1 Samuele 8:5 - MUKANDA WA MYIDI MUKULU

⁵ bamuambila ne: — Wewe Samuwele udi mumane kukulakaja, kadi bana bebe ba balume kabena balonda tshilejilu tshiebe to. Nanku, utupeshe mukalenga udi mua kushala mfumuetu, anu bu mudi bantu ba bisamba bikuabu ne muntu udi ubalombola kashidi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ bakamuambila ne, Tangila, wewe udi muntu mununu, ne bana bebe ba balume kabalu benda mu makasa ebe, nunku utusungile mukelenge wa kuikaleye utulumbulula bu mudi ba bisamba bionso benza.

1 Samuele 8:5 ပူးပေါင်းရင်းမြစ်များ

Dibadika 23:9

Ndi nsomba pa mbuebue, ntangila bantu aba. Ndi pa mikuna, mpuekesha mesu, mbakenketa. Bena Izrayele mbantu ba pa buabu, mbashilangane ne ba bisamba bikuabu.

Bienzedi 13:21

Kadi bankambua betu kulomba mukalenga kudi Mvidi Mukulu. Yeye kubapesha Shawule, muana wa Kishe, wa mu tshisamba tshia Binyamine. Kushalaye mu bukalenga bidimu makumi anayi.

Balombodi 8:22

Malu awu mamane kupita, bena Izrayele kuambila Ngideyone ne: — Wikale mukalenga wetu. Pashishe muanebe ne muikuluebe nebapingane pa muaba webe. Bualu udi mutusungidile kudi bena Madiyane.

1 Samuele 10:19

Kadi mpindiewu, nuenu bena Izrayele, nudi babenga Mvidi Mukulu uvua munupandishe matuku a dikenga ne a kanyinganyinga. Nuenu kumulomba ne: “Tupeshe mukalenga.” Nanku fikayi kumpala kua Maweja-Nangila, balondangane mu bisamba bienu ne mu meku enu.

1 Samuele 12:13

Eyowa, nudi ne mukalenga unuvua basungula. Mukalenga unuvua balombe, Maweja-Nangila, wanupeshiye.

1 Samuele 12:17

Tudi mu tshikondu tshia kunowa ntete ya kuenza bukula, ki mmomu anyi? Ndi musue kulomba Maweja-Nangila, adidishe makubakuba, alokeshe mvula. Nanku nenujadike ne: nudi benzela Maweja-Nangila tshilema tshipite bunene, panudi balomba bua kuikala ne mukalenga.

1 Samuele 12:2

Mpindiewu yeye neandombole. Meme ndi mumane kukola mukalakaje. — Bana banyi ba balume mbamane kukola, munudi amu. — Meme ndi munulombola biangatshile ku buana buanyi too ne mpindiewu.

1 Samuele 9:20

Kadi bua nyama ya mpunde idi mijimine kukadi matuku asatu, kuditatshishi to. Mbamane kuyimona. Kadi mpindiewu, mbimpe umanye muntu udi bena Izrayele bonsu batekemena. Bena Izrayele mbakutekemena anu wewe, batekemena kabidi ne bena nzubu wa tatuebe.