1 Samuele 8:11 - MUKANDA WA MYIDI MUKULU

¹¹ — Numanye ne: mukalenga washala mfumuenu neanukengeshe mushindu ewu: Munkatshi mua bana benu ba balume, neasungule bena mvita badi mua kuendesha matempu ende a mvita, badi mua kubanda pa nyama yende ya tubalu, nansha badi mua kunyema kumpala kua ditempu diende.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Wakamba ne, Eu newikale mushindu wa mukelenge udi unukokesha: neangate bana benu ba balume, neabateke bu bena makalu andi ne badi benda ha nyima ha nyama yandi ya tubalu; bobo nebalumbile lubilu ku mpala kua dikalu diandi;

1 Samuele 8:11 ပူးပေါင်းရင်းမြစ်များ

2 Samuele 15:1

Pashishe, Absalome kusumba ditempu, ne nyama ya tubalu, kusangisha kabidi bena mvita makumi atanu bavua banyema lubilu kumpala kua ditempu diende.

1 Bakalenga 1:5

Tshikondu atshi Adoniya, muana uvua Davide mulele ne mukajende Agite, uvua nsongalume muimpe mutambe. Adoniya kuakula bu mupinganyi wa mukalenga, wamba ne: “Meme nengikale mukalenga!” Bualu katshia Absalome wafua, Adoniya uvua mushale muanabute wa Davide. Uvua mumane kusumba matempu a mvita ne tubalu. Uvua kabidi ne bena mvita makumi atanu, bavua banyema lubilu kumpala kua matempu ende a mvita.

1 Bakalenga 10:26

Shelomu kusangisha matempu a mvita ne nyama ya tubalu. Uvua ne matempu a mvita tshinunu ne nkama inayi, ne nyama ya tubalu binunu dikumi ne bibidi. Kulamaye tshitupa tshia nyama ya tubalu ayi mu Yerushalayime. Nyama mikuabu kuyabanyabu mu bimenga bivua ne bikumbi Alongolola bua kuyiteka.

1 Bakalenga 12:10

Bansongalume, bena mulongu nende kumuandamuna ne: — Bantu abu badi banyingalala, bualu tatuebe Shelomu uvua ubakengesha bu bapika. Kabidi badi bakulomba bua wewe kubakepeshila dikenga adi. Nanku, ubandamune mushindu ewu: “Munu wanyi wa kantengenene mmunene mupite diboku dia tatu wanyi.

1 Bakalenga 12:4

— Tatuebe Shelomu uvua unkengesha bu bapika. Kadi mpinndiewu, wewe utukepeshile kakese dikenga edi, didi ditutonda bu mudi mutshi wa kuambula nawu bujitu utonda pa makaya, netukuenzele mudimu.

1 Bakalenga 14:27

Pashishe, mukalenga Robowame kuenzeja ngabu mikuabu ya tshiamu tshikunze ya kupingaja pa kuabu bangata ayi. Ngabu ayi, Robowame kuyipesha bamfumu ba bena mvita, bavua balame biibi bia nzubu wa bukalenga.

1 Bakalenga 18:46

Muambi kusuika mukaba wende mu tshimonu bua kuya. Maweja-Nangila kumupa bukole bua bungi. Kunyemaye lubilu kumpala kua ditempu dia Akabe too ne pafikibu mu Yizreyele.

1 Samuele 10:25

Ke Samuwele kubadila bantu bidi bantu ne bua kuenzela mukalenga, ne bidi mukalenga ne bua kuenzela bantu. Kufundaye bionsu abi mu mukanda, kuutekaye mu nzubu wa Mvidi Mukulu. Pashishe kutangalajaye bena Izrayele, kupinganabu kuabu.

1 Samuele 14:52

Matuku onsu avua Shawule mushale mu bukalenga, uvua muluishe bena Peleshete bikole. Nanku misangu yonsu ivua Shawule upeta muntu wa dikima nansha wa mukitshi, uvua umuangata bua kuikalaye muena mvita wende.

1 Samuele 22:7

Ke Shawule kubambila ne: — Nuenu bena Binyamine, telejayi! Muana ewu wa Ishayi, neanupeshe bonsu bintu bindi meme Shawule munupe anyi? Neanupeshe madimi ne mionji ya maluvu a mvinyo anyi? Davide neanuteke balombodi ba bisumbu bia bena mvita bende anyi? Nansha kakese!

1 Samuele 8:9

Nanku itaba bionsu bidibu bakulomba. Kadi ubabela, ubambile patoke, ubaleje malu onsu abenzelabu kudi mukalenga udi ushala mfumuabu.