1 Samuele 6:9 - MUKANDA WA MYIDI MUKULU

⁹ Nanku nenumone: pikala ngombe milonde njila udi muye mu ditunga dia bena Izrayele, luseke lua ku Bete-Shemeshe, nenujadike ne: Mvidi Mukulu wa bena Izrayele, ke udi munutumina makenga onsu aa. Kadi pikala ngombe kayiyi milonda njila ewu, netujadike ne: Maweja-Nangila wa bena Izrayele kena mututumina makenga aa to, kadi tudi bapeta makenga aa mu mpukapuka.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Tangilai, ne biayau malulame mu nshila wa ku mukalu wau wa ku Bete-shemeshe, nemmanye ne Nzambi wakatuenzela bualu ebu bubi; kadi biayau mu nshila mukuabo, nemmanye ne tshianza tshiandi katshiakatushiha, kadi bualu buakatukuata ku mpukahuka.

1 Samuele 6:9 ပူးပေါင်းရင်းမြစ်များ

2 Samuele 1:6

Nsongalume kumuambila ne: — Meme mvua mufike ku mukuna wa Ngilbowa mu mpukapuka. Meme kumona Shawule mudishinde pa difuma diende. Bavua bamubambakaja bikole kudi baluishi bende, bavua ne matempu a mvita, ne kudi bavua babanda pa nyama ya tubalu.

1 Bakalenga 4:9

Muana wa Dekere, uvua mu buloba bua Makase, Shalbime, Beteshemeshe ne Elone-Betanane;

2 Kulondolola 25:21

Ke Yowashe, mukalenga wa bena Izrayele, kuya mu mvita. Bena mvita bende kuluangana ne bena mvita ba Amashiya mu ditunga dia bena Yuda, mu tshimenga tshia Bete-Shemeshe.

Ekesode 8:15

Benji ba bilengulengu bamone nanku, kuambilabu mukalenga wa bena Ejipitu ne: — Ebi bidi bienzeka ku bukole bua Mvidi Mukulu. Kadi mukalenga wa bena Ejipitu uvua anu ne tshitunu. Kubengaye diyi dia Moshe ne Arone bu muvua Maweja-Nangila mudianjile kuamba.

Muambi 9:11

Ndi mumone kabidi malu a bungi pa buloba. Bena lubilu lukole kabatu bapita bantu bonsu mu diteta dia kunyema lubilu to. Badi batshimuna mu mvita kabena misangu yonsu bilobu nansha. Badi bimpe pa buloba ki mbena meji to. Badi bapeta biuma ki mbena lungenyi misangu yonsu to. Badi bapeta lumu ki mbadi bamanye malu to. Muntu yonsu udi mua kupeta dikasa dibi.

Yeshaya 26:11

Maweja-Nangila, wewe udi olola tshianza bua kubanyoka, kadi kabena bamona biudi musue kuenza to. Udi ubaluisha bundu, ubanyoka, bua bamone muudi unanga bantu bebe bikole! Kapia kaudi mufundile bena lukuna bebe, kababutule bonsu bungi buabu!

Amosa 3:6

Badi mua kuela mpungi wa mvita mu tshimenga, bantu kabayi bakuatshika bowa anyi? Tshipupu tshidi mua kukuata tshimenga, Maweja-Nangila kayi mutshitume anyi?

Luke 10:31

Kuvua mutuangaji upueka mu mpukapuka ne njila awu. Kumonaye muntu awu, kusesukaye, kuya.

Yoshua 15:10

Mukalu awu uvua ubenda luseke ludi diba dibuelela lua Baala, utangila ku mukuna wa Seyire, upitshila ku mutu kua mukuna wa Metu, udibu binyika kabidi ne: mukuna wa Keshalone, upuekela tshiakabidi ku Bete-Shemeshe, upitshila ku Timna.

Yoshua 21:16

Ashane, Yuta, Bete-Shemeshe. Bimenga bionsu bivua tshitema, kabidi ne mpata ya kudishila bimuna. Bionsu ebi bivua mu buloba bua bena Yuda ne bua bena Shimeyone.

1 Samuele 6:10

Bena Peleshete kuenza bionsu bivuabu babambile. Kuangatabu ngombe ibidi itshivua yamusha bana, kuyisuikabu ku ditempu, kadi kuinjidilabu bana bayi mu tshikumbi.

1 Samuele 6:12

Ngombe kuya buludi, ilonda njila wa ku Bete-Shemeshe, yenda idila, kayiyi yepuka ku dia balume nansha ku dia bakaji. Bamfumu ba bena Peleshete bavua benda balonda ditempu panyima too ne ku mukalu wa Bete-Shemeshe.

1 Samuele 6:3

Batuangaji ne bena Mbuku kuandamuna ne: — Panuikala basue kupingaja mushete wa Mvidi Mukulu wa bena Izrayele, kanuena mua kuupingaja tshianana to. Mbimpe nulambuleku Mvidi Mukulu wa bena Izrayele mulambu wa didia tshibalu. Nanku masama enu neajike. Kabidi nenujadike tshivua Maweja-Nangila ewu unukengeshila anu kunukengesha, kayi ulekela kunuleja bukole buende.