1 Samuele 3:18 - MUKANDA WA MYIDI MUKULU

¹⁸ Nanku Samuwele kena musokoke bualu nansha bumue. Eli kuamba ne: — Yeye udi Maweja-Nangila! Enze mudiye musue.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Samuele wakamuambila malu onso, kakamusokoka nansha bualu bumue. Eli wakamba ne, Ebu mbualu bua Yehowa; enze biandi malu adi mimpe ku mesu kuandi.

1 Samuele 3:18 ပူးပေါင်းရင်းမြစ်များ

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

2 Samuele 10:12

Nanku kolesha muoyi, tuluangane mvita eyi ne dikima, bua tusungidile bana betu bena Izrayele, ne bimenga bia Mvidi Mukulu wetu. Maweja-Nangila enza mudiye musue.

2 Samuele 15:26

Pikalaye kayi musue, bidi amu bimpe. Angenzele bu mudiye musue.

2 Bakalenga 20:19

Izkiya kuandamuna Yeshaya ne: — Tshidi Maweja-Nangila muambe tshidi bualu buimpe. Izkiya uvua udiambila munda munda ne: “Nanku pantshidi ne muoyi, netuikale basombe bimpe mu bupole!”

1 Kulondolola 19:13

Nenku, kolesha muoyi, tuluangane mvita eyi ne bukitu, bua tupandishe bana betu ne bimenga bia Mvidi Mukulu wetu. Kadi Maweja-Nangila enze mudiye musue.

Yobe 1:21

Wamba ne: Panu bavua bandele butaka, nengumuke kabidi panu amu butaka. Maweja-Nangila kumpesha bionsu, amu yeye kubiangata tshiakabidi. Ndi ntumbisha amu kutumbisha Maweja-Nangila.

Yobe 2:10

Yobe kuandamuna mukajende ne: — Udi wakula bu mukaji udi kayi ne lungenyi to. Patudi tupeta masanka mavule kudi Mvidi Mukulu, tudi tumuanyisha, mutudi mua kumubenga bua makenga adiye ututumina mbishi? Yobe kavua mujane Mvidi Mukulu nansha mu makenga makuabu aa avua mamukuate!

Misambu 39:9

Unsungidile ku bubi buanyi buonsu, kabanseki kudi bidingidingi.

Ekesode 34:5

Nanku, Maweja-Nangila kupueka mu divuba dia kapia, kuimanaye pamue ne Moshe, kudisamunaye nkayende dina diende dia “Maweja-Nangila”.

Yeshaya 39:8

Izkiya kuandamuna Yeshaya ne: “Ndi nganyisha tshidi Maweja-Nangila mukuambile.” Izkiya uvua wela meji ne: nanku pantshidi ne muoyi, netuikale basombe bimpe mu bupole.

Yirmeya 34:6

Ke bualu buvua muambi Yirmeya muambile Sedekiya mukalenga wa bena Yuda mu Yerushalayime.

Yirmeya 38:14

Mukalenga Sedekiya uvua mutume bantu bua bafike ne muambi Yirmeya. Kumubikilaye ku mushiku muisatu wa nzubu wa Mvidi Mukulu. Kumuambilaye ne: — Ndi musue kukukonka. Kunsokoki bualu nansha bumue.

Yirmeya 42:4

Muambi Yirmeya kubandamuna ne: — Mbimpe munudi nundomba! Nentendelele Maweja-Nangila Mvidi Mukulu wetu. Pashishe tshiakunusokoka bualu nansha bumue. Nennumanyishe muikale Maweja-Nangila muambe.

Muadi 3:39

Kadi muntu udi wabakana bua tshinyi? Nansha yeye ne mibi, ki mbamushipe to!

Lewitiki 10:3

Nanku Moshe kuambila Arone ne: — Ke muvua Maweja-Nangila mumane kukudimuka, pawaye wamba ne: “Bonsu badi bangenzela mudimu, badi ne bua kunnemeka, bualu ndi wa tshijila. Bantumbishe, bantu bonsu batangile.” Arone kushala mupuwa.

1 Petro 5:6

Nanku nudipuekeshe mu tshianza tshia bukole tshia Mvidi Mukulu, bua anubandishe tshikondu tshidiye musue.

Balombodi 10:15

Ke bena Izrayele kuamba kabidi ne: — Maweja-Nangila, tudi bamane kuenza bibi. Utuenzele muudi musue. Kadi utusungidile kabidi lelu.