1 Samuele 31:12 - MUKANDA WA MYIDI MUKULU

¹² Bantu ba mu Yabeshe bavua ne dikima, kuenda butuku bujima too ne ku Bete-Sheyane. Kumushabu tshitumpampa tshia tshitalu tshia Shawule, ne bitalu bia bana bende ku tshimana. Pashishe kuyabu kuosha bitalu abi ku tshimenga tshia Yabeshe.

Mukanda wa Nzambi Dihungila Dikulukulu ne Dihungila Dihia-dihia 2003

¹² bena bukitu bonso bakajuka, bakaya butuku, bakangata tshitumpampa tshia Shaula ne bitalu bia bana bandi balume basatu biakadi bisuika ku lumbu lua musoko wa Bete-shana, bakalua nʼabi ku Yabesha, bakabioshaku.

1 Samuele 31:12 ပူးပေါင်းရင်းမြစ်များ

1 Kulondolola 10:12

Bantu ba mu Yabeshe bavua ne dikima, kuya kuambula tshitalu tshia Shawule ne bia bana bende bua kupingana nabi mu Yabeshe. Kujikabu mifuba yabu muinshi mua mutshi wa kampanga-nzevu, wa mu Yabeshe. Kushalabu bajila biakudia matuku muanda mutekete.

2 Kulondolola 16:14

Kumujikabu mu lukita lukuabu lua ku nkita ivuaye mumbuishe mu Tshimenga tshia Davide. Kujikabu tshitalu tshiende muaba uvuabu basangishe manananshi a bungi a mishindu mishilangane. Manananshi awu bavua baenza kudi bantu bavua bamanye mudimu awu bikole. Bavua bosha manananshi mavule mu dina dia mukalenga Asa.

Yirmeya 34:5

Nenku, neufue mu bupole. Mu madilu ebe nebakuenzele muvuabu benzele bankambua bebe, bakalenga bavua bakudianjidile mu nkuasa wa bukalenga. Nebakoshile manananshi, bakudile bela kasala ne: Eyi! Mukalenga mmufue. Meme Maweja-Nangila ndi nkujadikila nanku.”

Amosa 6:10

Muanabu ne bantu bafuila mu nzubu amu neafike bua kupatula bitalu pambelu. Bu muntu mua kuebeja muntu, udi mushale mu tshibambalu tshia munda menemene mua nzubu, ne: “Nutshidi ne muntu mukuabu mu nzubu anyi,” nebamuandamune ne: “To, muntu nansha umue!” Neasakidile ne: “Puwa! Ki ndiba dia kutela Maweja-Nangila.”

1 Samuele 31:10

Pashishe bia mvita bia Shawule abi, kubitekabu mu nzubu wa mvidie wabu Astarte. Kusuikabu tshitalu tshiende ku tshimana tshia ku Bete-Sheyane.