1 Samuele 31:4 - MUKANDA WA MYIDI MUKULU

⁴ Kuambilaye muntu uvua mumuambuile bia lulu ne: — Angata muela webe, unshipe. Bualu tshiena musue bua banshipe, banseke kudi bena Peleshete aba, bantu bavuabu kabayi bateke panshi. Kadi, muntu uvua muambuile Shawule bia lulu, kubenga, bualu uvua ne bowa bua bungi. Ke Shawule kuasa muela wende panshi, kudiela pa muela apu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Hashishe Shaula wakambila mutuadi wa ngabu wandi ne, Utule muele webe wa nvita, untue, unsompoke, bua bantu aba badi kabayi batengula kabantu, kabansompodi, kabanfuishi bundu. Kadi mutuadi wa ngabu wandi wakahidia bualu bua yeye wakatamba kutshina. Nunku Shaula wakatula muele wandi wa nvita, wakadituaku.

1 Samuele 31:4 ပူးပေါင်းရင်းမြစ်များ

2 Samuele 1:1

Davide mumane kutshimuna bena Amaleke, kuyaye kusombela mu tshimenga tshia Siklaje. Diba adi, Shawule ukavua mumane kufua. Davide kushala mu tshimenga atshi matuku abidi.

2 Samuele 1:14

Davide kuela lubila ne: — Muudi kuyi mutshine bua kushipa mukalenga uvua Maweja-Nangila musungule mbishi?

2 Samuele 1:20

Kanumanyishi bena Ngate lumu elu lubi, kanulutangalaji mu misesu ya Askalone. Bakaji ba bena Peleshete kabasanki nanku! Nsongakaji ya bantu benyi, kayedi mbila ya disanka!

2 Samuele 1:6

Nsongalume kumuambila ne: — Meme mvua mufike ku mukuna wa Ngilbowa mu mpukapuka. Meme kumona Shawule mudishinde pa difuma diende. Bavua bamubambakaja bikole kudi baluishi bende, bavua ne matempu a mvita, ne kudi bavua babanda pa nyama ya tubalu.

2 Samuele 17:23

Akitofele umona ne: kabena bitabe lungenyi luende, kusuikaye biseba bia kusomba pa nyama wende wa mpunde, kupinganaye mu tshimenga tshia Ngilo, nuwuaye musombela. Kulayaye bena nzubu wende, pashishe kudiowaye. Kumujikabu mu lukita lua tatuende.

2 Samuele 21:12

Nanku, mukalenga kuya kunyenga mifuba ya Shawule, ya muanende Yonatane ivua mu tshimenga tshia Yabeshe, mu ditunga dia Ngilaade. Bualu pavua bena Peleshete batshimuna Shawule ku Ngilbowa, bavua balembeleje tshitalu tshia Shawule ne tshia Yonatane ku Bete-Sheyane muaba udi bantu batuilangane. Muaba awu, ke uvua bena tshimenga tshia Yabeshe baye kuiba bitalu abi.

1 Bakalenga 16:18

Zimri umona ne: mbamane kukuata tshimenga tshia Tirsa, kunyemenaye mu tshibambalu tshikuabu tshia nzubu wa bukalenga. Kutuaye kapia ku tshibambalu atshi, kufuaye mu kapia.

1 Bakalenga 16:27

Malu makuabu a Omri, mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda amu, mbafundemu malu onsu adi Omri muenze, baleja kabidi ne bukitu buvuaye nabu.

1 Kulondolola 10:4

Shawule kuambila muntu uvua mumuambuile bia mvita ne: — Angata muele webe, unshipe. Bualu tshiena musue bua banshipe kudi bena Peleshete aba to. Bantu ba tshisamba tshikuabu aba bobu banshipe, badi mua kunseka. Kadi muntu awu kubenga, bualu uvua ne bowa bua kushipa mukalenga. Ke Shawule kuasa muele wende panshi, kudielapu, kufua.

Balombodi 14:3

Baledi ba Shimeshone kubenga, bamba ne: — Udi muye kusungula nsongakaji amu wa bena Peleshete badibu kabayi bateke panshi bua tshinyi? Kuena mumone nsongakaji mu diku dienu, nansha mu tshisamba tshienu anyi? Kadi Shimeshone kuambila tatuende ne: — Ndi musue unselele amu nsongakaji awu. Bualu ndi mumunange.

Balombodi 9:54

Diakamue Abimeleke kubikila muana wa balume uvua muambule bia mvita biende. Kumuambilaye ne: — Angata muele webe, unshipe, bua bantu kabambi ne: muntu mukaji mmushipe Abimeleke. Muana wa balume awu kutua Abimeleke muele, kuabulukangana. Abimeleke kufua.

1 Samuele 14:6

Yonatane kuambila nsongalume wende ne: — Luaku tuye too ne ku tshisumbu tshia bena mvita ba bena Peleshete, badibu kabayi bateke panshi. Misangu mikuabu Maweja-Nangila udi mua kutuambuluisha. Bualu kakuena tshidi mua kupumbisha Maweja-Nangila bua atupeteshe ditshimuna, nansha tuetu ba bungi nansha tuetu bakese.

1 Samuele 17:26

Davide kukonka bena mvita bavua pabuipi nende ne: — Muntu wikale mushipe muena Peleshete ewu bua kusombuela bipendu bidiye upenda bena Izrayele, nebamufute tshinyi? Muena Peleshete ewu, udibu kabayi bateka panshi, upenda bena mvita ba Mvidi Mukulu wa muoyi nnganyi mene?

1 Samuele 17:36

Ke mumvua nshipa nyama ya ntambue ne ya nkashama nanku. Ke mungenzela muena Peleshete ewu, udibu kabayi bateke panshi. Bualu udi upenda bena mvita ba Mvidi Mukulu wa muoyi.

1 Samuele 26:10

Bu mudi Maweja-Nangila ne muoyi, ndi nkujadikila ne: Maweja-Nangila nkayende neajikije bualu buende. Shawule udi mua kufua bu mudi bantu bonsu bafue anyi udi mua kufua mu mvita.

1 Samuele 31:5

Muntu uvua muambuile Shawule bia lufu umona ne: mfumuende wafu, kuasaye wende muela panshi, kudiela pa muela apu, kufua pende.