1 Samuele 9:12 - MUKANDA WA MYIDI MUKULU

¹² Bansongakaji kubandamuna ne: — Eyowa, ukadi mumane kufika. Mmufike mu tshimenga tshietu anu lelu, bualu ke dituku didi bantu balambula mulambu muaba wa tshijila. Koleshayi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bakabakudimuna di ne, E, udiku; monai, udi ku mpala kuenu, endeshai mpindiu, bualu bua yeye wakalua ku musoko anu lelu; bantu badi ne bualu bua kufilabo milambu lelu ku mutu kua mukuna.

1 Samuele 9:12 ပူးပေါင်းရင်းမြစ်များ

Genese 31:54

Yakobe kulambula Mvidi Mukulu mulambu ku mukuna aku, kubikila bana babu bua kudiabu kaba kamue. Pashishe kulalabu ku mukuna aku.

1 Kulondolola 16:39

Davide kupesha mutuangaji Sadoke, ne batuangaji ba mu diku diende, mudimu wa nzubu wa Maweja-Nangila, uvua pa muaba wa tshijila wa mu Ngibone.

1 Samuele 10:5

Pashishe neuye ku Ngibeya-Elohime, muaba udi bamfumu ba bena Peleshete. Pawafika pabuipi ne tshimenga, neusambakene ne tshisumbu tshia bambi, bapueka ku muaba wa tshijila. Kumpala kuabu nekuikale bantu badi bimba lunzenze, bimba ngoma, bela nshiba, bimba ne lunkombe. Bambi abu, nebikale baja maja, bela mbila.

1 Samuele 16:2

Samuwele kukonka ne: — Nengenze munyi? Pangikala mufike ku Betleyeme, Shawule neamanye bualu ebu. Neanshipe. Maweja-Nangila kuambila Samuwele ne: — Angata muana wa ngombe. Pawafika, newambe ne: ndi mufika bua kulambula Maweja-Nangila mulambu.

1 Samuele 2:35

Pashishe meme nendisunguile mutuangaji udi mua kuenza ne muoyi umue tshindi musue. Nemmupeshe ndelanganyi idi mua kuenza mudimu wa butuangaji kashidi kumpala kua mukalenga ungikala musungule.

1 Samuele 20:6

Padi tatuebe umona ne: meme tshienapu to, neumuambile ne: Davide mmundombe dianyisha bua kuya lukasa ku Betleyeme mu tshimenga tshiabu tshimulela, bua kudisangisha ne bena diku diabu bonsu, ku mulambu wa ku tshidimu tshionsu.

1 Samuele 7:17

Pashishe, Samuwele uvua upingana kuende ku Rama, muaba uvuaye ulumbuluisha bena Izrayele. Muaba awu, uvua muashila Maweja-Nangila tshilambuilu.