi yabu, kumonaye dikenga diabu.

Misambu 25:18

Mona mundi nkenga, ntata bikole. Umfuile luse bua bilema bianyi bionsu.

Nsumuinu 16:9

Muntu udi upangadika bua kuenza bualu, kadi Maweja-Nangila ke udi ubujadika, ubukumbaja.

Yirmeya 32:8

Bu muvua Maweja-Nangila mungambile, Anameyele, muana wa tatu mukuabu, kufikaye kundi mu lupangu lua bena mvita balami ba mukalenga. Kungambilaye ne: — Wewe udi ne bua kusumba budimi bundi nabu ku Anatote, mu buloba bua bena Binyamine. Bualu wewe udi muanetu menemene. Wewe ke wa kumpala udi mua kubuangata, kubupikula bua buikale buebe. Ke meme kujadika ne: Maweja-Nangila ke uvua mungambile malu.

1 Samuele 10:1

Ke Samuwele kuambula kalangi ka mafuta kavuaye naku. Kuelaye Shawule mafuta awu pa mutu. Pashishe kumupukilaye, umuambila ne: — Maweja-Nangila nkayende ke udi mukujidila bua wikale mukalenga wa tshisamba tshiende.

1 Samuele 14:20

Shawule kusangisha bena mvita bende, kuyabu mu mvita. Kadi, kusanganabu baluishi babu baluangana nkayabu mu tshimvundu tshinene.

1 Samuele 14:23

Ke muvua Maweja-Nangila muambuluishe bena Izrayele bua kutshimuna bena Peleshete dituku adi nanku. Mvita kutungunuka too ne dishiya dia Bete-Avene.

1 Samuele 15:1

Samuwele kuambila Shawule ne: — Ku kale, Maweja-Nangila uvua muntume bua kukujidila, bua ushale mukalenga wa bantu bende bena Izrayele. Nanku, teleja tshindi musue kukuambila mu dina dia Maweja-Nangila.

1 Samuele 16:1

Maweja-Nangila kuambila Samuwele ne: — Neushale anu ne tshiji musangu mule bua Shawule, pandi meme mumane kumubenga, bua kashadi mukalenga wa bena Izrayele anyi? Angata mafuta, uye nawu. Ndi nkutuma kua Ishayi ku Betleyeme. Bualu ndi musungule mukalenga undi musue, munkatshi mua bana bende ba balume.

1 Samuele 16:3

Ubikidishe Ishayi ku mulambu awu. Meme Maweja-Nangila nenkuleje tshiudi mua kuenza. Muntu ungikala mukuleje awu, neumujidile mukalenga, bua kungenzelaye mudimu. Amuwele kuitaba, kuya ku Betleyeme. Bakulu ba mu tshimenga bamumona, kupampakanabu bikole. Kuyabu kumuakidila, bamukonka ne: — Udi mufike munemu bua kutuambilaku bualu bua disanka anyi?