1 Samuele 6:19 - MUKANDA WA MYIDI MUKULU

¹⁹ Kadi Maweja-Nangila kunyoka bena tshimenga tshia Bete-Shemeshe, bualu bavua batangila mushete wa tshijila. Kushipaye bantu balume makumi muanda mutekete munkatshi muabu. Nanku bantu bavua bashala, kuenzabu madilu, bualu Maweja-Nangila uvua mubanyoka bikole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nzambi wakabutula Bena Bete-shemeshe bualu bua bobo bakatangila munda mua mushete wa Yehowa, wakashiha bantu binunu makumi atanu ne makumi muanda mutekete: bena musoko bakadila muadi bualu bua Yehowa wakashiha bantu ba bungi ne kushiha kukole.

1 Samuele 6:19 ပူးပေါင်းရင်းမြစ်များ

2 Samuele 6:7

Nanku Maweja-Nangila kufikila Uza munda bikole. Kumushipaye, anu muaba awu, bua bualu buvuaye muenze, kayi muanji kuela meji. Uza kufuila muaba awu, pabuipi ne mushete wa tshijila.

2 Kulondolola 25:21

Ke Yowashe, mukalenga wa bena Izrayele, kuya mu mvita. Bena mvita bende kuluangana ne bena mvita ba Amashiya mu ditunga dia bena Yuda, mu tshimenga tshia Bete-Shemeshe.

Ekesode 19:21

Maweja-Nangila kumuambila ne: — Tuluka, ubele bantu ne: kabasemenyi pabuipi ne mukuna bua kummona. Bualu bobu benze nanku, bavule ba kudibu nebafue.

Ekesode 33:4

Bena Izrayele bumvua miaku eyi mikole ya matandu, kudilabu bikole. Kuvualabu bilamba bia dibungama.

Dibadika 1:51

Panudi numuangala, amu bena Levi nebatulakaje nzubu wa tshijila awu, bua kuya kumuasa kabidi muaba unudi nuya. Kadi muntu mukuabu mufike pabuipi ne nzubu wa tshijila awu, nebamushipe.

Dibadika 4:15

Diba dia luendu, anu Arone ne bana bende ba balume bamane kubuikila bintu bia tshijila, ke bena Kekate kushisha kuambula bintu bia tshijila abi bua kuya nabi. Nanku, bena Kekate kabena ne bua kulenga bintu bia tshijila abi ne bianza to, bualu badi mua kufua. Nanku mudimu wa bena Kekate mu ntenta wa kusambakena ngwa kuambula bintu bia tshijila.

Dibadika 4:18

— Nulame bena Kekate bimpe bua bashale ne muoyi munkatshi mua bena Levi bakuabu.

Dibadika 4:20

Nanku bena Kekate kabamonyi tshintu tshia tshijila nansha katupa ka diba to. Bobu batshimone nanku, nebafue.

Kolose 2:18

Kanuteleji muntu udi unudiwula, wamba ne: meme ndi ndipuekesha, ndi ntendelela batumibue; Mvidi Mukulu udi undeja malu. Muntu wa nanku udi uditambisha patupu, wela amu meji a bantu.

1 Petro 4:17

Tshikondu ntshifike tshidi Mvidi Mukulu utuadija kulumbuluisha bantu. Neadianze kulumbuluisha bantu bende. Kadi padiye ubanga kutulumbuluisha tuetu nanku, ku ndekelu badi babenga kuitaba Lumu lua Disanka neabenzele tshinyi?