1 Samuele 6:5 - MUKANDA WA MYIDI MUKULU

⁵ Nanku nuenze bintu bidi bileja disama dia mulaka. Nuenze kabidi mpingu ya mpuku idi inyangakaja ditunga dienu. Nutumbishe Mvidi Mukulu wa bena Izrayele. Misangu mikuabu nealekele kunukengesha nuenu, mvidie yenu ne ditunga dienu dijima.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nunku nudifuanyikishile bifuanyikishi bia masungu enu ne bifuanyikishi bia mpuku yenu idi misusule buloba buenu: nenuambike Nzambi wa Isalele butumbi bitabusheye bua kuhehesha tshianza tshiandi kunudi ne kudi nzambi yenu ne ku buloba buenu.

1 Samuele 6:5 ပူးပေါင်းရင်းမြစ်များ

1 Kulondolola 16:28

Bena bisamba bionsu, wayi, nukukuile Maweja-Nangila, imbayi butumbi buende, itabayi ne bumfumu buende.

1 Kulondolola 16:29

Luayi, samunayi Maweja-Nangila. Tualayi milambu, nuye kumpala kuende. Mutuilayi binu, nudiele panshi, padiye uleja mudiye wa tshijila.

Misambu 18:44

Udi mumpandishe mu bianza bia bantu batomboke, munteke mukalenga wa bisamba. Bantu bamvua tshiyi mumanye, bakadi bantumikila.

Misambu 32:4

Bualu dituku dijima, tshianza tshiebe wewe, Maweja-Nangila, tshivua tshinkengesha, tshindamina panshi. Bu mudi mutshi wa matuku a minanga, tshitshivua ne bukole.

Misambu 39:10

Ndi mpuwa, tshiyi mbulula mukana. Bualu wewe ke udi muenze bionsu ebi.

Misambu 66:3

Nuambile Mvidi Mukulu ne: “Biudi muenze mbia dikema! Baluishi bebe badi badiela panshi ne bowa, bualu bukole buebe mbupite!

Ekesode 12:12

“Butuku abu, meme Maweja-Nangila nempitshile mu ditunga dia Ejipitu. Nenshipe bamuanabute bonsu ba bantu ne ba nyama. Kabidi nembutule mvidie idi bena Ejipitu batendelela.

Ekesode 8:17

Kadi pawabenga neakunyoke, akutumine njiji. Neyikale pambidi pebe wewe, pa balombodi ba mu bukalenga buebe ne pa bantu bebe bonsu. Njiji neikale mu ditunga dionsu dia Ejipitu: mu nzubu yonsu ne panshi ponsu.

Ekesode 8:24

Mukalenga wa bena Ejipitu kuandamuna ne: — Nuambi bimpe, ndi nnutekela, nuye kulambula Maweja-Nangila Mvidi Mukulu wenu milambu mu tshipela. Nuatendelelaku bualu buanyi. Kadi kanuyi mutantshi mule to.

Ekesode 8:5

Moshe kuandamuna ne: — Unjadikile dituku diudi musue, nkulombele bua Mvidi Mukulu abutule ndimba idi ikutatshisha wewe ne balombodi ba mu bukalenga buebe, kabidi ne bantu bebe, bua ishale anu mu musulu wa Nile.

Yeshaya 19:1

Badi bamanyisha malu adi atangila “Ejipitu”. Maweja-Nangila ukadi ufika mu Ejipitu, muimane pa divuba didi diya lukasa. Mvidie ya tshianana ya mu Ejipitu, neizakale kumpala kuende. Bena Ejipitu nebatekete mu maboku.

Yeshaya 42:12

Bantu badi base kule, batumbishe Maweja-Nangila, bamusamune ne meyi makole!

Yirmeya 13:16

Nemekayi Maweja-Nangila Mvidi Mukulu wenu. Tshianana nennutumine miidima, bua nuenu kutetuka pa mikuna, kuenda mu miidima inuvua kanuyi bindile, batekemena munya. Maweja-Nangila kuandamuna butuku, kunutumina miidima, bu mavuba a mvula wa tshipupu.

