1 Samuele 7:10 - MUKANDA WA MYIDI MUKULU

¹⁰ Nanku, patshivua Samuwele ulambula mulambu, bena Peleshete bavua bamane kusemena pabuipi, bua kuluisha bena Izrayele. Kadi Maweja-Nangila kudidisha makubakuba makole. Bena mvita ba bena Peleshete kupapuka bikole ne bowa, bena Izrayele kutshimuna bena Peleshete.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hakatshidi Samuele ufila mulambu wa kuosha, Bena Peleshete bakafika ha buihi bua kuluanganabo ne Bena Isalele; Yehowa wakakunguishila Bena Peleshete mikungulu mikole, wakabatatshisha dituku adi, nunku bakashihibua kudi Bena Isalele.

1 Samuele 7:10 ပူးပေါင်းရင်းမြစ်များ

Misambu 18:15

Kuasaye miketa, utangalaja baluishi banyi, kupenyaye bu muela wa mvula, ubapapula.

Misambu 29:3

Mvidi Mukulu wa lumu udi ukungula. Diyi dia Maweja-Nangila didi diumvuika pa mayi. Maweja-Nangila udi uleja pa mayi manene, mudiye ne bumfumu.

Misambu 29:4

Maweja-Nangila udi wela diyi ne bukole, Maweja-Nangila udi wela diyi ne butumbi.

Misambu 78:66

Maweja-Nangila kukuma baluishi bende, kubipata, kubafuisha bundu kashidi.

Dielulula 28:7

Maweja-Nangila neanuambuluishe bua nutshimune baluishi benu. Pikalabu bavuile njila umue, nebanyeme bapingena mu njila muanda mutekete mishilangane.

Yoshua 10:10

Maweja-Nangila kunyemesha bena Amore kumpala kua bena Izrayele. Bena Izrayele kushipela bena Amore bikole, pabuipi ne tshimenga tshia Ngibone. Bavua benda balondakaja bena Amore mu njila wa kubanda ku Bete-Orone, babipata too ne ku Azeka ne Makeda.

Balombodi 4:15

Barake kutuadija mvita. Maweja-Nangila kunyemesha kumpala kuende Sisra, ne matempu ende a mvita, ne bena mvita bende bonsu. Sisra kushiya ditempu diende dia mvita, kunyema lubilu ku makasa.

Balombodi 5:20

Mu diulu, mitotu kutuambuluisha mu mvita. Pa wayi ilonda njila wayi, ivua iluisha Sisra.

Balombodi 5:8

Bantu bavua basungula mvidie mipiamipia. Katupa kiipi, mvita kutuadija. Kadi bivua bikole bua kupeta ngabu wa mvita, nansha difuma, bua bena Izrayele binunu makumi anayi.

1 Samuele 12:17

Tudi mu tshikondu tshia kunowa ntete ya kuenza bukula, ki mmomu anyi? Ndi musue kulomba Maweja-Nangila, adidishe makubakuba, alokeshe mvula. Nanku nenujadike ne: nudi benzela Maweja-Nangila tshilema tshipite bunene, panudi balomba bua kuikala ne mukalenga.

1 Samuele 14:15

Bena Peleshete bavua bashala mu mitanda, ne bena mutumba nabu bonsu, kutshinabu bena Izrayele bikole. Bena mvita bonsu ba bena Peleshete, ne bavuabu bateke bua kutentekela ditunga, ne bavua bamanye mvita bikole, kutshina bikole, buloba mene kuzakala. Ke bena Peleshete bonsu kupapuka, bikale ne bowa bunene.

1 Samuele 2:10

Maweja-Nangila udi udidisha, makubakuba mu diulu, bua kubutula baluishi bende. Udi mulumbuluishi munene wa buloba bujima. Udi ukolesha mukalenga wa bantu bende mu maboku, udiundisha bukalenga bua udiye musungule.

1 Samuele 7:11

Bena mvita ba bena Izrayele kumuka ku Mispa, kulondakaja bena Peleshete too ne kuinshi kua Bete-Kare, kubashipabu bonsu.