1 Samuele 7:6 - MUKANDA WA MYIDI MUKULU

⁶ Bena Izrayele kudisangisha ku Mispa. Kusunabu mayi, kuitshikijabu panshi kumpala kua Maweja-Nangila. Kujilabu biakudia dituku adi. Pashishe kutondabu mibi yabu, bamba ne: tuvua batombokela Maweja-Nangila. Nanku, anu ku Mispa aku, Samuwele kutuadija kulombola bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bakadisangisha ku Misepa, bakasuna mai, bakâhongolola ku mesu kua Yehowa, bakajila bia kudia dituku adi, bakamba ne, Tuakuenzela Yehowa bibi. Samuele wakalumbulula Bena Isalele mu Misepa.

1 Samuele 7:6 ပူးပေါင်းရင်းမြစ်များ

Genese 31:49

Labane kuambila kabidi Yakobe ne: — Maweja-Nangila atutentekele patuikala bamane kushiyangana nebe. (Ke kuinyikabu muaba awu dina ne: Mispa, mmomumue ne: kaleya ka mutentekedi.)

2 Samuele 14:14

Tuetu bonsu tudi ne bua kufua. Diba adi tudi anu bu mayi adibu bitshikija panshi, kabayi mua kuaboya kabidi to. Kadi mpindiewu, Mvidi Mukulu kena musue kuenzela Absalome nanku to. Mvidi Mukulu mmumane kulongolola bua Absalome uvuabu bipate apingane pabuipi nende.

1 Bakalenga 8:47

Nanku, mu ditunga dikale bena Izrayele baye mu bupika amu, padibu badiela meji, badikonka, batuadija kukutendelela, bamba ne: ‘Tuvua bakutombokela Maweja-Nangila, benza bibi. Tudi bena tshibawu!’

1 Kulondolola 11:18

Nanku bena mvita bende basatu, kupitshila munkatshi mua mitanda ya bena Peleshete. Kusunabu mayi mu tshiina atshi. Kuyabu kupa Davide. Kadi, Davide kavua musue kunua mayi awu to. Kuitshikijaye panshi bua kualambula Maweja-Nangila,

2 Kulondolola 20:3

Yosafate kumvua bowa, ujinga kukonka Maweja-Nangila. Kuambilaye bena Yuda bonsu bua bajile biakudia.

Nehemya 9:27

Nanku, wewe kubafila mu bianza bia baluishi babu, bavua babakengesha bikole. Kadi pavuabu mu dikenga dinene, bobu kukubikila. Wewe mu diulu, kubateleja. Bu mudi dinanga diebe kadiyi ndekelu, Wewe kutuma bilobu, bua kubasungidila kudi baluishi babu.

Yobe 16:20

Kadi meme ndi mutangile amu kudi Mvidi Mukulu, balunda banyi badi banseka, ndi ne binsonji mesu tente.

Yobe 3:24

Pandi mumvue mua kudia, ndi ntua amu mikemu. Mbila yanyi ya dikenga idi ipatuka mukana, bu mudi mayi apueka amu kupueka.

Yobe 33:27

Udi wimba misambu, wambila bantu bonsu ne: “Mvua muenze bibi. Tshivua mukumbaje mikenji. Kadi Mvidi Mukulu ki mmunnyoke to, mmumfuile luse.

Yobe 40:4

Ndi muntu wa tshianana, tshindi mua kuandamuna kabidi ntshinyi? Ndi mbuikila mukana ne tshianza mpuwa.

Yobe 42:6

Ke pandi ngunwua bundu bua bionsu bimvua muambe. Ndi nyingalala nsomba mu lupuishi ne mu butu.

Misambu 106:6

Tudi benza malu mabi avua batatu betu benze, tudi benza bibi, tudi bapila.

Misambu 119:136

Ndi ndila, binsonji bipueka, pandi mmona bantu kabayi balama mikenji yebe.

Misambu 42:3

Muoyi wanyi udi ne nyota ya Mvidi Mukulu, ya Mvidi Mukulu wa muoyi. Ndiba kaayi dingabuela mu nzubu wa Mvidi Mukulu, bua kumueneka kumpala kuende, kumutendelela.

Misambu 6:6

Meme mufue, tshiakukuvuluka kabidi to. Mu kandondu ka bafue wakutumbisha nnganyi?

Misambu 62:8

Mvidi Mukulu neampandishe. Neampingajile lumu. Yeye ke lubuebue luanyi, muaba undi mua kusokomena.

Yirmeya 31:19

Eyowa, tuvua bakubenge, kadi mpindiewu tudi tunyingalala, bua bubi butuvua benza. Udi mutuleje mutuvua benza bibi. Nanku mpindiewu tudi tudituuta bianza pa tshiadi tudila. Tudi ne bundu, tudi ne kanyinganyinga, bua tshionsu tshituvua benze patutshivua bansonga.”

Yirmeya 36:9

Ebi bivua bienzeke tshidimu tshitanu tshia bukalenga bua Yoyakime, muana wa Yoshiya, mukalenga wa bena Yuda, mu ngondu wa tshitema wa tshidimu atshi. Bavua babikidishe bantu bonsu ba mu Yerushalayime ne bonsu ba mu bimenga bia Yuda, bua bajile biakudia mu ngondu ewu bua kutalaja tshiji tshia Maweja-Nangila.