Yirmeya 3:13

Kadi utonde bubi buebe, bualu uvua muntombokele meme, Maweja-Nangila Mvidi Mukulu webe. Uvua muye miaba yonsu kudi mvidie ya bisamba bikuabu. — Wewe kuikisha muinshi mua mitshi yonsu ivua ne dileji dia bungi. — Kuena munteleje to. Ke miaku ya Maweja-Nangila.

Yowele 2:25

Maweja-Nangila udi wamba ne: “Nennupingajile bintu bienu, biwabu badie kudi meshi, mintuntu, ne mpasu ya mikumbi, bimvua munutumine bisumbu ne bisumbu bua kunukengesha.

Yona 3:9

Bumue Mvidi Mukulu udi mua kushintulula meji ende, kutuyisha tshiji tshiende tshinene, tushale ne muoyi.”

Malaki 2:2

— Nunteleje, nunnemeke, tshianana nennukengeshe. Diakalenga dimvua munulaye nediandamuke diakabi. Bulelela nengenze nanku, bualu kanuena nuangata mikenji yanyi ne mushinga.

Dibadika 33:4

Ke bena Ejipitu kushisha kujika bitalu bia bamuanabute babu, bavua Maweja-Nangila mushipe bonsu. Ke muvua Maweja-Nangila muleje bukole buende kudi mvidie ya bena Ejipitu nanku.

Yowanane 9:24

Baparushe kubikila muntu uvua mpofu awu tshiakabidi, kumuamba ne: — Uditshipe kumpala kua Mvidi Mukulu bua kuamba malu malelela. Tuetu tudi bamanye ne: muntu ewu udi muenji wa malu mabi.

Yoshua 7:19

Yoshuwa kumuambila ne: — Mulunda wanyi, umanye bukole bua Maweja-Nangila Mvidi Mukulu wa bena Izrayele. Ungambile bushiwa. Unjadikile tshiuvua muenze, kushimi to.

Didimanyisha 11:13

Diba adi, tshikumina tshikole kuenzeka. Tshia dikumi tshia tshimenga kupuka. Bantu binunu muanda mutekete kufua ku tshikumina atshi. Bavua bashale ne muoyi kutshina bikole. Kutumbishabu Mvidi Mukulu wa mu diulu.

Didimanyisha 14:7

Uvua wamba ne diyi dikole ne: “Tshinayi Mvidi Mukulu, mutumbishayi! Bualu diba didiye ulumbuluisha bantu ndimane kukumbana. Kukuilayi Mufuki wa diulu, wa buloba, wa mayi manene, ne wa mpokolu ya mayi.”

Didimanyisha 16:9

Munya kuosha bantu bikole. Ke bantu kusendeka dina dia Mvidi Mukulu uvua ulongolola bipupu ebi. Kadi kabavua badilengeja, kabavua batumbisha Mvidi Mukulu to.

1 Samuele 5:11

Pashishe, bobu kabidi kubikidisha bamfumu ba bena Peleshete, kubambila ne: — Pingajayi mushete wa Mvidi Mukulu wa bena Izrayele anu mu ditunga diawu, tshianana nebibutuke bonsu. Bantu kupapukabu bikole mu tshimenga atshi. Bualu Maweja-Nangila uvua mubaleje kabidi bukole buende.

1 Samuele 5:9

Kadi, amu mushete ufika mu Ngate, Maweja-Nangila kuleja bena mu tshimenga atshi bukole buende. Kupapukabu bikole. Bena tshimenga atshi bonsu, bantu bakole ne bana batekete, kupetabu disama dia mulaka.

1 Samuele 6:8

Nuangate mushete, nuuteke pa ditempu apu. Bintu bia tshiamu tshia mpawungi binudi nulambula Mvidi Mukulu bua mulambu wa didia tshibalu, nubiteke mu kashete, kanudi nuteka ku luseke lua mushete wa Maweja-Nangila. Pashishe nulekele ngombe ayi, idiyile nkayayi ne ditempu.