1 Samuele 4:18 - MUKANDA WA MYIDI MUKULU

¹⁸ Muntu uvua wakula awu utela amu mushete wa tshijila, ke mutuangaji Eli uvua musombe mu nkuasa, kudishinda tshiadi mulu ku tshiibi tshia nzubu wa Mvidi Mukulu. Kutshibuka nshingu, kufuaye. Bualu uvua ne bujitu bua bungi, mumane kukulakaja. Mutuangaji Eli uvua mulombola bena Izrayele bidimu makumi anayi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Hashishe, hakambeye dî bua mushete wa Nzambi, Eli wakadishinda bualame ku mpenge kua tshibi, nshingu wandi waka tshihuka, wakafua, bualu bua yeye wakadi muntu mununu ne wa bujitu. Wakamana kulumbulula Bena Isalele bidimu makumi anai.

1 Samuele 4:18 ပူးပေါင်းရင်းမြစ်များ

Misambu 26:8

Maweja-Nangila, ndi mumanye nzubu uudi musombe, muaba uudi utuleja lumu luebe.

Misambu 42:10

Nenkonke Mvidi Mukulu, lubuebue luanyi ne: “Udi mumpue muoyi bua tshinyi? Ndi nkenga, tshiyi ne dikisha, bualu kaayi? Mudi baluishi banyi bankengesha nenku mbishi?”

Misambu 42:3

Muoyi wanyi udi ne nyota ya Mvidi Mukulu, ya Mvidi Mukulu wa muoyi. Ndiba kaayi dingabuela mu nzubu wa Mvidi Mukulu, bua kumueneka kumpala kuende, kumutendelela.

Misambu 69:9

Nkadi muenyi munkatshi mua bena diku dietu, nansha bana ba tatu mene kabatshiena bammanye.

Lewitiki 10:3

Nanku Moshe kuambila Arone ne: — Ke muvua Maweja-Nangila mumane kukudimuka, pawaye wamba ne: “Bonsu badi bangenzela mudimu, badi ne bua kunnemeka, bualu ndi wa tshijila. Bantumbishe, bantu bonsu batangile.” Arone kushala mupuwa.

Balombodi 15:20

Shimeshone uvua mushale mulombodi wa bena Izrayele bidimu makumi abidi, mu tshikondu tshivua bena Peleshete ne bumfumu.

1 Samuele 4:13

Mutuangaji Eli uvua ku mpenga kua njila, musombe mu nkuasa wende. Uvua muindile, upampakana bikole bua mushete wa tshijila wa Mvidi Mukulu. Muntu uvua munyema mu mvita awu ubuela mu tshimenga, kuambilaye bantu bonsu bivua bienzeka mu mvita. Nanku bantu bonsu kudila muadi bikole.

1 Samuele 4:17

Muntu awu kuandamuna ne: — Bena Izrayele mbanyeme bena Peleshete. Mbashipe bena mvita ba Izrayele bapite bungi. Mbashipe bana bebe babidi ba balume, Ofni ne Pinhase. Kabidi mushete wa tshijila wa Mvidi Mukulu mbaunyenga kudi bena Peleshete.

1 Samuele 4:19

Mukaji wa muanende Pinhase uvua ne difu, pabuipi ne kulela. Mukaji awu umvua ne: bena Peleshete mbanyenge mushete wa tshijila, kabidi tatuende muenu ne bayende Pinhase mbafue, munda mukavua mumusama bua kulela, nanku uzonzama, kulelaye.