Yirmeya 9:1

Eyi, bu meme mu tshipela, muaba udi bena luendu bikishila, mvua mua kubenga bantu banyi bena Izrayele, mvua mua kubashiya kashidi. Bualu mbantu batomboke. Bonsu badi amu babenga Maweja-Nangila.

Muadi 2:11

Mesu anyi mmakunze ne muadi. Kanyinganyinga kadi kantonda. Tshiena ne ditekemena kabidi, bualu tshisamba tshianyi ntshibutuke. Bana ba mu maboku badi bafua ne nyota mu misesu ya mu tshimenga.

Muadi 3:49

Mesu anyi adi mpokolu wa mayi adi kaayi akama. Bualu katuena ne dikisha nansha dikese.

Muadi 5:16

Buneme buetu mbujike! Tudi ne diakabi, bualu tuvua benzele Maweja-Nangila bibi.

Yezekiyele 20:4

Nansha wewe anu muntu, udilongolole bua kukosa tshilumbu tshiabu. Kutshinyi to. Ubavuluije malu mabi avua bankambua babu benze.

Osheya 5:1

Telejayi bimpe, nuenu batuangaji, nuenu kabidi bamfumu ba bena Izrayele, ne nuenu bonsu badi basombe mu lubanza lua mukalenga, nuenu ke bavua mua kulumbuluisha bantu bimpe. Kadi, ku Mispa nuvua bateye bantu banyi. Ku mukuna wa Tabore, nuvua nubamuenekela bu bukondu bumana kuela.

Yowele 2:12

Maweja-Nangila udi wamba ne: “Patshidiku diba, pinganayi mpindiewu kundi, ne muoyi wenu mujima. Nujile biakudia, nudile muadi, nuntendelele!

Lewitiki 16:29

“Nuenu bena Izrayele, umvuayi mukenji unudi ne bua kulama kashidi: matuku dikumi a ngondu wa muanda mutekete, nuenu, bana benu ne benyi badi munkatshi muenu, nujile biakudia. Kanuena kabidi mua kukuata mudimu.

Lewitiki 26:40

“Kadi badi bashala ne muoyi abu, nebashishe kujadika muvuabu bangenzele bibi bitambe, ne mudibu, bobu ne bankambua babu, bantombokela.

Luke 15:18

Ndi musue kupingana kudi tatu wanyi, umuambila ne: ‘Tatu wanyi, ndi muenzele Mvidi Mukulu bibi. Ndi mukuenzele ne wewe kabidi.

Yoshua 18:26

Mispa, Kefira, Mosha,

Balombodi 10:10

Kubikilabu Maweja-Nangila bua abambuluishe, bamuambila ne: — Tudi bakuenzele bibi. Bualu tudi bakulekele wewe Mvidi Mukulu wetu, bua kutendelela mvidie Baale.

Balombodi 10:15

Ke bena Izrayele kuamba kabidi ne: — Maweja-Nangila, tudi bamane kuenza bibi. Utuenzele muudi musue. Kadi utusungidile kabidi lelu.

Balombodi 2:4

Mutumibue wa Maweja-Nangila mumane kuambila bena Izrayele malu aa, bena Izrayele kutuadija kudila bonsu.

Balombodi 20:23

Maweja-Nangila kuitaba bua baye kuluangana. Nanku bena mvita ba bena Izrayele kupeta bukole. Kuelabu mualu wa mvita, anu muaba uvuabu bimanyine dituku dikuabu.

Balombodi 20:26

Ke bena Izrayele bonsu kuya ku Betele. Bantu kusomba muaba uvua Maweja-Nangila, bua kudila. Dituku adi kujilabu biakudia too ne ku dilolu. Kulambulabu Maweja-Nangila milambu ya kuosha, ne ya bobumue.

Balombodi 3:10

Mueyelu wa Maweja-Nangila kutulukila Otniyele. Kushalaye mulombodi wa bena Izrayele. Kuyaye kuluangana mvita. Maweja-Nangila kumupesha bukole bua kutshimunaye mukalenga Kushane-Rishatayime.

1 Samuele 1:15

Ane kuandamuna ne: — Tshiena mukuatshika maluvu to. Ndi mukaji muena dikenga. Tshiena munue maluvu to. Ndi mufike muaba ewu bua kukuatshila Maweja-Nangila dikenga dianyi.

1 Samuele 10:17

Samuwele kubikidisha bena Izrayele ku nzubu wa Mvidi Mukulu wa mu Mispa.

1 Samuele 12:10

Bankambua benu kubikila kabidi Maweja-Nangila, bua kubambuluisha, bamuambila ne: “Maweja-Nangila, tudi benze bibi, bualu tuvua bakubenga, bua kutendelela mvidie Baale ne Astarte. Kadi mpindiewu, utusungidileku kudi baluishi betu, netukuenzele mudimu.”

1 Samuele 7:15

Samuwele uvua mushale mulombodi wa bena Izrayele too ne muakafuaye.