1 Samuele 8:8 - MUKANDA WA MYIDI MUKULU

⁸ Bualu biangatshile dituku dindi mubapatula mu Ejipitu too ne mpindiewu, badi anu bambenga meme, batendelela mvidie mikuabu. Bionsu bivuabu bangenzele abi, ke bidibu bakuenzela wewe mpindiewu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bu mudi malu onso akenzabo ku dituku diakumuka nʼabo mu Ejipitu tô ne ku dituku edi, muakandekelabo bua kukuatshilabo nzambi mikuabo mudimu, nunku badi bakenzela wewe kabidi.

1 Samuele 8:8 ပူးပေါင်းရင်းမြစ်များ

Misambu 78:8

Nenku, kabakulonda kabidi ngenzelu ya bankambua babu ivua mibi, ya bantu batomboke, bena mpala ibidi, kabayi balamate Mvidi Mukulu.

Ekesode 16:3

bamba ne: — Maweja-Nangila uvua mua kutubutuila nansha mu Ejipitu, mutuvua tudia minyinyi ngesu tente ne mampa tuukuta, basombele panshi. Kadi nudi batufikisha mu tshipela emu bua kutubutula ne nzala!

Ekesode 17:2

Kutandishabu Moshe, bambe ne: — Tupeshayi mayi a kunua! Moshe kubakonka ne: — Nudi nuntandisha bua tshinyi? Nudi nuteta Maweja-Nangila bualu kaayi?

Ekesode 32:1

Bena Izrayele bamona ne: Moshe wapitshi kujingakana ku mukuna, kuambilabu Arone ne: — Utuenzele mvidie, afilele kumpala kuetu. Bualu muntu ewu Moshe, uvua mutupatule mu Ejipitu, katuena bamanye tshidi tshimuenzekela to.

Yirmeya 34:14

Mvua mubambile ne: Pakumbana bidimu muanda mutekete, yonsu wa kunudi apikule muanabu muena Ebrewu uvua mudipane kudiye bu mupika, ne ukavua mumane kumuenzela mudimu bidimu bisambombu. Nudi mua kumulekela aye mudiye musue. Kadi bankambua benu ki mbanteleje, ki mbitabe tshimvua mubambile to.

Yezekiyele 2:3

— Muntu, ndi nkutuma kudi bena Izrayele. Bantu abu mbantombokele. Badi anu bambenga bu muvua bankambua babu bambenga.

Dielulula 9:24

Katshia tumanyangana nenu, nudi amu nutombokela Maweja-Nangila.

Balombodi 13:1

Bena Izrayele kuenza kabidi malu mabi avua Maweja-Nangila ubenga. Nanku Maweja-Nangila kubafila mu bianza bia bena Peleshete bidimu makumi anayi.

Balombodi 2:20

Maweja-Nangila kufikila bena Izrayele munda, kuamba ne: — Bantu ba mu tshisamba etshi, mbanyangakaje ndondu umvua muambile bankambua babu bua kumunemeka. Kabena bantumikila to.

Balombodi 4:1

Ekude mumane kufua, bena Izrayele kuenza kabidi malu mabi awa Maweja-Nangila mubenge.

Balombodi 6:1

Bena Izrayele kuenza kabidi malu mabi avua Maweja-Nangila mubenge. Nanku Maweja-Nangila kubafila mu bianza bia bena Madiyane bidimu muanda mutekete.

1 Samuele 8:7

Maweja-Nangila kumuandamuna ne: — Uteleje bena Izrayele, ubenzele bionsu bidibu balomba. Bualu udibu babenga ki ngwewe to, mmeme! Kabatshiena basue bua meme kuikala mukalenga wabu to.

1 Samuele 8:9

Nanku itaba bionsu bidibu bakulomba. Kadi ubabela, ubambile patoke, ubaleje malu onsu abenzelabu kudi mukalenga udi ushala mfumuabu.