1 Samuele 5:10 - MUKANDA WA MYIDI MUKULU

¹⁰ Nanku kuyabu ne mushete mu tshimenga tshia Ekrone. Kadi mushete ufika mu tshimenga tshia Ekrone, bena mu tshimenga baumone, kuelabu bibingu bikole, bamba ne: — Mbafike ne mushete wa Mvidi Mukulu wa bena Izrayele muetu munemu bua kutubutula bonsu!

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nunku bobo bakatuma mushete wa Nzambi ku Ekelona. Hakaluabo ne mushete wa Nzambi ku Ekelona, Bena Ekelona bakadila ne, Bakalua ne mushete wa Nzambi wa Isalele kutudi bua kutubutuisha ne bana betu kabidi.

1 Samuele 5:10 ပူးပေါင်းရင်းမြစ်များ

2 Samuele 7:9

Meme kukuambuluisha mu midimu yebe yonsu. Meme kubutula baluishi bebe bonsu bavua kumpala kuebe. Nenkupeteshe lumu lunene. Newikale mumanyike bu mudi bakalenga banene bonsu badi bamanyike bikole pa buloba.

2 Bakalenga 1:2

Dituku dikuabu, mukalenga Akaziya uvua mu tshibambalu tshia nzubu wende wa bukalenga wa tshilalakulu, uvua mu tshimenga tshia Samariya, kukulukaye pa dididishi, kudishinda, kutapikaye bikole. Bualu bua njiwu ayi, mukalenga Akaziya kutuma bantu mu tshimenga tshia Ekrone, bua kukonkamu mvidie Baale Zebube ne: nengumvue bimpe anyi?

1 Kulondolola 7:21

Zabade ne Shutela. Bana ba balume bakuabu babidi ba Efrayime, Ezere ne Elade, bavua bakeba mua kunyenga bena Ngate bimuna biabu. Kadi bena Ngate aba kubashipa.

Amosa 1:8

Nenshipeshe mukalenga wa mu Asdode. Nenduishe mukalenga wa mu Askalone. Nenduishe bikole badi basomba mu Ekrone. Bena Peleshete bonsu nebafue. Meme Maweja-Nangila ndi njadika nanku.”

Amosa 6:2

Nuanji kuya ku Kalne, numone bivua bienzekaku. Pashishe nupitshile ku tshimenga tshinene tshia Amate. Nutungunuke too ne ku Ngate, tshimenga tshia bena Peleshete. Nenujadike ne: kanuena nupita makalenga aa nansha, nansha buloba buawu buikale bushadile ku buenu.

Yoshua 13:3

mmumue ne: ditunga didibu batangila bu dia bena Kenaane, biangatshile ku musulu wa Shikore, ku mikalu ne Ejipitu, too ne ku ditunga dia Ekrone ku mutu wa ditunga. Ke mudi bakalenga batanu ba bena Peleshete. Bimenga biabu binene bia bukalenga: ke Ngaza, Asdode, Askalone, Ngate ne Ekrone. Mudi kabidi ditunga dia bena Avi,

Yoshua 15:11

Uvua utungunuka, uya ku luseke lua kumutu lua tshimenga tshia Ebrone, ubenda mutangile ku Shikarone, utungunuka, upitshila ku mukuna wa Baala, uya ku Yabne, pashishe utua makasa ku Mayi manene a pankatshi pa matunga, wimana.

Yoshua 15:45

Kuvua kabidi tshimenga tshia Ekrone, tshisangisha pamue ne miaba ne misoku ivua natshi mutumba.

Balombodi 1:18

Bena Yuda kukuata kabidi bimenga ebi: Ngaza, Askalone, Ebrone, ne misoku ivua nabi pabuipi.

1 Samuele 17:52

Bena mvita ba bena Izrayele ne ba bena Yuda kuela mbila ya mvita, kulondakaja bena Peleshete too ne mu mushiku wa tshimenga tshia Ngate, ne tshia Ekrone. Bitalu bia bena Peleshete bivua bitangalake panshi mu njila wa ku Sharayime, too ne ku tshimenga tshia Ngate ne tshia Ekrone.

1 Samuele 5:11

Pashishe, bobu kabidi kubikidisha bamfumu ba bena Peleshete, kubambila ne: — Pingajayi mushete wa Mvidi Mukulu wa bena Izrayele anu mu ditunga diawu, tshianana nebibutuke bonsu. Bantu kupapukabu bikole mu tshimenga atshi. Bualu Maweja-Nangila uvua mubaleje kabidi bukole buende.

1 Samuele 5:9

Kadi, amu mushete ufika mu Ngate, Maweja-Nangila kuleja bena mu tshimenga atshi bukole buende. Kupapukabu bikole. Bena tshimenga atshi bonsu, bantu bakole ne bana batekete, kupetabu disama dia mulaka.

1 Samuele 6:1

Mushete wa tshijila wa Maweja-Nangila kushala mu ditunga dia bena Peleshete ngondu muanda mutekete.