1 Samuele 4:9 - MUKANDA WA MYIDI MUKULU

⁹ Bena Peleshete, jukayi, koleshayi muoyi, tudi bantu balume. Tuetu batekeshe mu maboku, netushale bapika ba bena Ebrewu, bu muvuabu bapika betu. Koleshayi muoyi, tuba-luishayi”!

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nuenu Bena Peleshete, koleshai mitshima, nutantamane bu balume mene, bua nuenu kanuikadi bahika ba Bena Ebelu bu muakadibo bahika benu; nutantamane bu balume mene, nuluangane bikole.

1 Samuele 4:9 ပူးပေါင်းရင်းမြစ်များ

2 Samuele 10:12

Nanku kolesha muoyi, tuluangane mvita eyi ne dikima, bua tusungidile bana betu bena Izrayele, ne bimenga bia Mvidi Mukulu wetu. Maweja-Nangila enza mudiye musue.

Yeshaya 14:2

Bantu ba mu bisamba bikuabu nebambuluishe bena Izrayele, nebabafile kuabu. Mu buloba bua Maweja-Nangila, bena Izrayele nebadiangatshile bantu aba balume ne bakaji bu bapika babu. Bantu bavua babela mu lukanu, bena Izrayele nebabele kabidi mu lukanu. Nebashale bamfumu ba bantu bavua babatumina diyi.

Yeshaya 33:1

Wewe munyangi wa bintu bionsu, udi muena diakabi, bualu kabavua bakunyange wewe nenku to. Udi welela bakuabu tshitungu, padibu kabayi bakuelela wewe tshitungu! Pawamana kulekela kubutula bakuabu, nebakubutule ne wewe kabidi. Pawamana kutungila bakuabu tshitungu, nebakutungile ne wewe kabidi.

1 Korente 16:13

Tabalayi, shindamayi bikole mu ditaba. Kolayi muoyi. Nuikale ne bukitu.

Balombodi 10:7

Nanku Maweja-Nangila kufikila bena Izrayele munda. Kubafilaye mu bianza bia bena Peleshete ne bena Amone.

Balombodi 13:1

Bena Izrayele kuenza kabidi malu mabi avua Maweja-Nangila ubenga. Nanku Maweja-Nangila kubafila mu bianza bia bena Peleshete bidimu makumi anayi.

1 Samuele 14:21

Nanku, bena Ebrewu bakuabu bavua babuele kale ku bumfumu bua bena Peleshete, kudisangisha ne bena Izrayele luseke luvua Shawule ne Yonatane.

1 Samuele 4:8

Eyowa tudi bena diakabi! Nganyi udi mua kutusungidila kudi Mvidi Mukulu ewu wa bukole, uvua mukengeshe bena Ejipitu ne bipupu bia mishindu ne mishindu mu tshipela?