1 Samuele 30:6 - MUKANDA WA MYIDI MUKULU

⁶ Davide uvua ne kanyinganyinga kakole. Bualu bantu bavuaye nabu bavua basue kumuasa mabue bua kumushipa. Muntu yonsu uvua unyingalala, wela meji kudi bana bende ba balume ne ba bakaji. Kadi ku diambuluisha dia Maweja-Nangila Mvidi Mukulu wende, Davide kupeta bukole.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Davidi wakanyingalala bikole; bualu bua bantu bakadi bahunga dî bua kumukuma mabue; mitshima ya buonso buabo yakanyingalala bua bana babo balume ne bana babo bakashi; kadi Davidi wakadikolesha mu Yehowa, Nzambi wandi.

1 Samuele 30:6 ပူးပေါင်းရင်းမြစ်များ

Genese 32:7

Bantu bavua Yakobe mutume ne mukenji bua kumonangana ne Esawu, kupinganabu, bambila Yakobe ne: — Tuamonanganyi ne mukuluebe Esawu. Udi ulonda ne bantu nkama inayi bua kusambakena nebe.

2 Samuele 17:8

Wewe udi mumanye tatuebe Davide bimpe ne bantu badiye nabu: bonsu mbena mvita ba bukitu. Badi ne lonji bu nyama ya nkashama, padi mamuende mujimine mu tshisuku. Kabidi tatuebe mmuena mvita, kena mua kulala muaba umue ne bena mvita bakuabu to.

2 Bakalenga 4:27

Kadi, mukaji ufika pabuipi ne muambi Elisha ku mukuna wa Karmele, kudiela panshi, kumukuata ku makasa. Ngeyazi uvua musue kumusakila. Kadi Elisha kumukandika ne: — Mulekela! Udi ne dibungama. Tshiena mumanye kudidi difuma, bualu Mvidi Mukulu kena mungambile.

Yobe 13:15

Nansha Mvidi Mukulu musue kunshipa, anshipe, tshindi mua kutekemena kabidi ntshinyi? Kadi ndi anu musue kudilumbuluila, kumpala kuende.

Misambu 116:10

Mvua mutekemene kudi Mvidi Mukulu, nansha pamvua ndila, ngamba ne: “Ndi mu dikenga dinene!”

Misambu 138:3

Pamvua mukubikile, uvua munteleje; wewe kumpetesha muoyi mukole ne dikanda.

Misambu 18:2

Maweja-Nangila, ndi mukunange, Wewe udi bukole buanyi.

Misambu 18:6

Kandondu ka bafue kavua kasue kuya nanyi, buteyi buaku bukeba kumbakula.

Misambu 25:17

Umushe kanyinganyinga mu muoyi wanyi, umpatule mu dikenga.

Misambu 27:14

— Tekemena Maweja-Nangila, kola muoyi, kutekeshi mu maboku, eyowa, tekemena Maweja-Nangila!

Misambu 31:24

Nuenu bonsu bantu ba Maweja-Nangila, munangayi, bualu udi ulama badi bamuitaba. Kadi udi unyoka bena ditambisha bilondeshile bubi buvuabu benze.

Misambu 42:11

Bipendu bia baluishi banyi bidi binsunsula, bualu dituku dionsu badi banseka, bangebeja ne: “Mvidi Mukulu webe udi penyi?”

Misambu 42:5

Ndi mvuluka malu a kale, muoyi wanyi ungitshikila munda. Tuvua tuenda bantu tshisumbu, tuya mu nzubu wa Mvidi Mukulu bua tshibilu, tutumbisha Mvidi Mukulu, tumuela tunkunduluila.

Misambu 42:7

Mvidi Mukulu wanyi, muoyi wanyi udi ne dibungama. Ke pandi nkutendelela, nansha meme musombe mutantshi mule ne nzubu webe, mu mikuna ya Ermone, pabuipi ne Mukuna-Muipi, ku mpokolu ya musulu wa Yardene.

Misambu 56:11

Ndi ntumbisha Mvidi Mukulu bua bivuaye mulaye. Eyowa, ndi nsamuna Maweja-Nangila bua miaku yende.

Misambu 62:1

Musambu wa mu mukanda wa mulombodi wa bena misambu. Wa kuimba bu Yedutune. Musambu wa mu mukanda wa misambu ya Davide.

Misambu 62:5

Nudi amu ne meji mabi a kunyenga muanzu wanyi. Ke panudi nunshiminyina malu. Nudi betu ku mesu, mundamunda batuamba munga.

Misambu 71:4

Mvidi Mukulu wanyi, ungepule ku bianza bia bantu babi, ku tshinyangu tshia bivi ne bakengeshanganyi.

Misambu 71:5

Maweja-Nangila, Mvidi Mukulu, ndi nkutekemena, nkueyemina biangatshile ku buana buanyi.

Ekesode 17:4

Moshe kuebeja Maweja-Nangila ne: — Bantu aba badi bakeba kungasa mabue bua kunshipa, mbenzele tshinyi?

Nsumuinu 18:10

Maweja-Nangila udi bu nzubu udibu bakolesha ne bimana. Muntu muakane udi unyemena kudiye, udi upanduka.

