1 Samuele 6:14 - MUKANDA WA MYIDI MUKULU

¹⁴ Ditempu difika mu budimi bua Yoshuwa, muena mu Bete-Shemeshe, kuimanadi mu budimi amu, pabuipi ne dibue dinene. Bena tshimenga kukosolola mabaya a ditempu adi bitupa, bua kuenza nkunyi. Pashishe, kulambulabu Maweja-Nangila ngombe ayi bu mulambu wa kuosha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Dikalu diakalua mu budimi bua Yoshua, Muena Bete-shemeshe, diakimana ku dibue dinene; bobo bakahanda mabaya a dikalu, bakafila ngombe kudi Yehowa bu mulambu wa kuosha ha kahia.

1 Samuele 6:14 ပူးပေါင်းရင်းမြစ်များ

2 Samuele 24:18

Anu dituku adi, muambi Ngade kuya kudi Davide, umuambila ne: — Uye muaba udi Aravna ushipula ntete ya kuenza bukula, washilapu Maweja-Nangila tshilambuilu.

2 Samuele 24:22

Aravna kuandamuna ne: — Mukalenga wanyi, angata bintu bionsu biudi musue, ulambule Mvidi Mukulu mulambu. Angata yanyi ngombe ya mulambu, nyoyi eyi. Wangate kabidi matempu ne bintu bia kushipula nabi bua wewe kutemesha nabi kapia.

2 Samuele 24:25

Davide kuasa tshilambuilu muaba awu. Kulambulaye Maweja-Nangila milambu ya kuosha ne ya bobumue. Nanku, Maweja-Nangila kufuila bena ditunga luse. Tshipupu tshia disama tshivua tshibakengesha kujikatshi.

1 Bakalenga 19:21

Elisha kupingana ku budimi buende. Muaba awu, kuangataye ngombe yende ibidi, ivuaye ukuata nayi mudimu, kuyilambulaye. Kuangataye ditempu, kukuatshisha nadi kapia bua kulamba munyinyi. Bantu bavua muaba awu, kubapeshaye munyinyi awu, kudiabu. Pashishe, Elisha kulonda Eliya, kushala muena mudimu wende.

Ekesode 20:24

Kadi nungenzele tshilambuilu tshibaka ne buloba. Pa mutu patshi nundambuilepu milambu ya kuosha ne ya ditua ndondu, nusungula munkatshi mua ngombe, mbuji ne mikoku yenu. Miaba yonsu indi mumuambile bua nuenu kuntendelela, nengikale munkatshi muenu bua kunuela lupemba.

Balombodi 21:4

Butshia dinda, bena Izrayele kuasa tshilambuilu muaba awu. Kulambulabu milambu ya kuosha, ne ya bobumue.

Balombodi 6:26

Ku lusongu lua mukuna ewu, washilaku Maweja-Nangila Mvidi Mukulu webe tshilambuilu tshienza bimpe. Wangata ngombe mulume, umulambule bu mulambu wa kuosha. Kadi kapia kaudi osha naku mulambu awu, kikale ka nkunyi ya ku dikunji dia kutendelela mvidie diuvua muupule.

1 Samuele 11:5

Shawule utshivua ufumina ku madimi ne ngombe yende. Kukonkaye tshivua bantu bonsu badidila. Kumuambilabu bionsu bivua bena Yabeshe bamba.

1 Samuele 20:29

“Yonatane, ndi nkulomba bua meme kuya ku Betleyeme. Tudi ne mulambu ne bena nzubu wetu. Mukuluanyi mmutumine diyi bua ngikale muaba awu. Pangikala mulunda webe, wanyisha bua meme kuya ku Betleyeme bua kumonangana ne bana betu.” Ke padi Davide kayi mufike ku biakudia bia tshibilu biudi mulongolole mu nzubu muebe.

1 Samuele 6:13

Bena tshimenga bavua mu budimi, banowa ntete ya kuenza bukula. Kumonabu mushete wa tshijila kule, kusankabu bikole.

1 Samuele 6:18

Kadi, mpuku ya tshiamu tshia mpawungi ivua bungi bupite, bilondeshile bungi bua bimenga bidi ku bumfumu bua bamfumu batanu ba bena Peleshete. — Nanku dibue dinene divu mu budimi bua Yoshuwa, muena mu Bete-Shemeshe, muaba uvuabu bateka mushete wa Maweja-Nangila, ditshidipu too ne mpindiewu, bua bantu bikale bavuluka bualu ebu.