1 Samuele 5:4 - MUKANDA WA MYIDI MUKULU

⁴ Butshia kabidi, kusanganabu lupingu alu ludishinda kabidi panshi, kumpala kua mushete wa tshijila. Kadi luvua lushala amu tshitumpampa, mutu walu ne bianza bivua bituka, bimata panshi mu mushiku wa nzubu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Hakatshiabu hakabikabo, bakasangana Dagona mudishinde mutue mpala hanshi ku mpala kua mushete wa Yehowa; mutu wa Dagona ne bianza biandi bibidi biakadi bikoseke bimate hanshi ku tshibuelelu; anu tshitumpampa tshia Dagona tshiakadi tshishale.

1 Samuele 5:4 ပူးပေါင်းရင်းမြစ်များ

Yeshaya 27:9

Kadi mpindiewu, monayi, bubi bua bena Izrayele nebujimine; nebalekele bilema biabu. Nebatshibule mabue onsu a ku tshilambuilu, baazaza bu mabue a lupemba. Kabena basa kabidi makunji a kutendelela mvidie, nansha bioshelu bia manananshi.

Yeshaya 40:20

Kadi muntu mupele menemene, udi kayi mua kukumbaja mushinga wa lupingu, udi usungula mutshi, udi kauyi mudie kudi bishi. Pashishe udi ukeba muena mudimu muimpe, udi mumanye mua kusonga lupingu, ludi luimane bimpe, kaluyi lutenkakana.

Yirmeya 10:11

Nuambile bena Izrayele ne: mvidie eyi yonsu, idi kayiyi mifiike nansha diulu nansha buloba, neyijimine pa buloba. Kayena ne muaba kabidi muinshi mua diulu to.

Yirmeya 10:14

Bantu bonsu badi bapuwa muaba awu bazakala, kabayi bumvua bualu. Bansenda bavua benza mpingu, bumvua bundu bua mpingu ivuabu bafule, bualu mpingu eyi ivua ibadinga. Kayena yeyela nansha kakese.

Yirmeya 10:15

Mpingu ayi idi bu lupepele. Bantu mbenze mudimu wa tshidimudimu patupu. Yonsu neyijimine, padi Maweja-Nangila ulumbuluisha bantu.

Yirmeya 50:2

Numanyishe bantu bonsu lumu elu: Nuambile bantu bonsu bidi bienzeka. Kanusokoki bualu nansha bumue! Eyowa, baluishi nebakuate Babilone. Mpingu yende neifue bundu! Mvidie yende ya dishima neyizakale! Eyowa Bele neafue bundu! Marduke neazakale.

Danyele 11:8

Neapingane mu Ejipitu ne bintu biapawulaye: mpingu ya mvidie ya bena ditunga, kabidi ne malonga a mushinga mukole a tshiamu tshia mpawungi ne a tshiamu tshitoke tshia mushinga mukole, avuabu bajidile mvidie ayi. Papita bidimu bia bungi kabayi baluangana mvita,

Mika 1:7

Mpingu yende yonsu nebayishimbule. Neboshe bintu bia disanka bivuaye mupete. Nentshibule mpingu ya mvidie yende yonsu bitupa, bualu uvua musumbe bintu ebi bionsu, ne makuta avuabu bamufuta mu buendenda. Bionsu abi nebabiangate, bua kufuta bena buendenda bakuabu.”

1 Samuele 6:5

Nanku nuenze bintu bidi bileja disama dia mulaka. Nuenze kabidi mpingu ya mpuku idi inyangakaja ditunga dienu. Nutumbishe Mvidi Mukulu wa bena Izrayele. Misangu mikuabu nealekele kunukengesha nuenu, mvidie yenu ne ditunga dienu dijima.