1 Samuele 8:3 - MUKANDA WA MYIDI MUKULU

³ Kadi bana abu, kabawa balonda tshilejilu tshia tatuabu Samuwele to. Bavua ne lukuka lua biuma, bangata mabuejila, bakose bilumbu bia bantu bibi.

Mukanda wa Nzambi Dihungila Dikulukulu ne Dihungila Dihia-dihia 2003

³ Bana bandi ba balume kabakamulonda mu makasa andi, kadi bakasesuka bualu bua lukuka lua biuma, ne bakangata bintu bia mbueshilu, bakandamusha kulumbulula kuakane.

1 Samuele 8:3 ပူးပေါင်းရင်းမြစ်များ

2 Samuele 15:4

Absalome uvua umuambila kabidi ne: — Eyowa, bu meme ndumbuluisha bilumbu mu ditunga edi, bantu bonsu badi batandangana, ne badi ne bilumbu bia kulumbulula, bavua mua kufika nabi kundi. Meme mvua mua kubikosa bimpe.

Misambu 15:5

Udi usombeshangana makuta, kayi ulomba bia kasombela. Udi kayi ne bualu, kena umudila mabuejila. Muenji wa nanku, kakumona diakabi.

Misambu 26:10

Ke bantu badi benzelangana bibi, bindila amu mabuejila.

Ekesode 18:21

Pashishe, usungule bantu ba nsongu badi batshina Mvidi Mukulu munkatshi mua bena Izrayele. Bantu badi bamba malu malelela, babenga mabuejila ubateke bakulu badi ku mutu kua bantu tshinunu, lukama, makumi atanu too ne kua bantu dikumi.

Ekesode 23:6

“Kanupishi muntu nansha yeye muena dikenga ku dikosa dia tshilumbu kumpala kua bandumbulula padiye wamba bulelela.

Ekesode 23:8

Kanuangatshi tshintu tshia mabuejila, bualu tshintu tshia nanku tshidi tshipangisha mulumbuluishi mua kuambaye bulelela. Bualu neabingishe muntu uvua mupile.

Muambi 2:19

Yeye neakuate mudimu bu muena meji, nansha bu mupote anyi? Udi mua kuandamuna lukonku alu nnganyi? Kadi neapete bintu bionsu bimvua musangishe panu ku mudimu umvua mukuate ne ku meji amvua nawu. Bionsu ebi kabiena biumvuika to!

Yeshaya 1:23

Bamfumu benu bakadi bantomboji, badi bumvuangana ne bivi. Badi banyisha mabuejila, basue bonsu bua bantu babasankishe. Kabena bakuila bana ba nshiye ku kabadi! Kabena bateleja mukaji mukamba.

Yeshaya 33:15

— Amu udi ulonda njila mululame, unemeka bantu, wamba malu malelela, ubenga kukengesha bantu bua kupeta biuma, ubenga badi basue kumubuejila. Kena uteleja badi bamukoka ku dishipangana. Kena utangila, wanyisha badi benza bibi.

Mika 3:11

Bakoshi ba nsambu badi balumbuluisha bantu, amu padibu bamane kudia mabuejila. Batuangaji badi balongesha mikenji, amu bua kupeta difutu. Bambi badi bambila bantu malu, amu bamane kupeta makuta. Kadi badi badiamba ne: “Tudi bantu ba Maweja-Nangila! Maweja-Nangila udi netu! Bualu bubi nansha bumue kabuena mua kutukuata.”

Dielulula 16:19

Kanunyangi tshilumbu tshia muntu. Kanubingishi muena tshibawu. Kanuangatshi tshintu tshia mabuejila. Bualu tshintu tshia nanku, tshidi tshiumbusha mulumbuluishi, nansha yeye muntu wa meji, ku ba muanda, tshimutuma ku ba wetu, bua kunyangaye bilumbu bia bantu.

1 Timote 3:3

Kikadi munuavi, nansha musue mvita. Kadi ikale muena bupole, muntu wa disanka, kayi mutshima wa biuma.

1 Timote 6:10

Bualu lukuka lua biuma mmuji wa malu mabi a mishindu yonsu. Banga bantu badi ne lukuka alu, mbapambuke mu njila wa ditaba, mbadikebele makenga mavule.

1 Samuele 12:2

Mpindiewu yeye neandombole. Meme ndi mumane kukola mukalakaje. — Bana banyi ba balume mbamane kukola, munudi amu. — Meme ndi munulombola biangatshile ku buana buanyi too ne mpindiewu.

1 Samuele 2:35

Pashishe meme nendisunguile mutuangaji udi mua kuenza ne muoyi umue tshindi musue. Nemmupeshe ndelanganyi idi mua kuenza mudimu wa butuangaji kashidi kumpala kua mukalenga ungikala musungule.