Yeshaya 25:4

Bualu bapele ne bena dikenga bavua banyemena kuudi, wewe kubalama bimpe. Wewe uvua bu muaba wa kupengamena, diba didi mvula mukole uloka. Uvua bu muaba wa dileji, padi diba diosha buloba. — Bualu tshikisu tshia bena tshinyangu, tshidi bu mudi mvula wa tshipupu,

Yirmeya 16:19

— Maweja-Nangila, wewe udi umpesha bukole. Wewe udi undama. Mu tshikondu tshia dikenga, ndi mua kunyemena kuudi. Bantu ba bisamba bikuabu nebafike kuudi wewe, bafuma ku nshikidilu wa buloba. Diba adi nebambe ne: “Bankambua betu bavua anu ne mvidie ya dishima. Mvidie yabu ivua anu lupepele, kayivua mua kuambuluisha muntu nansha umue.

Yona 2:2

Pavua Yona munda mua mushipa, uvua utendelela Maweja-Nangila Mvidi Mukulu wende, wamba ne:

Dibadika 14:10

Bena Izrayele bonsu kukeba mua kubasa mabue, kubashipa. Kadi diakamue butumbi bua Maweja-Nangila kumuenekela bena Izrayele kulu kua ntenta wa kusambakena.

Matayi 21:9

Bavua benda kumpala kua Yezu, ne bavua bamulonda mu nyima, bonsu kuela mbila ne: “Lumu tuikale kudi Muana wa Davide! Udi uvua mu dina dia Maweja-Nangila, Mvidi Mukulu amuele lupemba! Lumu bikale kudi Mvidi Mukulu mu diulu!

Matayi 27:22

Ke Pilate kubebeja ne: — Kadi Yezu udibu binyika ne: Kristu, ngenze nende tshinyi? Bonsu kuandamuna ne: — Umupopele pa mutshi mutshiamakane!

Yowanane 8:59

Kuambulabu mabue bua kumuasa. Kadi Yezu kusokoma, kupatuka mu nzubu wa Mvidi Mukulu.

Rome 4:18

Abrahame uvua muitabe, mutekemene kabidi bivuaye kayi mua kutekemena. Ke yeye kuenza “nkambua wa bisamba bi-vule,” bilondeshile bivua Mvidi Mukulu mumuambile ne: “Ndelanganyi yebe neyikale bungi bua momumue ne mitotu.”

Rome 4:20

Kavua ujimija njila wa ditaba, kavua wela mpata ku bivua Mvidi Mukulu mumulaye nansha. Kadi ditaba diende divua dimukolesha ku muoyi. Ke yeye kutumbisha Mvidi Mukulu.

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

2 Korente 1:6

Patudi tukenga, bidi amu bua nukole muoyi, nupete lupandu. Padibu batusamba, bidi amu bua banusambe kabidi, bua numone mua kumvua ne lutuulu makenga atudi tuetu kabidi nawu.

2 Korente 4:8

Badi batukengesha mishindu yonsu, kadi kabena batuboza. Tudi tupampakana, kadi katuena tuteketa mu maboku.

2 Korente 7:5

Nansha patuvua bafike ku Masedoniya, katuvua ne dikisha nansha dikese. Tuvua bapete ntatu nseke yonsu: baluishi bavua batutatshisha; tuvua kabidi ne dipampakana mu muoyi.

Ebrewu 13:6

Ke patudi tujadika ne muoyi mushindame ne: “Maweja-Nangila udi ungambuluisha, tshiena ntshina tshintu nansha tshimue. Tshidi muntu mua kungenzela ntshinyi?”

Balombodi 18:25

Bena mvita kuandamuna ne: — Buikila mukana! Bana betu bakuabu badi mua kufika munda, kukuluisha. Nanku neudikebele lufu, wewe ne bena nzubu webe!

Balombodi 20:22

Bena Izrayele kuya kudila kumpala kua Maweja-Nangila too ne ku dilolu. Kumuebejabu ne: tudi mua kuya kuluangana kabidi ne bana betu bena Binyamine anyi?

1 Samuele 1:10

Ane uvua mubungame bikole. Pavuaye udila, uvua ulomba Mvidi Mukulu ne: “Maweja-Nangila Mvidi Mukulu wa Izrayele, tangila mundi mu dikenga!

1 Samuele 23:16

Dituku dikuabu, Yonatane, muana wa Shawule kufika muaba uvua Davide ku Orsha. Kukoleshaye Davide ku muoyi bua ikale mutekemena anu kudi Mvidi Mukulu.

1 Samuele 28:15

Mukishi wa Samuwele kukonka Shawule ne: — Meme mumane kuikisha, udi mumbishe bua tshinyi? Udi umbikila bua tshinyi? Shawule kuandamuna ne: — Bualu ndi nkenga bikole. Bena Peleshete mbafike bua kunduisha. Maweja-Nangila mmumane kumbenga. Kena ungandamuna nansha kudi bambi, nansha mu tshilota. Ke pandi mukubikile bua wewe ungambile tshindi mua kuenza.