1 Samuele 5:7 - MUKANDA WA MYIDI MUKULU

⁷ Bantu bamona bionsu abi, kuambabu ne: — Katuena basue bua mushete wa tshijila wa Mvidi Mukulu wa bena Izrayele ushale muetu munemu to. Mvidi Mukulu watuleji tuetu ne mvidie wetu Dagone mudiye ne bukole.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Hakatangila Bena Ashedodo ne bualu budi nunku, bakambilangana ne, Mushete wa Nzambi wa Isalele kaushadi kutudi, bualu bua tshianza tshiandi tshiakulua bujitu hamʼbidi hetu ne ha Dagona, nzambi wetu.

1 Samuele 5:7 ပူးပေါင်းရင်းမြစ်များ

2 Samuele 6:9

Dituku adi, Davide kutshina Maweja-Nangila, wamba ne: — Tshiena mua kuya ku nzubu kuanyi ne mushete wa Maweja-Nangila to!

1 Kulondolola 15:13

Musangu wa kumpala kanuvuapu. Ke pavua Maweja-Nangila Mvidi Mukulu wetu mutunyoke ne dinyoka dia lufu. Bualu katuvua balonde bulongolodi budiye musue.

Ekesode 10:7

Balombodi ba mu bukalenga kukonka mukalenga wa bena Ejipitu ne: — Muntu ewu neanyange ditunga dietu too ne ku diba kayi? Lekela bena Izrayele, baye kutendelela Maweja-Nangila Mvidi Mukulu wabu, bualu ditunga dia Ejipitu didi mua kubutuka!

Ekesode 12:33

Bena Ejipitu kuipata bena Izrayele mu ditunga diabu bamba ne: “Umukayi lukasa, bualu tudi mua kubutuka.”

Ekesode 8:28

Kadi mukalenga wa bena Ejipitu kuenza kabidi tshitunu. Kena muanyishe bua bena Izrayele bumuke to.

Ekesode 8:8

Moshe ne Arone kushiyangana ne mukalenga wa bena Ejipitu. Moshe kutendelela Maweja-Nangila bua umushe ndimba iwaye mutumine mukalenga wa bena Ejipitu.

Ekesode 9:28

Numulombe: alekele kulokesha mvula wa makubakuba ne mabue, bualu mbimane kuntonda. Nennulekele, nuye. Tshiena nnulama kabidi to.

Yirmeya 46:25

Maweja-Nangila wa bukole buonsu Mvidi Mukulu wa Izrayele udi wamba ne: “Nennyoke Amone, mvidie wa mu Tebe, nennyoke Ejipitu ne mvidie yende ne bakalenga bende. Nennyoke mukalenga wa bena Ejipitu ne bena diende.

Yirmeya 48:7

Mowabe, wewe udi udimona ne bukole, ne bintu bia bungi. Kadi nebakukuate wewe kabidi! Kemoshe, mvidie webe, neaye mu ditunga dia bende mu bupika, kabidi ne batuangaji bebe, ne balombodi ba mu bukalenga buebe.

1 Samuele 4:8

Eyowa tudi bena diakabi! Nganyi udi mua kutusungidila kudi Mvidi Mukulu ewu wa bukole, uvua mukengeshe bena Ejipitu ne bipupu bia mishindu ne mishindu mu tshipela?

1 Samuele 5:6

Maweja-Nangila kukengesha bena mu tshimenga tshia Asdode bikole bipite, bua kubaleja bukole buende. Bobu ne bena mutumba babu, kubakuatshishaye bowa, kubatua disama dia mulaka.

1 Samuele 5:8

Bena Asdode, kubikidisha bamfumu batanu ba bena Peleshete, kubakonka ne: — Mushete wa tshijila wa Mvidi Mukulu wa bena Izrayele tuenze nawu tshinyi? Bamfumu kuandamuna ne: — Wambulayi, nuye nawu mu tshimenga tshia Ngate. Nanku kuyabu ne mushete awu mu tshimenga tshia Ngate.

1 Samuele 6:20

Pashishe bantu abu kuamba ne: — Muntu nansha umue kena mua kuimana kumpala kua Maweja-Nangila Mvidi Mukulu ewu wa tshijila. Kadi mmuaba kaayi utudi mua kuya kushiya mushete wende wa ndondu, mutantshi mule ne ditunga dietu?