1 Samuele 3:17 - MUKANDA WA MYIDI MUKULU

¹⁷ Eli kumukonka ne: — Maweja-Nangila wakuambidi tshinyi? Kunsokoki bualu nansha bumue to. Wewe munsokoke bualu nansha bumue budi Mvidi Mukulu mukuambile, nemmulombe bua akunyoke bikole bitambe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yeye wakamukonka ne, Bualu kai buakakuambila Yehowa? Ndi nkusengelela ne, Kubusokoki. Nzambi akuenzele wewe malu au onso ne makuabo ha mutu biwasokoka bunga bualu bua malu onso akakuambileye.

1 Samuele 3:17 ပူးပေါင်းရင်းမြစ်များ

2 Samuele 14:18

Mukalenga Davide kumuambila ne: — Ndi musue kukukonka bualu. Ungandamune, kunsokoki to. Mukaji kuandamuna ne: — Eyowa, mukalenga, konkaku!

2 Samuele 19:13

Nuenu nudi bana babu ne mukalenga Davide menemene. Nanku, kanuikadi ba ndekelu bua kumupingaja to.”

2 Samuele 3:35

Butuku kabuyi buanji kuila, bantu kusemena kudi mukalenga Davide bua kumupesha biakudia. Kadi mukalenga Davide kuditshipa, wamba ne: — Meme mudie tshipese tshia diampa, nansha tshintu tshikuabu, butuku kabuyi buanji kuila, Maweja-Nangila annyoke ne dinyoka dikole!

2 Samuele 3:9

Maweja-Nangila annyoke bikole, pangikala tshiyi ngenzela Davide bionsu bivua Maweja-Nangila mumulaye.

1 Bakalenga 22:16

Kadi, mukalenga Akabe kumukonka kabidi ne: — Ndi mua kukusengelela misangu bungi munyi bua wewe kungambila anu bualu bulelela, paudi wakula mu dina dia Maweja-Nangila?

2 Bakalenga 6:31

Mukalenga kuela diyi ne: — Dilolu edi, pangikala tshiyi mukose mutu wa Elisha, muana wa Shafate, Mvidi Mukulu annyoke ne dinyoka dikole.

Misambu 141:5

Ndi nganyisha muntu wa malu mimpe antute, muntu muakane andengeje; tshiena mua kubenga, ndi munange. Kadi padi bantu babi benza malu mabi, tshiena ndekela bua kukutendelela.

Yirmeya 38:14

Mukalenga Sedekiya uvua mutume bantu bua bafike ne muambi Yirmeya. Kumubikilaye ku mushiku muisatu wa nzubu wa Mvidi Mukulu. Kumuambilaye ne: — Ndi musue kukukonka. Kunsokoki bualu nansha bumue.

Yirmeya 42:4

Muambi Yirmeya kubandamuna ne: — Mbimpe munudi nundomba! Nentendelele Maweja-Nangila Mvidi Mukulu wetu. Pashishe tshiakunusokoka bualu nansha bumue. Nennumanyishe muikale Maweja-Nangila muambe.

Danyele 4:19

Mukalenga, mutshi awu ngwewe! Wewe kudiunda, kukola. Bunene buebe kupita, kutua mu diulu. Bukalenga buebe kutanta, kufika ne ku ntengu ya buloba.

Mika 2:7

Bena Izrayele, mbabatshipe anyi? Maweja-Nangila kena ne lutulu anyi? Utu ne tshibidilu tshia kulujimija anyi?” Kadi meyi anyi adi alengelela amu bantu badi benda mu njila udi Mvidi Mukulu muanyishe.

Dibadika 23:17

Balaame kupingana muaba uvua Balake mumuindile amu kumuindila pabuipi ne milambu yende, pamue ne bamfumu ba bena Mowabe. Balake kumuebeja tshivua Maweja-Nangila mumumanyishe.

Matayi 26:63

Kadi Yezu uvua amu mupuwe. Ke mutuangaji munene kukonka Yezu ne: — Mu dina dia Mvidi Mukulu udi ne muoyi, ndi nkulomba bua utuandamune, uditshipe. Udi Kristu, Muana wa Mvidi Mukulu anyi?

Rute 1:17

Kuwafuila nenkufute panyi, nkuanjikabu kabidi. Meme tshiyi muenze nanku, kayanda kanyi, Maweja-Nangila angangate.

1 Samuele 14:44

Shawule kuamba ne: — Yonatane wewe kuyi mufue, Mvidi Mukulu annyoke ne dinyoka dikole!

1 Samuele 20:13

Kadi, pikalaye musue kukuenzela bibi, pangikala tshiyi mukumanyishe, Maweja-Nangila annyoke ne dinyoka dikole. Diba adi nenganyishe bua wewe kuya. Neuye bimpe kabayi bakuatshisha to. Ndi njinga ne: Maweja-Nangila ikale nebe muvuaye ne tatu wanyi Shawule.

1 Samuele 25:22

Nanku, patuamba kufika malaba dinda, Mvidi Mukulu annyoke ne dinyoka dikole, pangikala tshiyi mubutule bena diku dia Nabale bonsu.”

1 Samuele 3:16

Ke Eli kumubikila, wamba ne: — Muananyi Samuwele! Samuwele kuitaba ne: — Eyowa, mfumuanyi.