1 Samuele 6:7 - MUKANDA WA MYIDI MUKULU

⁷ Nanku mpindiewu, enzayi ditempu dipiadipia. Nuangate nyama ya ngombe ibidi itshidi yamusha bana mabela, kabayi banji kuenza nayi mudimu. Nuyisuike ku ditempu. Kadi nupingaje bana bayi mu tshikumbi.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nunku nuangate dikalu dihia-dihia, nudilongolole bimpe, nuangate ngombe ibidi idi ne mabele, idi kayiyi mianze kumanya mutshi wa tshikokedi; nusuike ngombe ku dikalu, nuhingishe bana bai mu nsubu wai;

1 Samuele 6:7 ပူးပေါင်းရင်းမြစ်များ

2 Samuele 6:3

Mushete awu uvua pa kakuna, mu nzubu mua Abinadabe. Kuutekabu mu ditempu ditshivua dipiadipia, kuyabu nawu. Uza ne Akiyo, bana ba balume ba Abinadabe, bavua baludika ditempu adi,

1 Kulondolola 13:7

Uvua mu nzubu mua Abinadabe. Kuutekabu mu ditempu dipiadipia divuabu baludika kudi Uza ne Akiyo.

Dibadika 19:2

— Nuambile bena Izrayele ne: nututuadile ngombe mukunze, udi kayi ne bulema, kabidi udibu kabayi banji kuenza nende mudimu.

Dielulula 21:3

bua kujadika tshimenga tshidi pabuipi ne tshitalu tshia muntu awu. Bakulu ba mu tshimenga atshi, nebangate muana mukaji wa ngombe, udi kayi muanji kuambula bujitu.

Dielulula 21:4

Nebaye nende pabuipi ne musulu udi ne mayi apueka amu kupueka, ku mielelu yawu kudibu kabayi banji kudima, nansha kukuna biakudia. Pafikabu ne muana wa ngombe muaba awu, nebamunyongoboje nshingu.