1 Samuele 3:12 - MUKANDA WA MYIDI MUKULU

¹² Dituku adi, nenkumbaje bionsu bimvua mumane kuamba bua kuenzela Eli ne bena nzubu wende. Nebapete makenga onsu amvua mumane kubambila. Tshiena ndekela to.

Mukanda wa Nzambi Dihungila Dikulukulu ne Dihungila Dihia-dihia 2003

¹² Mu dituku adi nenshikishe malu onso anakamba bua Eli ne ba mu nsubu wandi ku tshibangidilu tshiau tô ne kunshikidilu kuau.

1 Samuele 3:12 ပူးပေါင်းရင်းမြစ်များ

Yezekiyele 21:5

Meme kuandamuna ne: — Eyi! Maweja-Nangila Mvidi Mukulu, bakadi badila muadi, banjana ne: “Udi wakula anu mu mianu itudi katuyi mua kumvua.”

Zekâya 1:6

Kadi meyi anyi ne mikenji yanyi bimvua mumanyishe bambi, bena mudimu banyi, bivua bituishe bankambua benu kunyima kua matuku. Bobu kukudimuna nsombelu wabu, kuitaba ne: Maweja-Nangila mmutunyoke, muvuaye muambe. Mmutunyoke kabidi pa bualu, bua malu etu mabi.

Dibadika 23:19

Mvidi Mukulu kena muntu, kena ushima! Kena muana wa Adame, kena ushintulula meji ende. Udi wenza amu mudiye wamba. Udi ukumbaja bionsu bidiye ulaya.

Luke 21:33

Diulu ne buloba nebijimine. Kadi miaku yanyi kayakujimina to.

Yoshua 23:15

Nenku mushindu udi Maweja-Nangila Mvidi Mukulu wenu mukumbaje bionsu bivuaye munulaye, ke muakumbajaye kabidi bionsu bidiye muambe bua kununyoka. Udi mua kunubutula mu ditunga dimpe divuaye munupe.

Balombodi 4:24

Bena Izrayele kuluisha mukalenga Yabine bikole. Ku ndekelu kumushipabu.

1 Samuele 4:11

Bena Peleshete kunyenga mushete wa tshijila. Ofni ne Pinhase, bana ba balume babidi ba mutuangaji Eli, kufua.

1 Samuele 4:17

Muntu awu kuandamuna ne: — Bena Izrayele mbanyeme bena Peleshete. Mbashipe bena mvita ba Izrayele bapite bungi. Mbashipe bana bebe babidi ba balume, Ofni ne Pinhase. Kabidi mushete wa tshijila wa Mvidi Mukulu mbaunyenga kudi bena Peleshete.

1 Samuele 4:21

Pashishe mukaji awu kuamba ne: — Bu mudi butumbi bua Mvidi Mukulu bumuke munkatshi mua bena Izrayele, ndi nginyika muana ewu dina ne: Ikabode. Dina edi mbua kuleja ne: “Butumbi ka-butshienaku.” Dina edi divu bua kuvuluka mushete wa tshijila uvuabu banyenge, ne kuvuluka lufu lua tatuende muenu, ne lua bayende Pinhase.

1 Samuele 4:22

Mukaji awu kujadika ne: butumbi bua Maweja-Nangila kabutshiena munkatshi mua bena Izrayele, bualu baluishi mbanyenge mushete wa ndondu.