1 Samuele 31:1 - MUKANDA WA MYIDI MUKULU

¹ Bena Peleshete kuluisha bena Izrayele pa mukuna wa Ngilbowa. Kushipabu bena Izrayele ba bungi, bakuabu kunyema.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bena Peleshete bakaluangana ne Bena Isalele; Bena Isalele bakanyema ku mesu kua Bena Peleshete, badishinde hanshi bafue mu mukuna wa Gileboa.

1 Samuele 31:1 ပူးပေါင်းရင်းမြစ်များ

2 Samuele 1:21

Ku mikuna ya Ngilbowa, lumuma nansha mvula kabiloki! Mu bibandabanda biayi, kamuikadi biakudia mu madimi! Bualu ke muaba uvuabu bimanshe ngabu ya bena mvita ngabu wa Shawule udibu kabayi mua kufita kabidi manyi.

2 Samuele 1:6

Nsongalume kumuambila ne: — Meme mvua mufike ku mukuna wa Ngilbowa mu mpukapuka. Meme kumona Shawule mudishinde pa difuma diende. Bavua bamubambakaja bikole kudi baluishi bende, bavua ne matempu a mvita, ne kudi bavua babanda pa nyama ya tubalu.

2 Samuele 4:4

Yonatane, muana wa Shawule, uvua mushiye kabidi muana wa balume, dina diende Mefibaale Muana awu uvua mutshibuke mikolu yonsu ibidi. Pavua lumu lua lufu lua Shawule ne Yonatane lufume mu tshimenga tshia Yizreyele, Mefibaale uvua ne bidimu bitanu. Nanku, ndeji wa muana ewu, kumuela ku lubesa bua kunyema nende. Kadi pavuaye unyema, muana kufinuka kudishinda, kutshibuka.

1 Samuele 12:25

Kadi, panuikala benza bibi, nenubutuke bonsu ne mukalenga wenu.

1 Samuele 28:1

Tshikondu atshi, bena Peleshete kusangisha bena mvita babu bonsu mu tshisumbu tshimue, bua kuya kuluisha bena Izrayele. Mukalenga Akishe kuambila Davide ne: — Wewe ne bantu baudi nabu netuye nenu ku mvita eyi.

1 Samuele 28:15

Mukishi wa Samuwele kukonka Shawule ne: — Meme mumane kuikisha, udi mumbishe bua tshinyi? Udi umbikila bua tshinyi? Shawule kuandamuna ne: — Bualu ndi nkenga bikole. Bena Peleshete mbafike bua kunduisha. Maweja-Nangila mmumane kumbenga. Kena ungandamuna nansha kudi bambi, nansha mu tshilota. Ke pandi mukubikile bua wewe ungambile tshindi mua kuenza.

1 Samuele 28:19

Maweja-Nangila neakufile ne bantu bebe bonsu mu bianza bia bena Peleshete. Malaba, wewe ne bana bebe netuikale nenu mu kandondu ka bafue emu. Bena mvita bebe bonsu nebikale mu bianza bia bena Peleshete.

1 Samuele 28:4

Dituku dikuabu, bena Peleshete kusangisha bena mvita babu. Kuasabu mitanda yabu pabuipi ne Shuneme. Shawule kubikidisha bena mvita ba bena Izrayele. Kuasabu mitanda yabu pabuipi ne mukuna wa Ngilbowa.

1 Samuele 29:1

Bena Peleshete kusangisha bena mvita babu bonsu ku Afeke. Bena Izrayele bavua basa mitanda yabu ku mpokolu wa mayi pabuipi ne tshimenga tshia Yizreyele.