1 Samuele 6:4 - MUKANDA WA MYIDI MUKULU

⁴ Bena Peleshete kukonka ne: — Kadi mulambu wa didia tshibalu utudi mua kulambula ngua mushindu kaayi? Batuangaji ne bena mbuku kuandamuna ne: — Bilondeshile bungi bua bamfumu ba bena Peleshete, nulambule Maweja-Nangila bintu bitanu bia tshiamu tshia mpawungi, bileja disama dia mulaka, kabidi ne mpuku itanu ya tshiamu tshia mpawungi. Bualu tshipupu tshidi tshinukuata nuenu ne bamfumu benu, tshidi anu tshimue, kabidi tshia mushindu umue.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bakabakonka ne, Netumutekelehu mulambu kai? Bakabakudimuna ne, Bifuanyikishi bia or bitanu bia masungu ne bifuanyikishi bia or bitanu bia mpuku bu bungi bua hakelenge ba Bena Peleshete, bualu bua dikenga diodimue diakanukuata ne bakelenge benu.

1 Samuele 6:4 ပူးပေါင်းရင်းမြစ်များ

Ekesode 12:35

Bena Izrayele kulomba bena Ejipitu bilamba ne bintu bienza ne tshiamu tshia mpawungi nansha ne tshiamu tshitoke tshia mushinga mukole bu muvua Moshe mumane kubambila.

Yoshua 13:3

mmumue ne: ditunga didibu batangila bu dia bena Kenaane, biangatshile ku musulu wa Shikore, ku mikalu ne Ejipitu, too ne ku ditunga dia Ekrone ku mutu wa ditunga. Ke mudi bakalenga batanu ba bena Peleshete. Bimenga biabu binene bia bukalenga: ke Ngaza, Asdode, Askalone, Ngate ne Ekrone. Mudi kabidi ditunga dia bena Avi,

Balombodi 14:19

Pashishe, Mueyelu wa Maweja-Nangila kutulukila Shimeshone. Kuyaye ku Askalone. Kushipaye bantu balume makumi asatu. Kuangataye bilamba biabu, kubipesha bansongalume bavua bandamuna muanu. Ke Shimeshone kupingana kudi tatuende ne tshiji tshikole.

Balombodi 3:3

Bantu bavua Maweja-Nangila mushiye mu ditunga, ke bena makalenga atanu a bena Peleshete, bena Kenaane bonsu, bena Sidone, ne bena Ivi bavua base mu mikuna ya Lebanone, biangatshile ku mukuna wa Baale-Ermone, too ne ku Lebo-Amate.

1 Samuele 5:12

Bantu bavua kabayi bafue, kupetabu disama dia mulaka. Muadi wa dikenga diabu kufika ne mu diulu.

1 Samuele 5:6

Maweja-Nangila kukengesha bena mu tshimenga tshia Asdode bikole bipite, bua kubaleja bukole buende. Bobu ne bena mutumba babu, kubakuatshishaye bowa, kubatua disama dia mulaka.

1 Samuele 5:9

Kadi, amu mushete ufika mu Ngate, Maweja-Nangila kuleja bena mu tshimenga atshi bukole buende. Kupapukabu bikole. Bena tshimenga atshi bonsu, bantu bakole ne bana batekete, kupetabu disama dia mulaka.

1 Samuele 6:5

Nanku nuenze bintu bidi bileja disama dia mulaka. Nuenze kabidi mpingu ya mpuku idi inyangakaja ditunga dienu. Nutumbishe Mvidi Mukulu wa bena Izrayele. Misangu mikuabu nealekele kunukengesha nuenu, mvidie yenu ne ditunga dienu dijima.

1 Samuele 6:8

Nuangate mushete, nuuteke pa ditempu apu. Bintu bia tshiamu tshia mpawungi binudi nulambula Mvidi Mukulu bua mulambu wa didia tshibalu, nubiteke mu kashete, kanudi nuteka ku luseke lua mushete wa Maweja-Nangila. Pashishe nulekele ngombe ayi, idiyile nkayayi ne ditempu.